Mose I, 2:25 - BAIBLO ALOO NGMAMI KLƆUKLƆU Ɔ

²⁵ Nyumu ɔ kɛ e yo ɔ tsuo hɛɛ a he gu, se zo pee we mɛ.

Mose I, 2:25 ပူးပေါင်းရင်းမြစ်များ

Mose I, 3:7

Benɛ a ye tso yiblii ɔ pɛ nɛ mɛ ni enyɔ ɔmɛ tsuo a na anɔkuale ɔ; a na kaa a hɛɛ a he gu, nɛ a kpɛ ba kɛ pee bo nɛ a kɛ ha a mlɛ mi.

Romabi 10:11

Ngmami ɔ deɔ ke, “Nɔ tsuaa nɔ nɛ heɔ yeɔ ɔ, zo be lɛ gbee.”

Yoel 2:26

Jehanɛ lɛɛ, nyɛ maa ye ní nɛ nyɛ maa tɔ. Nyɛ ma je Yawɛ, nyɛ Mawu ɔ yi ngɛ nyakpɛ níhi nɛ e tsu ha nyɛ ɔ he. A be ye ma a ahlua bɔe ligbi ko ligbi ko hu.

Yeremia 17:13

Yawɛ, Israel ma a ngɔ a hɛ ngɔ fɔ o nɔ; nɔ tsuaa nɔ nɛ ma kua mo ɔ, zo maa gbe lɛ. A maa laa kaa biɛ nɛ a ngma ngɛ zu mi, ejakaa a kua mo Yawɛ, mo wami nyu vu ɔ.

Yesaya 47:3

Nihi maa na o he gu ɔ; a maa na o zo kpɔtɔɔ ɔ. Ma ha tue gblami maa ba, nɛ nɔ ko nɔ ko be ye nya tsie.”

Luka 9:26

Nɔ tsuaa nɔ nɛ imi, kɛ ye munyu ɔ, wa he peeɔ lɛ zo ɔ, lɛ hu e he maa pee Nɔmlɔ Bi ɔ zo benɛ e maa ba ngɛ lɛ nitsɛ e hɛ mi nyami ɔ mi, kɛ e Tsɛ nɔ́ ɔ, kɛ bɔfo klɔuklɔu ɔmɛ a nɔ́ ɔ mi.

Ezekiel 16:61

Lɔ ɔ ma ha o ma kai o sa je mi bami ɔ, nɛ zo maa gbe mo ngɛ o nyɛmiyo nɔkɔtama Samaria, kɛ o nyɛmiyo wayoo Sodom tsuo a hɛ mi. Ma ha a maa kpale kɛ ba o ngɔ kaa biyihi nɛ imi nitsɛ i ngɔ ha mo, se pi ngɛ somi nɛ o kɛ mi so ɔ nya.

Yesaya 54:4

Koo ye gbeye, ejakaa zo be mo gbee! O tsui ko po, ejakaa a be o hɛ mi si puee hu. Zo ní nɛ o tsu ngɛ o yihe be mi ɔ, o hɛ maa je nɔ, nɛ si nɛ o hi mɔbɔmɔbɔ kaa yalɔyo ɔ, o be kaie hu.

La 25:3

Nihi nɛ ngɔ a hɛ kɛ fɔ o nɔ ɔ, ko ha nɛ zo nɛ gbe mɛ. Ha nɛ nimli yayamihi, kɛ yakayaka nimli mohu a hɛ mi nɛ pue si.

Mose II, 32:25

Benɛ Mose na kaa Aaron nine kpi ma a he, nɛ ma a ngɛ basabasa pee kɛ ngɛ a hɛ mi si puee ngɛ a he nyɛli ɔmɛ a hɛ mi ɔ,

Marko 8:38

Nɔ tsuaa nɔ nɛ imi, kɛ ye munyu ɔ, wa he peeɔ lɛ zo ngɛ yi nɔ nɛ ɔ bi gba puɛli, kɛ yayami peeli nɛ ɔmɛ a kpɛti ɔ, lɛ hu e he maa pee Nɔmlɔ Bi ɔ zo be mi nɛ e maa ba ngɛ e Tsɛ nyami ɔ mi, kɛ e bɔfo klɔuklɔu ɔmɛ.”

Yeremia 6:15

Anɛ zo gbe mɛ benɛ a tsu musu ní nɛ ɔmɛ lo? Dɛbi, zo gbi mɛ fɛɛ; nɔ́ nɛ a tsɛɛ zo po a li. Enɛ ɔ he je ɔ, mɛ hu a ma gbo kɛ piɛ ni nɛmɛ nɛ a maa gbe ɔ a he. Ke i gbla a tue kɛkɛ a nyagbe ji lɔ ɔ nɛ. Imi, Yawɛ lɛ i de.”

Yesaya 44:9

Amaga puɛli ɔmɛ tsuo ji nimli guhi, nɛ amaga amɛ nɛ a buu kaa nɔ́ ko ɔ, a he be se nami ko kulaa. Nihi nɛ jaa kikɛmɛ a ní nɛ ɔmɛ ɔ, a hɛngmɛ yu; a li nɔ́ ko fɛɛ; zo maa gbe mɛ.

La 31:17

Yawɛ, i ngɛ mo tsɛe; ko ha nɛ zo nɛ gbe mi. Ha nɛ yiwutsotsɛmɛ mohu a hɛ mi nɛ pue si, nɛ a ma a nya kɛ ya gbeje.