Mose I, 2:8 - BAIBLO ALOO NGMAMI KLƆUKLƆU Ɔ

⁸ Yawɛ Mawu pee ngmɔ ko ngɛ Eden, ngɛ beleku je, nɛ lejɛ ɔ e ngɔ nɔmlɔ nɛ e puɛ ɔ ngɔ to.

Mose I, 2:8 ပူးပေါင်းရင်းမြစ်များ

Mose I, 13:10

Lot hyɛ zugba a tsuo kɛ kpe, nɛ e na kaa nyu ngɛ Yordan kɔ̃ ɔ mi tsuo babauu kaa bɔ nɛ Yawɛ Ngmɔ ɔ ngɛ ɔ, aloo kaa bɔ nɛ Egipt zugba a ngɛ kɛ ma Zoar blɔ ɔ. Sane nɛ ɔ ba loko Yawɛ kpata Sodom kɛ Gomora hɛ mi.

Mose I, 3:23

Lɔ ɔ he ɔ, Yawɛ Mawu je Adam we; e fie lɛ kɛ je Eden ngmɔ ɔ mi, konɛ e ya hu zugba zu ɔ nɛ a kɛ puɛ lɛ ɔ.

Mose I, 3:24

E fie nyumu ɔ kɛ je lejɛ ɔ, nɛ e ngɔ kerubhi kɛ klaate ya to Eden ngmɔ ɔ beleku je, konɛ a bu blɔ ɔ nɛ a guu nɔ kɛ yaa tso nɛ haa nɔ wami ɔ he. Klaate ɔ ngɛ tsoe plamplam kaa la, nɛ e ngɛ e he poe.

Mose I, 4:16

Enɛ ɔ se ɔ, Kain je Yawɛ hɛ mi nɛ e ya hi Nod zugba a nɔ, ngɛ Eden beleku je.

Matsɛmɛ II, 19:12

Benɛ nɛnɛmɛ kpata Gozan, Haran, kɛ Rezef ma amɛ a hɛ mi, nɛ a gbe Beteden bi nɛ ngɛ Telasar a, anɛ a mawu ɔmɛ nyɛ a yi wami he lo?

Yesaya 51:3

“Ma jɔɔ Yerusalem bua; nihi tsuo nɛ ngɛ Yerusalem we doku ɔmɛ a mi ɔ, ma jɔɔ a bua. E zugba a pee nga kplanaa lɛɛ, se ma ha e ma plɛ pee ngmɔ kaa ngmɔ ɔ nɛ i pee ngɛ Eden ɔ. Ma a mi bi ɔmɛ a bua maa jɔ saminya, a ma nya nɛ a ma la yi jemi, kɛ sina lahi.

Ezekiel 27:23

Haran, Kane, kɛ Eden ma amɛ, kɛ jehanɛ jua yeli nɛ je Sheba, Asur kɛ Kilmad ma amɛ a mi ɔ, mɛ tsuo a kɛ mo ye jua.

Ezekiel 28:13

Eden, Mawu ngmɔ ɔ nitsɛ mi nɛ o hi. Tɛ kpakpa nɛ ɔmɛ tsuo o kɛ dla o he: rubi, daimond, topaz, beril, kanelian, yaspi, safiro, emerald, kɛ garnet. O ngɛ sika tsu he dlami níhi, kɛ heha ní babauu. Ligbi ɔ nɛ a bɔ mo ɔ, jamɛ a ligbi ɔ nɔuu lɛ a dla mo saminyayoo jã.

Ezekiel 31:16

Ma ha e maa nɔ si haa bum kɛ maa ya gbeje; nɛ je ma amɛ ma mimiɛ, ke a nu e si nɔmi ɔ. Eden ngmɔ ɔ mi tso ɔmɛ tsuo, kɛ Lebanon tsohi nɛ a je blɔ ha mɛ nyu saminya, nɛ mɛɛ lɛɛ a ho gbeje ya momo ɔ, a bua maa jɔ wawɛɛ kaa tso nɛ ɔ nɔ si.

Ezekiel 31:18

“Tso nɛ ɔ daa si ha Egipt matsɛ ɔ, kɛ e ma kpekpemi ɔ tsuo. Tsohi nɛ ngɛ Eden ngmɔ ɔ mi po ka we, nɛ a he hu pee we fɛu kaa tso nɛ ɔ. Se jehanɛ lɛɛ kaa bɔ nɛ Eden ngmɔ ɔ mi tso ɔmɛ ya su gbeje ɔ, lɛ hu e maa ya lejɛ ɔ, nɛ e ma ya piɛ nihi nɛ a pui mɛ, kɛ nihi nɛ nɔ ngɛ ta mi ɔ a he. Imi, Nyɔmtsɛ Yawɛ lɛ i de.”

Yoel 2:3

A maa ye nɔ́ tsuaa nɔ́ pɛsɛpɛsɛ kaa bɔ nɛ la sãã nɔ́ ɔ. Ngɛ a hɛ kpɛ ɔ, zugba a maa hi kaa Eden ngmɔ ɔ mi pɛ; a se je ɔ maa pee zugba kplanaa. A be nɔ́ ko nɔ́ ko piɛe.