Mose I, 2:17 - BAIBLO ALOO NGMAMI KLƆUKLƆU Ɔ

¹⁷ ja tso ɔ nɛ haa nɔ leɔ kpakpa kɛ yayami ɔ pɛ. Koo ye jamɛ a tso ɔ yiblii; ligbi nɛ o maa ye eko ɔ, o ma gbo.”

Mose I, 2:17 ပူးပေါင်းရင်းမြစ်များ

Mose I, 2:9

E ha tso slɔɔtoslɔɔtohi puɛ ngɛ ngmɔ ɔ mi: tsohi nɛ ngɛ fɛu, kɛ ní nɛmɛ nɛ woɔ yiblii nɛ a yeɔ. Tso nɛ haa nɔ wami, kɛ tso nɛ haa nɔ leɔ kpakpa kɛ yayami maa si ngɛ ngmɔ ɔ kpɛti tutuutu.

Mose I, 20:7

Se jehanɛ lɛɛ, ngɔɔ yo ɔ kɛ ya ha e huno. E huno ɔ, gbalɔ ji lɛ; e ma kpa pɛɛ ha mo, konɛ o ko gbo. Se ke o kpale we yo ɔ kɛ ya ha we e huno ɔ, lɛɛ i ngɛ mo dee ke, o kɛ o weku li tsuo nyɛ ma gbo!”

Mose I, 3:11

Mawu bi lɛ ke, “Mɛnɔ lɛ de mo ke o hɛɛ o he gu ɔ? Tso yiblii ɔ nɛ i de nyɛ ke nyɛ ko ye ɔ, tse o ya ye eko?”

Mose I, 3:17

Nyumu ɔ lɛɛ Yawɛ Mawu de lɛ ke, “O ya bu o yo ɔ tue nɛ o ye tso ɔ yiblii ɔ nɛ i de nyɛ ke nyɛ ko ye ɔ. Nɔ́ nɛ o pee nɛ ɔ he je ɔ, i gbiɛ zugba zu ɔ; nga kɛ mio maa puɛ ngɛ nɔ, nɛ nga nɔ tsohi ji nɔ́ nɛ o maa ye. O ma tsu ní kpakpataa nɛ o maa nyla o hɛ mi latsa loko zugba a maa ba ní bɔ nɛ sa ha mo nɛ o ye. O maa pee enɛ ɔ daa kɛ yaa si a maa pu mo ngɛ zu ɔ nɛ i tĩ kɛ puɛ mo ɔ mi. Zu ji mo, nɛ o maa kpale kɛ ya zu mi ekohu.”

Matsɛmɛ I, 2:37

Ligbi ɔ nɛ o maa je hiɛ ɔ, nɛ o maa po Kidron pa a, ná nɛ o le kaa ja o gbo, nɛ sɔ̃ ɔ maa tloo mo nitsɛ.”

Matsɛmɛ I, 2:42

e tsɔ nɛ a ya tsɛ lɛ kɛ ba, nɛ e bi lɛ ke, “Anɛ i ha we nɛ o ka Yawɛ kita kaa o be Yerusalem jee gblegbleegble lo? Anɛ i ha we nɛ o nu sisi faii kaa ligbi nɛ o maa je Yerusalem ɔ, ja o gbo lo?

Yeremia 26:8

Benɛ i de nɔ́ tsuaa nɔ́ nɛ Yawɛ fa mi ke ma de ɔ gbe nya a, osɔfo ɔmɛ, gbali ɔmɛ, kɛ ma a tsuo nu mi. Nɛ a de ke, “Ja o gbo!

Ezekiel 18:13

nɛ e paa sika kɛ haa nɔ, nɛ e heɔ hekpa a, anɛ nɔmlɔ kaa kikɛ nɛ ɔ yi nɛ na wami lo? Dɛbi! E yi be wami nae kɔkɔɔkɔ! Ní hiemi ní nɛ ɔmɛ tsuo nɛ e pee ɔ a he ɔ, e ma gbo. E gbenɔ ɔ sa lɛ nitsɛ.

Ezekiel 18:32

Imi lɛɛ i sume kaa nyɛ gbo. Lɔ ɔ he ɔ, nyɛ kpa yayami peemi, konɛ nyɛ yi nɛ na wami.” Nyɔmtsɛ Yawɛ lɛ de.

Ezekiel 18:4

Ye níhi ji nimli ɔmɛ tsuo, tsɛ ɔ kɛ e bi ɔ, ye níhi ji mɛ tsuo; nɔ nɛ peeɔ yayami ɔ, lɛ nɔuu lɛ ma gbo.

