Mose I, 2:9 - BAIBLO ALOO NGMAMI KLƆUKLƆU Ɔ

⁹ E ha tso slɔɔtoslɔɔtohi puɛ ngɛ ngmɔ ɔ mi: tsohi nɛ ngɛ fɛu, kɛ ní nɛmɛ nɛ woɔ yiblii nɛ a yeɔ. Tso nɛ haa nɔ wami, kɛ tso nɛ haa nɔ leɔ kpakpa kɛ yayami maa si ngɛ ngmɔ ɔ kpɛti tutuutu.

Mose I, 2:9 ပူးပေါင်းရင်းမြစ်များ

Mose I, 2:17

ja tso ɔ nɛ haa nɔ leɔ kpakpa kɛ yayami ɔ pɛ. Koo ye jamɛ a tso ɔ yiblii; ligbi nɛ o maa ye eko ɔ, o ma gbo.”

Mose I, 3:22

Enɛ ɔ se ɔ, Yawɛ Mawu de ke, “Jehanɛ lɛɛ nyumu ɔ ngɛ kaa wa ti nɔ kake pɛ, nɛ e le kpakpa kɛ yayami. Ma hyɛ nɛ e ko ya tsɔ tso ɔ nɛ haa nɔ wami ɔ e yiblii nɛ e ye, nɛ e ba hi je mi kɛ ya neneene.”

Mose I, 3:24

E fie nyumu ɔ kɛ je lejɛ ɔ, nɛ e ngɔ kerubhi kɛ klaate ya to Eden ngmɔ ɔ beleku je, konɛ a bu blɔ ɔ nɛ a guu nɔ kɛ yaa tso nɛ haa nɔ wami ɔ he. Klaate ɔ ngɛ tsoe plamplam kaa la, nɛ e ngɛ e he poe.

Mose I, 3:3

ja tso ɔ nɛ ngɛ ngmɔ ɔ kpɛti tutuutu ɔ pɛ. Mawu ke wa ko ye jamɛ a tso ɔ yiblii, nɛ wa ko ta he hulɔ; ke wa pee ja a, wa ma gbo.”

Mose I, 3:5

Mawu de ja, ejakaa e le kaa ke nyɛ ye jamɛ a tso ɔ yiblii ɔ, nyɛ hɛngmɛ ma bli, nɛ nyɛ maa hi kaa lɛ Mawu ɔ nitsɛ; nyɛ maa le kpakpa kɛ yayami.”

Abɛ Womi 11:30

Nɔ́ nɛ da peemi haa nɔ wami; basabasa lɛɛ gbenɔ e kɛ baa.

Abɛ Womi 3:18

Nihi nɛ le ní ɔ, a naa bua jɔmi; nile haa mɛ wami.

Yesaya 44:25

Imi ji nɔ nɛ haa lakpa gbali ɔmɛ, kɛ dodoe mi hyɛli a we okadi ɔmɛ peeɔ yaka. Imi ji nɔ nɛ kuɔ ní leli a nya la, nɛ i haa a nile plɛɔ peeɔ kuasia jemi.

Yesaya 47:10

“Yayami nɛ o ngɛ pee ɔ peeɔ mo kaa o he mi jɔ mo. O susu kaa nɔ ko nɔ ko be mo nae. O ga, kɛ o nile ɔ ha o laa blɔ, nɛ o de o he ke, ‘Imi ji imi, nɛ ye se ɔ nɔ ko be hu.’

Ezekiel 31:16

Ma ha e maa nɔ si haa bum kɛ maa ya gbeje; nɛ je ma amɛ ma mimiɛ, ke a nu e si nɔmi ɔ. Eden ngmɔ ɔ mi tso ɔmɛ tsuo, kɛ Lebanon tsohi nɛ a je blɔ ha mɛ nyu saminya, nɛ mɛɛ lɛɛ a ho gbeje ya momo ɔ, a bua maa jɔ wawɛɛ kaa tso nɛ ɔ nɔ si.

Ezekiel 31:18

“Tso nɛ ɔ daa si ha Egipt matsɛ ɔ, kɛ e ma kpekpemi ɔ tsuo. Tsohi nɛ ngɛ Eden ngmɔ ɔ mi po ka we, nɛ a he hu pee we fɛu kaa tso nɛ ɔ. Se jehanɛ lɛɛ kaa bɔ nɛ Eden ngmɔ ɔ mi tso ɔmɛ ya su gbeje ɔ, lɛ hu e maa ya lejɛ ɔ, nɛ e ma ya piɛ nihi nɛ a pui mɛ, kɛ nihi nɛ nɔ ngɛ ta mi ɔ a he. Imi, Nyɔmtsɛ Yawɛ lɛ i de.”

Ezekiel 47:12

Tso slɔɔtoslɔɔtohi maa bɔ ngɛ pa a nya hiɛ kɛ pa a se tsuo. Tso ba amɛ be nglae, nɛ a yiblii ɔmɛ hu be tae. Nyɔhiɔ tsuaa nyɔhiɔ ɔ, a maa wo yiblii he; ejakaa nyu nɛ a naa a, Yawɛ we ɔ mi a naa kɛ jeɔ. Tso ɔmɛ ma ha niye ní babauu, nɛ a ba amɛ ma ba pee tsopa nɛ a kɛ ma tsa ma a.”

Yohane 6:48

Imi ji abolo nɛ haa nɔ wami ɔ nɛ.

1 Korintobi 8:1

Jehanɛ ma suɔ nɛ ma de nɔ́ ko ngɛ kusumi lo nɛ a kɛ haa amaga he. E ngɛ mi niinɛ kaa “wɔ tsuo wa le ní,” kaa bɔ nɛ a deɔ ɔ. Se nile haa nɔ woɔ e he nɔ, nɛ suɔmi lɛɛ e woɔ nɔ he wami.

Mose V, 6:25

Ke wa ye nɔ́ tsuaa nɔ́ nɛ Yawɛ, wa Mawu ɔ fa wɔ ɔ nɔ pɛpɛɛpɛ ɔ, e bua maa jɔ wa he.’

Kpojemi 2:7

“Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue! “Ni nɛmɛ nɛ maa ye kunimi ɔ, ma ha mɛ blɔ nɛ a maa ye tso nɛ haa nɔ wami nɛ ngɛ Mawu abɔɔ ɔ mi ɔ yiblii.”

Kpojemi 22:14

A gbaa nihi nɛ fɔ a tade ɔmɛ a he ɔ. Ee, a maa ye tso nɛ haa nɔ wami ɔ yiblii ɔ eko, nɛ a maa gu agbo ɔmɛ a mi kɛ ya ma a mi.

Kpojemi 22:2

kɛ ba be ngɛ gbɛjegbɛ nɛ ngɛ ma a mi ɔ kpɛti. Tso nɛ haa nɔ wami ɔ ngɛ pa a tue hiɛ kɛ hiɛ. E woɔ yiblii si nyɔngma kɛ enyɔ ngɛ jeha mi; nyɔhiɔ tsuaa nyɔhiɔ ɔ, e woɔ si kake, nɛ a kɛ e ba a tsaa nihi ngɛ je ɔ mi.