Mose I, 20:2 - BAIBLO ALOO NGMAMI KLƆUKLƆU Ɔ

² nɛ lej ɔ, Abrahamde ke e nyɛmiyo ji e yo Sara a nɛ. Lɔ ɔ he ɔ, Gerar matsɛ, Abimelek tsɔ nɛ a ya tsɛ Sara ba ha lɛ.

Mose I, 20:2 ပူးပေါင်းရင်းမြစ်များ

Mose I, 12:15

Egipt matsɛ ɔ he ni komɛ na yo ɔ, nɛ a ya je e yi kɛ ha Farao ɔ; lɔ ɔ he ɔ, a ba ngɔ lɛ kɛ ho matsɛ we ɔ mi ya.

Mose I, 26:7

Benɛ nyumu ɔmɛ nɛ ngɛ lejɛ ɔ bi lɛ e yo ɔ he sane ɔ, e de mɛ ke e nyɛmiyo ji yo ɔ nɛ. E ye gbeye kaa ke e de ke e yo ji Rebeka a, nyumu ɔmɛ nɛ ngɛ lejɛ ɔ maa gbe lɛ, konɛ a na Rebeka he blɔ; ejakaa Rebeka he ngɛ fɛu saminya.

Kolosebi 3:9

Nyɛ ko ye nyɛ sibi lakpa; nyɛ sake nɔmlɔ su momo ɔ, kɛ e ní tsumi ɔmɛ ngɔ pue.

Efesobi 4:25

Lɔ ɔ he ɔ, nyɛ kpa lakpa yemi, nɛ nɔ tsuaa nɔ nɛ tu e nyɛmi anɔkuale sisiisi. Ejakaa wɔ tsuo pɛpɛɛpɛ wa ngɛ kaa Kristo nɔmlɔ tso ɔ he ní munomunohi.

Fiɛlɔ 7:20

Niinɛ, dalɔ ko dalɔ ko be zugba nɛ ɔ nɔ. Nɔ ko nɔ ko be nɛ peeɔ kpakpa daa nɛ ɔ, nɛ lɛɛ e pee we yayami gblegbleegble.

Abɛ Womi 24:16

Nɔmlɔ kpakpa a, ke e nɔ si nɔtonɔto si kpaago po, e maa te si ekohu. Se nimli yayamihi lɛɛ ke haomi ba a nɔ kɛkɛ a hɛ mi kpata pɛsɛpɛsɛ.

Kronika II, 32:31

Benɛ ni ɔmɛ nɛ Babilonia ganɔ ɔmɛ tsɔ kɛ ba Hezekia ngɔ ba bi lɛ sane ngɛ nyakpɛ níhi nɛ ba zugba a nɔ ɔ a he pohu ɔ, Mawu ngmɛɛ Hezekia jemi he ngɔ ha lɛ. Mawu pee kikɛmɛ a nɔ́ nɛ ɔ konɛ e kɛ ka lɛ, nɛ e kɛ na nɔ́ tsuaa nɔ́ nɛ ngɛ e tsui mi.

Kronika II, 19:2

Gbalɔ Yehu, Hanani binyumu ɔ ba kpee matsɛ ɔ, nɛ e de lɛ ke, “Anɛ e da ha mo kaa o ya piɛ yiwutsotsɛmɛ a he, nɛ o kɛ ni nɛmɛ nɛ a sume Yawɛ nɛ bɔ lo? Nɔ́ nɛ o pee nɛ ɔ ha nɛ Yawɛ mi mi fu mo.

Mose I, 26:16

Jehanɛ, Abimelek de Isak ke, “Jee wa zugba a nɔ kɛ ho; o he ba wa tsɔ pe wɔ.”

Mose I, 26:1

Hwɔ ba zugba a nɔ; slo hwɔ nɛ ba ngɛ Abraham yi nɔ ɔ; nɛ Isak ho Filisti bi ɔmɛ, a Matsɛ Abimelek ngɔ ya ngɛ Gerar.

Mose I, 20:12

Anɔkuale mi ɔ, ye yo ɔ, imi nitsɛ ye nyɛmi ji lɛ. Tsaatsɛ bi ji lɛ, se pi maa bi, nɛ e ba pee ye yo.

Kronika II, 20:37

Se Dodavahu nɛ je Maresha ma a mi ɔ binyumu Eliezer gba kɛ si Yehoshafat ke, “Akɛnɛ o kɛ Ahazia ya pee huɛ he je ɔ, Yawɛ ma ha nɛ o ní tsumi ɔ maa pee yaka.” Lɛ ɔmɛ ya ywia, nɛ a nyɛ we nɛ a ya su Tarshish.

Mose I, 21:22

Jamɛ a be ɔ mi ɔ, Abimelek kɛ e tatsɛ Fikol ba Abraham ngɔ. Abimelek de Abraham ke, “Nɔ́ tsuaa nɔ́ nɛ o ngɛ pee ɔ, Mawu piɛɔ o he.

Abɛ Womi 29:25

Ke o ngɛ nɔmlɔ adesa gbeye yee ɔ, o naa haomi; se ke o ngɔ o hɛ kɛ fɔ Yawɛ nɔ ɔ, nɔ́ ko nɔ́ ko be o he sae.

Abɛ Womi 6:29

Nɔ nɛ kɛ e nyɛmi e yo ya hwɔɔ si ɔ, e sane ɔ ngɛ kaa kikɛ nɛ ɔ nɔuu. Nɔ tsuaa nɔ nɛ tsuɔ kikɛmɛ a ní nɛ ɔ, e be e he yee ligbi ko ligbi ko.