Ezekiel 33:14

Ke i bɔ yayami peelɔ kɔkɔ kaa e ma gbo, kɛkɛ nɛ e kpa yayami peemi, nɛ e bɔni nɔ́ nɛ da peemi kɛ dami sane yemi ɔ, e be gboe; e yi ma na wami.

Ezekiel 33:8

Ke i de ke yayami peelɔ ko ma gbo ngɛ e yayami nɛ e ngɛ pee ɔ he, se o bɔɛ lɛ kɔkɔ, konɛ e tsake kɛ je e blɔ yayami ɔ nɔ nɛ e yi nɛ na wami ɔ, e ma gbo ngɛ e yayami ɔmɛ a he lɛɛ, se ma bi e muɔ si ngɛ o dɛ.

Mose IV, 26:65

Yawɛ de to kaa mɛ tsuo kulaa a ma gbo ngɛ nga a nɔ. Nɛ niinɛ, Yefune binyumu Kaleb, kɛ Nun binyumu Yoshua pɛ ji a ti ni nɛmɛ nɛ piɛ.

Romabi 1:32

A le kaa Mawu de ke nihi nɛ tsuɔ ní nɛ ɔmɛ ɔ, a sa gbenɔ, se kɛ̃ pi kaa mɛ nitsɛmɛ a peeɔ yayami nɛ ɔmɛ kɛkɛ, se mohu a jeɔ nihi nɛ peeɔ ní nɛ ɔmɛ ɔ a yi.

Romabi 6:16

Anɛ nyɛ li kaa ke nyɛɛ kɛ nyɛ he ha nɔ ko nɛ nyɛ buɔ lɛ tue ɔ, yayami nɛ kɛ nɔ yaa gbenɔ mi ɔ jio, Mawu tue bumi nɛ haa nɔ peeɔ nɔ́ nɛ da a jio, nyɛ peeɔ nyɔguɛ kɛ ha lɛ lo?

Romabi 6:23

Ejakaa yayami he hiɔwo ji gbenɔ; se Mawu nɔke nɔ́ ɔ ji neneene wami nɛ wa naa ngɛ wa Nyɔmtsɛ Yesu Kristo mi.

Romabi 8:2

Ejakaa wa ngɛ Kristo mi, lɔ ɔ he ɔ, Mawu mumi ɔ nɛ haa nɔ wami ɔ, haa wa yeɔ wa he; nɛ yayami, kɛ gbenɔ be wa nɔ he wami hu.

1 Korintobi 15:22

Kaa bɔ nɛ nihi tsuo ngɛ Adam mi gboɔ ɔ, jã nɔuu kɛ̃ a ma tle nihi tsuo si ngɛ Kristo mi.

1 Korintobi 15:56

Gbenɔ kɛɛ ɔ ji yayami, nɛ yayami he wami ɔ ji mlaa a.

Galatabi 3:10

Nihi nɛ susuu kaa ja a ye Yuda bi a mlaa a nɔ doo loko a ma he a yi wami ɔ, a gbiɛ mɛ. Ejakaa ngmami ɔ deɔ ke, “Mlaahi tsuo nɛ a ngma ngɛ Mawu mlaa womi ɔ mi ɔ, nɔ nɛ ma tɔ kake ngmelu nɔ ɔ, a gbiɛ lɛ.”

Efesobi 5:14

ejakaa la lɛ haa nɛ a naa nɔ́ tsuaa nɔ́. Enɛ ɔ he je nɛ a de ke, “Mo nɔ nɛ o ngɛ mahe hwɔe, o hɛ nɛ tsɛ, nɛ o te si kɛ je gbeje. Kɛkɛ Kristo ma kpɛ ha mo ɔ nɛ.”

Mose V, 27:26

“ ‘Mawu maa gbiɛ nɔ tsuaa nɔ nɛ bui Mawu mlaa nɛ ɔmɛ, nɛ e yi a nɔ hulɔ.’ “Ma a tsuo ma he nɔ ke, ‘Amen!’

Mose V, 30:15

“Mwɔnɛ ɔ, i ngɔ kpakpa kɛ yayami ngɔ fɔ nyɛ hɛ mi; nyɛɛ ngɔ wami, aloo gbenɔ.

