Mose I, 2:3 - BAIBLO ALOO NGMAMI KLƆUKLƆU Ɔ

³ E gbaa ligbi nɛ ji kpaago ɔ, nɛ e pee lɛ ligbi klɔuklɔu; jamɛ a ligbi ɔ nɛ e bɔ je ɔ gbe nya, nɛ e jɔɔ e he, ejakaa ní tsumi nɛ e tsu kɛ bɔ je ɔ, e gbe nya.

Mose I, 2:3 ပူးပေါင်းရင်းမြစ်များ

Mose I, 1:31

Mawu na nɔ́ tsuaa nɔ́ nɛ e pee ɔ, nɛ a muɔ e hɛ saminya. Nɛ je jɔ, nɛ je na; nɛ e pee ligbi nɛ ji ekpa.

Mose I, 2:2

Mawu tsu ní ligbi ekpa, nɛ ligbi nɛ ji kpaago ɔ, e jɔɔ e he.

Mose I, 2:4

Sane nɛ ɔ gbaa wɔ bɔ nɛ Yawɛ Mawu bɔ je ɔ. Benɛ Yawɛ Mawu bɔ je ɔ,

Nehemia 9:14

O tsɔɔ mɛ kaa a ye Hejɔɔmi ligbi ɔ klɔuklɔu, nɛ o gu o tsɔlɔ Mose nɔ kɛ ha mɛ o mlaa amɛ.

Mose II, 23:12

“Ligbi ekpa o kɛ tsu ní ngɛ otsi mi, se ligbi nɛ ji kpaago ɔ lɛɛ mo ko tsu nɔ́ ko, bɔ nɛ pee nɛ o na amɛ, o teji ɔmɛ, o nyɔguɛ ɔmɛ, kɛ o nibwɔ ɔmɛ nɛ tsuɔ ní ha mo ɔ nɛ a jɔɔ a he.

Mose II, 34:21

“Mo tsu ní ligbi ekpa, se ligbi nɛ ji kpaago ɔ lɛɛ moo jɔɔ o he; ní gbami be tete jio, ní kpami be tete jio.

Abɛ Womi 10:22

Mawu gbaami lɛ peeɔ nɔ niatsɛ; dengme gbomi kɛ nɔ́ ko nɔ́ ko piɛ we he ha nɔ.

Ezekiel 20:12

Lɔ ɔ se hu, i ngɔ ye Hejɔɔmi ligbi ɔmɛ ngɔ ha mɛ nɛ a ye mɛ klɔuklɔu, konɛ e pee somi nɛ ngɛ i kɛ mɛ wa kpɛti ɔ he okadi; nɛ a le kaa imi ji Yawɛ nɛ peeɔ mɛ klɔuklɔu ɔ nɛ.

Mose III, 23:3

Nyɛ tsu ní ligbi ekpa, se ligbi kpaagone ɔ ji Hejɔɔmi ligbi. Jamɛ a ligbi ɔ, nyɛ maa jɔɔ nyɛ he. Nyɛ ma bua nyɛ he nya, nɛ nyɛ ma ja Mawu. Nɔ ko nɛ ko tsu ní jamɛ a ligbi ɔ; ejakaa e ji he jɔɔmi ligbi ha Yawɛ ngɛ nyɛ sihi he ɔmɛ tsuo kulaa.

Marko 2:27

Yesu gbe e munyu ɔ nya ke, “Nɔmlɔ he nɛ a pee Hejɔɔmi ligbi ɔ, se pi Hejɔɔmi ligbi ɔ he nɛ a bɔ nɔmlɔ.

Luka 23:56

A kpale a se kɛ ho we mi ya ya hla tsopa kɛ e he via, kɛ nu via ngɔ to. Hejɔɔmi ligbi ɔ, a jɔɔ a he kaa bɔ nɛ mlaa a tsɔɔ kaa a pee ɔ.