Mose I, 2:7 - BAIBLO ALOO NGMAMI KLƆUKLƆU Ɔ

⁷ Jamɛ a be ɔ mi ɔ, Yawɛ Mawu ngɔ zugba zu kɛ puɛ nɔmlɔ, nɛ e mu mumi nɛ haa nɔ wami ngɔ wo nɔmlɔ gugwɔ puɔ mi; nɛ nɔmlɔ pee adesa hɛngmengmletsɛ.

Mose I, 2:7 ပူးပေါင်းရင်းမြစ်များ

1 Korintobi 15:45

Ngmami ɔ ke, “A bɔ kekleekle Adam ɔ nɔmlɔ hɛngmengmletsɛ,” nɛ nyagbe Adam ɔ ba pee mumi nɛ haa nɔ wami.

Hiob 33:4

Mawu mumi ɔ lɛ pee mi; Ope ɔ mumi ɔ lɛ ha mi wami.

Fiɛlɔ 12:7

Wa nɔmlɔ tso ɔ maa kpale kɛ ya tabo zu mi he nɛ e je ɔ, nɛ mumi ɔ maa ya Mawu ngɔ. Mawu lɛ ha mumi ɔ nɛ.

Yesaya 64:8

Se kɛ ɔ, Yawɛ, mo ji wa tsɛ. Wa ngɛ kaa zu, nɛ moo lɛɛ o ngɛ kaa buɛ puɛlɔ; mo lɛ o bɔ wɔ.

Ni Tsumi 17:25

Jehanɛ hu nɔ́ ko nɔ́ ko hia we lɛ nɛ wa ma nyɛ ma ha lɛ. Wa nine nya nɔ́ ko hia we lɛ kaa nɔ ko nɛ nɔ́ ko fĩɔ lɛ nɛ adesa ma nyɛ maa pee ha lɛ. Ejakaa lɛ mohu lɛ e haa wɔ wami, kɛ mumi nɛ wa muɔ. Nɔ́ tsuaa nɔ́ nɛ hia wɔ ɔ, lɛ nɛ e haa wɔ.

1 Korintobi 15:47

Kekleekle Adam ɔ, zugba zu a kɛ bɔ lɛ; Adam enyɔne ɔ lɛɛ hiɔwe nɛ e je.

Hiob 27:3

kaa be abɔ nɛ i ngɛ wami mi, nɛ Mawu mumi ngɛ ye mi nɛ ɔ,

Mose I, 7:22

Je mi nɔ́ tsuaa nɔ́ nɛ woɔ mumi ɔ gbo.

Zakaria 12:1

Sɛ gbi nɛ je Yawɛ ngɔ nɛ kɔɔ Israel he ji nɛ ɔ nɛ. Yawɛ ji nɔ nɛ bɔ hiɔwe kɛ zugba; lɛ nɛ ha nɔmlɔ adesa wami. Yawɛ ke,

La 103:14

Ejakaa e le wa bɔ su; e le kaa zu kɛkɛ ji wɔ.

La 100:3

Nyɛ na nyɛɛ le kaa Yawɛ ji Mawu. Lɛ nɛ e bɔ wɔ; e níhi ji wɔ. E ma ji wɔ; wa ngɛ kaa tohi nɛ e ngɛ lɛe.

Romabi 9:20

Se mo nɔmlɔ adesa, mɛnɔ ji mo nɛ o ma de Mawu ke nɔ́ nɛ e de ɔ dɛ? Anɛ buɛ ma de nɔ nɛ puɛ lɛ ɔ ke, “Mɛni he je o puɛ mi kaa kikɛ nɛ ɔ?”

Yesaya 2:22

Nyɛ ko ngɔ nyɛ hɛ ngɔ fɔ nɔmlɔ adesa nɔ. Tlukaa kɛkɛ e mumi je e mi, nɛ e he be se nami hu.

Mose I, 3:23

Lɔ ɔ he ɔ, Yawɛ Mawu je Adam we; e fie lɛ kɛ je Eden ngmɔ ɔ mi, konɛ e ya hu zugba zu ɔ nɛ a kɛ puɛ lɛ ɔ.

Hebribi 12:9

Jehanɛ hu, adesa blɔ fa mi ɔ, wa ngɛ tsɛmɛ nɛ tsɔseɔ wɔ, nɛ wa buɔ mɛ. Anɛ e sɛ kaa wa baa wa he si ha Tsɛ ɔ nɛ ngɛ mumihi a nɔ he wami ɔ, konɛ wa yi nɛ na wami lo?

