Mose I, 2:2 - BAIBLO ALOO NGMAMI KLƆUKLƆU Ɔ

² Mawu tsu ní ligbi ekpa, nɛ ligbi nɛ ji kpaago ɔ, e jɔɔ e he.

Mose I, 2:2 ပူးပေါင်းရင်းမြစ်များ

Mose I, 1:31

Mawu na nɔ́ tsuaa nɔ́ nɛ e pee ɔ, nɛ a muɔ e hɛ saminya. Nɛ je jɔ, nɛ je na; nɛ e pee ligbi nɛ ji ekpa.

Mose I, 2:3

E gbaa ligbi nɛ ji kpaago ɔ, nɛ e pee lɛ ligbi klɔuklɔu; jamɛ a ligbi ɔ nɛ e bɔ je ɔ gbe nya, nɛ e jɔɔ e he, ejakaa ní tsumi nɛ e tsu kɛ bɔ je ɔ, e gbe nya.

Mose II, 23:12

“Ligbi ekpa o kɛ tsu ní ngɛ otsi mi, se ligbi nɛ ji kpaago ɔ lɛɛ mo ko tsu nɔ́ ko, bɔ nɛ pee nɛ o na amɛ, o teji ɔmɛ, o nyɔguɛ ɔmɛ, kɛ o nibwɔ ɔmɛ nɛ tsuɔ ní ha mo ɔ nɛ a jɔɔ a he.

Mose II, 31:15

Ligbi ekpa a kɛ tsu ní; se ligbi nɛ ji kpaago ɔ lɛɛ e ji imi Yawɛ, ye Hejɔɔmi ligbi nɛ ngɛ klɔuklɔu. Nɔ tsuaa nɔ nɛ ma tsu ní ngɛ Hejɔɔmi ligbi ɔ nɔ ɔ, a gbe lɛ.

Mose II, 31:17

E ji okadi ngɛ i kɛ Israel bi ɔmɛ wa kpɛti kɛ yaa neneene; ejakaa imi Yawɛ, i ngɔ ligbi ekpa kɛ pee hiɔwe kɛ zugba, nɛ ligbi nɛ ji kpaago ɔ, i kpa ní tsumi, nɛ i jɔɔ ye he.”

Yesaya 58:13

Bɔ nɛ Yawɛ ngɛ dee ji nɛ ɔ nɛ: “Ke nyɛ maa ye Hejɔɔmi ligbi ɔ kaa ligbi klɔuklɔu, nɛ nyɛ be nyɛ nitsɛmɛ nyɛ suɔmi nya ní pee jamɛ a ligbi ɔ, ke nyɛ maa bu ye ligbi klɔuklɔu ɔ, nɛ nyɛ be blɔ hiae, nyɛ be ní tsue, nɛ nyɛ be yakayaka munyu tue ligbi nɛ ɔ,

Yohane 5:17

Yesu de mɛ ke, “Tsaatsɛ ngɛ ní tsue be tsuaa be, nɛ imi hu i ngɛ ní tsue.”

Mose V, 5:14

Ligbi nɛ ji kpaago ɔ ji Yawɛ, o Mawu ɔ Hejɔɔmi ligbi. Jamɛ a ligbi ɔ, ko tsu nɔ́ ko nɔ́ ko kulaa, mo nitsɛ jio, o binyumu jio, o biyo jio, o tsɔlɔ nyumu jio, o mawayo jio, o lohwe jio, nubwɔ nɛ ngɛ o ma a mi jio. Ha o tsɔlɔ nyumu, kɛ o mawayo hu nɛ a jɔɔ a he kaa bɔ nɛ mo hu o maa jɔɔ o he ɔ.

Hebribi 4:10

Ejakaa nɔ tsuaa nɔ nɛ ma na he jɔɔmi nɛ Mawu wo he si ɔ, e maa jɔɔ e he kaa Mawu, nɛ e be ní tsue.

Hebribi 4:4

Ejakaa nɔ́ nɛ ngmami ɔ he ko deɔ ngɛ ligbi kpaagone ɔ he ji, “Ligbi kpaagone ɔ, Mawu jɔɔ e he, nɛ e tsu we nɔ́ ko.”