Mose I, 2:5 - BAIBLO ALOO NGMAMI KLƆUKLƆU Ɔ

⁵ tso ko tso ko be zugba a nɔ, nɛ nga ko hu puɛ́ ngɛ nɔ; ejakaa e ha we nɛ hiɔmi nɛ nɛ ngɔ pue zugba a nɔ lolo; nɛ nɔ ko hu be nɛ ngɛ zugba a nɔ hue.

Mose I, 2:5 ပူးပေါင်းရင်းမြစ်များ

Mose I, 3:23

Lɔ ɔ he ɔ, Yawɛ Mawu je Adam we; e fie lɛ kɛ je Eden ngmɔ ɔ mi, konɛ e ya hu zugba zu ɔ nɛ a kɛ puɛ lɛ ɔ.

Hebribi 6:7

Zugba nɛ hiɔmi nɛɔ pueɔ nɔ babaaba, nɛ nyu ɔ sɛɔ zu mi, nɛ ní nɛ a duɔ ɔ baa saminya kɛ ha nihi nɛ tsuɔ ní ngɛ nɔ ɔ Mawu gbaa zugba a lɛ.

Hiob 5:10

Lɛ nɛ e haa nɛ hiɔmi nɛɔ kɛ pueɔ zugba; nɛ e haa nɛ ngmɔ ɔmɛ naa nyu.

Mose I, 4:12

Ke o hu ɔ, zugba a be ní bae ha mo hu; o maa bɔ kó, nɛ o maa wo lalaalo ngɛ je ɔ mi.”

Mose I, 4:2

Kain se ɔ, Hawa fɔ binyumu ekohu nɛ e wo lɛ Habel. Habel ní tsumi ji to hyɛmi, se Kain lɛɛ ngmɔ hulɔ ji lɛ.

Yeremia 14:22

Je ma amɛ a we amaga amɛ ekoeko be nɛ ma ha nɛ hiɔmi maa nɛ ha wɔ; hiɔwe tete po be nyɛe ma ha nɛ hiɔmi maa nɛ. Yawɛ, wa Mawu, o nɔ wa ngɔ wa hɛ kɛ fɔ, ejakaa mo lɛ o peeɔ ní nɛ ɔmɛ tsuo.

La 135:7

Lɛ nɛ e haa bɔku teɔ si ngɛ je ɔ nyagbe he; e pee oslabai kɛ ha hiɔmi, nɛ e jeɔ kɔɔhiɔ kpo kɛ jee e to he ɔmɛ.

La 104:14

O haa nɛ nga puɛɔ ha lohwehi; o haa nɔmlɔ adesa tsohi nɛ e du, konɛ e ná niye ní kɛ je zu mi.

Mateo 5:45

konɛ nyɛɛ pee nyɛ Tsɛ nɛ ngɛ hiɔwe ɔ bimɛ. Ejakaa e haa e pu ɔ jee ngɛ nimli yayamihi, kɛ nimli kpakpahi a nɔ; nɛ e haa hiɔmi nɛɛ ha nihi nɛ peeɔ nɔ́ nɛ da, kɛ nihi nɛ peeɔ nɔ nɛ dɛ tsuo.

Mose I, 2:6

Se ke pee ɔ, nyu jeɔ zugba a mi kɛ ba pɔɔ zugba a hɛ mi tsuo.

Yeremia 10:12

Yawɛ lɛ bɔ je ɔ ngɛ e he wami nya. Nile lɛ e kɛ bɔ je ɔ, nɛ jamɛ a nile ɔ nɔuu e kɛ bli hiɔwe mi.

Yeremia 10:13

Ke e wo gbi kikɛ nɛ ɔ, nyu nɛ ngɛ hiɔwe ɔ keɔ wawɛɛ nitsɛ; Yawɛ lɛ haa afua teɔ si kɛ jeɔ zugba a nyagbe he ɔmɛ. E haa oslabai gbaa be mi nɛ hiɔmi ngɛ nɛe, nɛ e jeɔ kɔɔhiɔ kpo kɛ jeɔ e nito he ɔ.