Mose IV, 16:22

Se Mose kɛ Aaron ngɔ a hɛ mi ngɔ bu si, nɛ a de ke, “Mawu lee, mo nɛ o ji adesahi tsuo a mumi. Anɛ ke nɔ kake pee yayami ɔ, o mi mi ma fu ma a tsuo lo?”

Abɛ Womi 20:27

Nɔmlɔ he nile ngɛ kaa kane nɛ Yawɛ kɛ hyɛɛ nɔmlɔ tsui mi níhi tsuo fitsofitso.

Hiob 33:6

Bɔ nɛ o ngɛ ɔ, ja nɔuu imi hu i ngɛ ngɛ Mawu hɛ mi. Imi hu tabo zu ɔ kɛ̃ lɛ a kɛ puɛ mi.

2 Korintobi 5:1

Ejakaa wa le kaa ke a puɛ zugba nɛ ɔ nɔ bo tsu nɛ wa ngɛ mi nɛ ɔ, Mawu ma ha wɔ we ngɛ hiɔwe. We nɛ ɔ, pi nine nɛ a kɛ ma, nɛ e maa hi si kɛ maa ya neneene.

2 Korintobi 4:7

Wɔ nɛ wa ná kikɛmɛ a mumi mi juetli nɛ ɔ, wa ngɛ kaa zu buɛhi. Enɛ ɔ tsɔɔ kaa he wami kpetekpleenyɛ nɛ ɔ, Mawu ngɔ nɛ e je, pi wɔɔ wa ngɔ.

Yohane 20:22

Kɛkɛ nɛ e mu ngɔ pue a nɔ, nɛ e de mɛ ke, “Nyɛ he Mumi Klɔuklɔu ɔ.

Hiob 4:19

Nɛ mo nɛ tabo zu lɛ a kɛ puɛ mo, nɛ o ngɛ kaa bunyuku kɛkɛ! Mo nɛ a ma nyɛ maa naa o nɔ kaa bɔ nɛ a naa wɔyewɔye nɔ ɔ, moo lɛɛ o susu kaa Mawu ma he mo maa ye lo?

Mose IV, 27:16

“Yawɛ, mo nimli adesahi tsuo a Mawu, i kpa mo pɛɛ nɛ mo nitsɛ o hla nyumu ko kɛ da ma kpekpemi nɛ ɔ nya,

Fiɛlɔ 3:7

Be ngɛ nɛ a híaa nɔ́, nɛ be ngɛ nɛ a kpɛɔ nɔ́. Dii peemi be ngɛ, nɛ munyu tumi be ngɛ.

1 Timoteo 2:13

Ejakaa Adam nɛ a bɔ kekle loko a bɔ Hawa.

Mose I, 2:6

Se ke pee ɔ, nyu jeɔ zugba a mi kɛ ba pɔɔ zugba a hɛ mi tsuo.

Kɔmɔ Yemi 4:20

Wa matsɛ ɔ nɛ Yawɛ nitsɛ hla lɛ, nɛ woɔ wɔ he wami, nɛ wa ngɔ wa hɛ kɛ fɔ e nɔ kaa e ma ba kpɔ wɔ kɛ je he nyɛli ɔmɛ a dɛ mi ɔ sɛ a kpa mi, nɛ a nu lɛ.

Ezekiel 37:5

De mɛ ke imi Nyɔmtsɛ Yawɛ, i ngɛ mɛ dee ke ma ngɔ mumi kɛ wo nyɛ mi, nɛ nyɛ maa ba wami mi ekohu.

Mose I, 1:27

Kɛkɛ nɛ Mawu bɔ nɔmlɔ, nɛ e pee lɛ kaa bɔ nɛ lɛ nitsɛ e ngɛ ɔ; e bɔ nyumu kɛ yo.

Ezekiel 37:6

Ma ngɔ pani kɛ pue nyɛ nɔ; ma ha lo ma ba ha nyɛ he, nɛ he womi ma ba ha nyɛ he. Ma ngɔ ye mumi kɛ wo nyɛ mi, nɛ nyɛ maa ba wami mi ekohu. Kɛkɛ ɔ, nyɛ ma na maa le kaa imi ji Yawɛ.”