Mose V, 30:19

Lɔ ɔ he ɔ, i ngɔ wami kɛ gbenɔ kɛ ngɛ nyɛ hɛ mi fɔe; i ngɔ Mawu gbaami kɛ gbiɛmi hu kɛ ngɛ nyɛ hɛ mi fɔe; nɛ i ngɛ hiɔwe kɛ zugba odase tsɛe ngɛ nɔ́ nɛ nyɛ maa hla a he. Nyɛɛ ngɔ wami.

Kolosebi 2:13

Sa a, nyɛ ngɛ kaa ni komɛ nɛ gbo, ejakaa nyɛ peeɔ yayami, nɛ he lo nya a, a pui nyɛ. Se amlɔ nɛ ɔ, Mawu ha nɛ nyɛɛ kɛ Kristo tsuo ba wami mi ekohu; ee, Mawu ngɔ wɔ tsuo wa he yayami ɔmɛ ngɔ pa wɔ.

1 Timoteo 5:6

Se yalɔyo nɛ fiɛɔ e yi nɔ ɔ, e hɛ ngɛ lɛɛ, se e gbo momo.

Yakobo 1:15

Nɛ akɔnɔ ɔ, ke e ngɔ hɔ ɔ, e fɔɔ yayami, nɛ yayami hu ke e wa a, e fɔɔ gbenɔ.

1 Yohane 5:16

Ke o na o nyɛmi nɛ ngɛ yayami pee, nɛ pi yayami nɔ́ nɛ ma ha nɛ e hɛ mi nɛ kpata a, moo fa kue ha Mawu, konɛ e ha lɛ wami. Nihi tsuo nɛ peeɔ yayami nɔ́ nɛ ha we nɛ nɔ hɛ mi kpataa a, enɛ ɔ kɔɔ a he. Se yayami ngɛ nɛ haa nɔ hɛ mi kpataa, nɛ lɔ ɔ lɛɛ i de we ke nyɛɛ fa kue ha Mawu ngɛ he.

Kpojemi 2:11

“Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue. “Ni nɛmɛ nɛ maa ye kunimi ɔ, gbenɔ enyɔne ɔ be mɛ nae.

Kpojemi 20:14

A hɛ gbenɔ, kɛ gbeje ngɔ fɔ taku kɛ e mi la nɛ ngɛ tsoe gegeege ɔ mi. Lɔ ɔ ji gbenɔ enyɔne ɔ nɛ.

Kpojemi 20:6

Nihi nɛ a bu mɛ ngɔ piɛ ni nɛmɛ nɛ a ma tle mɛ si be nɛ ɔ mi a he ɔ, Mawu gbaa mɛ, nɛ e pee mɛ klɔuklɔu. Gbenɔ enyɔne ɔ be he wami ngɛ a nɔ, se mohu a maa ye osɔfo, nɛ a ma sɔmɔ Mawu kɛ Kristo; nɛ a kɛ Kristo maa ye matsɛ jeha akpe.

Kpojemi 21:8

Se fɔ̃li, nihi nɛ he we yi, nihi nɛ peeɔ níhi nɛ a hiee, nɔmlɔ gbeli, yaholi, nyuali, wɔ jali, kɛ lakpatsɛmɛ tsuo lɛɛ he nɛ fɔɔ si ha mɛ ji taku kɛ e mi la nɛ ngɛ tsoe gegeege ɔ. Lɔ ɔ ji gbenɔ enyɔne ɔ nɛ.”

Manyadali 3:2

Yawɛ pee nɔ́ nɛ ɔ, bɔ nɛ pee nɛ Israel yi nɔ bimɛ nɛ maa ba ngɛ se ɔ, a tsɔɔ mɛ ta hwumi; titli ɔ, a ti ni nɛmɛ nɛ yɛ ta hyɛ ɔ.

Samuel I, 14:39

I na Yawɛ Israel yi wami helɔ ɔ, kaa ke ji ye bi Yonatan po nɛ pee yayami nɛ ɔ, ja a gbe lɛ.” Se nɔ ko nɔ ko de we nɔ́ ko.

Samuel I, 14:44

Saul de lɛ ke, “Yonatan, ja o gbo; ke a gbi mo fii, Mawu kɛ mi nɛ e ye!”

Samuel I, 20:31

Anɛ o li kaa ligbi abɔ nɛ David ngɛ je mi ɔ, o be matsɛ yee gblegbleegble ngɛ zugba nɛ ɔ nɔ lo? Yaa nɛ o ya ngɔ lɛ kɛ ba hiɛ ɔ; ja e gbo!”

Samuel I, 22:16

Matsɛ ɔ de ke, “Mo Ahimelek, ja o gbo; mo, kɛ o weku li tsuo.”