Mose I, 20:13 - BAIBLO ALOO NGMAMI KLƆUKLƆU Ɔ

¹³ Lɔ ɔ he ɔ, benɛ Mawu je mi kɛ je ye weku li a he nɛ e ha nɛ i ba ngɛ lalaalo woe kɛ ngɛ nyɛɛe ɔ, i de ye yo ɔ ke, ‘Kpakpa nɛ o maa pee ha mi ji nɛ ɔ nɛ: he tsuaa he nɛ wa maa ya a, de ke o nyɛminyumu ji mi.’ ”

Mose I, 20:13 ပူးပေါင်းရင်းမြစ်များ

Mose I, 12:1

Yawɛ de Abram ke, “Jee o zugba a nɔ, kɛ o ma a mi, kɛ o weku li a ngɔ kɛ ya zugba nɛ ma tsɔɔ mo ɔ nɔ.

Mose I, 12:9

Pee se ɔ, Abram je lejɛ ɔ, nɛ e tsa e blɔ hiami ɔ nɔ kɛ gu Kanaan leneyi blɔ. Ke e nyɛɛ bɔɔ e to si bɔɔ.

Hebribi 11:8

Hemi kɛ yemi lɛ ha nɛ Abraham bu Mawu tue, benɛ a tsɛ lɛ nɛ a de lɛ ke e je he nɛ e ngɛ ɔ kɛ ya zugba nɛ ma ba pee e weto ní ɔ nɔ. Abraham pue nɔ kɛ ho, pohu e li he nɛ e yaa.

Ni Tsumi 5:9

Jehanɛ Petro bi lɛ ke, “Kɛ pee kɛɛ nɛ nyɛ pee nyɛ nya kake kɛ ye Nyɔmtsɛ ɔ Mumi ɔ lakpa a, nyɛ susu kaa nyɛ maa ye nyɛ he lo? Hyɛ, nihi nɛ ya pu o huno ɔ, mɛ lɛ a kpale kɛ ma a nɛ; a ma wo mo hu kɛ ho!”

La 64:5

A peeɔ yi wu tso ní nɛ ɔmɛ ngɛ laami mi; a tsɔɔ klamahi babauu; a woɔ a sibi he wami, nɛ a deɔ ke, “Mɛnɔ maa na wɔ?”

Samuel I, 23:21

Saul de mɛ ke, “Yawɛ maa gbaa nyɛ kaa nyɛ na mi mɔbɔ.

Mose I, 20:5

Abraham nitsɛ nɛ e de ke e nyɛmiyo ji yo ɔ. Yo ɔ nitsɛ hu de ke e nyɛminyumu ji Abraham. Nɔ́ nɛ i pee nɛ ɔ je ye tsui mi faa, nɛ ye he nile bui mi fɔ.”

Mose I, 20:12

Anɔkuale mi ɔ, ye yo ɔ, imi nitsɛ ye nyɛmi ji lɛ. Tsaatsɛ bi ji lɛ, se pi maa bi, nɛ e ba pee ye yo.