Mose I, 20:3 - BAIBLO ALOO NGMAMI KLƆUKLƆU Ɔ

³ Ligbi ko nyɔ mi ɔ, Mawu je e he kpo ngɔ tsɔɔ Abimelek ngɛ nlami mi, nɛ e de lɛ ke, “Akɛnɛ o ya ngɔ yo nɛ ɔ he je ɔ, o ma gbo; nɔ ko yo ji lɛ.”

Mose I, 20:3 ပူးပေါင်းရင်းမြစ်များ

Mateo 27:19

Benɛ Pilato hii si ngɛ kojomi sɛ ɔ nɔ ɔ, e yo tsɔ nɔ kɛ sɛ gbi ba de lɛ ke, “Hyɛ, koo pee dalɔ nɛ ɔ yayami ko oo! Ejakaa i nla nlami basabasa ngɛ e he nyɔ nɛ ɔ mi, nɛ i hao wawɛɛ.”

Mose I, 20:7

Se jehanɛ lɛɛ, ngɔɔ yo ɔ kɛ ya ha e huno. E huno ɔ, gbalɔ ji lɛ; e ma kpa pɛɛ ha mo, konɛ o ko gbo. Se ke o kpale we yo ɔ kɛ ya ha we e huno ɔ, lɛɛ i ngɛ mo dee ke, o kɛ o weku li tsuo nyɛ ma gbo!”

La 105:14

Se Mawu ngmɛ́ blɔ nɛ nɔ ko nɛ hao mɛ; a he ɔ, e je blɔ de matsɛmɛ ɔmɛ ke,

Hiob 33:15

Nyɔ mi benɛ nimli adesahi hwɔ mahe vii ngɛ sa nɔ ɔ, Mawu kɛ mɛ tuɔ munyu kɛ guu nlamihi, kɛ ninahi a mi.

Mateo 1:20

Se benɛ Yosef ngɛ nɔ́ nɛ ɔ he susue ɔ, Nyɔmtsɛ ɔ bɔfo je e he kpo tsɔɔ lɛ ngɛ nlami mi, nɛ e de lɛ ke, “Yosef, David nina, koo ye gbeye kaa o kɛ Maria maa hi si kaa o yo; hɔ nɛ e hɛɛ nɛ ɔ je Mumi Klɔuklɔu ɔ mi.

Mose I, 28:12

E nla nɛ gba he tso ko maa si ngɛ zugba nɛ e yi mi ya pi hiɔwe, nɛ Mawu bɔfohi ngɛ gba he tso ɔ kuɔe nɛ a ngɛ kplee.

Yona 3:4

Yona ba su ma a mi, nɛ kekleekle ligbi ɔ nɔ ɔ, e bɔni kpami kɛ ngɛ a tue mi woe ke, “Hiɛmɛ nɛ ɔ ligbi nyingmi eywiɛ se ɔ, a ma kpata Nineve hɛ mi.”

Mose I, 40:8

A he nɔ ke, “Wa ti nɔ tsuaa nɔ nla nlami ko, nɛ nɔ ko be nɛ maa tsɔɔ wɔ sisi.” Yosef de mɛ ke, “Mawu lɛ tsɔɔ nlamihi a sisi; i kpa nyɛ pɛɛ nɛ nyɛɛ sɛɛ nlami ɔmɛ ha mi.”

Mose I, 37:9

Pee se ɔ, Yosef nla nlami kpa, nɛ e bɔ e nyɛmimɛ ɔmɛ ke, “I pa nla nlami kpa. I nla nɛ pu kɛ hlami kɛ dodoe nyɔngma kɛ kake ba kpla si ngɛ ye hɛ mi.”

Mose I, 37:5

Ligbi ko ɔ, Yosef nla nlami ko; nɛ benɛ e bɔ e nyɛmimɛ ɔmɛ nlami ɔ, a nyɛ lɛ pe sa a.

Mose I, 31:24

Jamɛ a nyɔ ɔ mi ɔ, Mawu je e he kpo ngɔ tsɔɔ Laban, Aram no ɔ ngɛ nlami je, nɛ e de lɛ ke, “Hyɛ nɛ hi nɛ o kɛ Yakob ko tu munyu ko; yaya jio, kpakpa jio.”

Mose I, 12:17

Abram yo Sarai he je ɔ, Yawɛ ha hiɔ nɛ nya wa ko ba sɛ Farao ɔ kɛ e we mi bi ɔmɛ a kpɛti.

Mose I, 12:18

Kɛkɛ nɛ Farao ɔ tsɔ ya tsɛ Abram kɛ ba, nɛ e bi lɛ ke, “Mɛni o pee mi nɛ ɔ? Mɛni he je o de we mi ke o yo ji yo ɔ?

Mose IV, 22:9

Mawu ba Balaam ngɔ, nɛ e ba bi lɛ ke, “Nyumu ɔmɛ nɛ ba to mo ɔ, mɛnɔmɛ ji mɛ?”

Kronika I, 16:21

Se Yawɛ ngmɛ́ blɔ nɛ nɔ ko nɛ wa mɛ yi mi; e bɔ matsɛmɛ ɔmɛ kɔkɔ ngɛ a he.

Mose I, 40:5

Nyɔ kake mi ɔ, Egipt matsɛ ɔ dã nɔ hyɛlɔ ɔ kɛ abolo salɔ ɔ tsuo nla ngɛ he nɛ a wo mɛ tsu ngɛ ɔ; nɔ tsuaa nɔ kɛ e nlami, nɛ nlami tsuaa nlami kɛ e sisi.

Mose I, 46:2

Nyɔ mi ɔ, Mawu kɛ lɛ tu munyu ngɛ nina mi. Mawu tsɛ lɛ ke, “Yakob, Yakob!” Yakob he nɔ ke, “I ngɛ hiɛ ɔ.”

Hiob 33:17

Mawu kɛ nimli adesahi tuɔ munyu bɔ nɛ pee nɛ a kpa yayami peemi, nɛ a ko wo a he nɔ.