Mose I, 19:8 - BAIBLO ALOO NGMAMI KLƆUKLƆU Ɔ

⁸ I ngɛ biyihi enyɔ nɛ li nyumu. Ma je mɛ kpo ha nyɛ nɛ nyɛɛ pee mɛ bɔ nɛ nyɛ suɔ. Nyumu nɛ ɔmɛ lɛɛ nyɛ ko pee mɛ nɔ́ ko; ye nibwɔhi ji mɛ, nɛ e sa kaa ma baa a yi.”

Mose I, 19:8 ပူးပေါင်းရင်းမြစ်များ

Manyadali 19:24

Ye bi zangmayo nɛ li nyumu, kɛ nyumu ɔ hu plã ji nɛ ɔmɛ nɛ. Ma je mɛ kpo ha nyɛ nɛ nyɛɛ ngɔ mɛ kɛ ho, nɛ nyɛ ya pee mɛ bɔ nɛ nyɛ suɔ. Se nyumu nɛ ɔ lɛɛ, nyɛ ko pee lɛ zo nɔ́ ko kaa kikɛ nɛ ɔ.”

Romabi 3:8

Mɛni he je nɛ e sɛ́ kaa wa deɔ ke, “Wa maa pee yayami konɛ kpakpa nɛ je mi kɛ ba,” kaa bɔ nɛ ni komɛ poo ngɔ fɔɔ wa nɔ ke wa deɔ ɔ? Jamɛtsɛmɛ ɔmɛ ɔ, fɔ nɛ a bu mɛ ɔ sa mɛ.

Marko 9:6

Se e li nɔ́ nɛ e ngɛ dee ɔ, ejakaa a ye gbeye wawɛɛ nitsɛ.

Yesaya 58:7

Nɔ nɛ hwɔ ngɛ lɛ yee ɔ, nyɛ ha lɛ ní nɛ e ye, nɛ nihi nɛ be he ko nɛ a maa hi ɔ, nyɛɛ ngɔ mɛ kɛ ba nyɛ we mi. Ke nyɛ na nɔ ko nɛ hɛɛ e he gu ɔ, nyɛ ha lɛ bo; nyɛ ko pee kpɛle ngɛ nyɛ nitsɛmɛ nyɛ weku li a he.

Manyadali 9:15

Mio tso de tso ɔmɛ ke, ‘Ke nyɛ maa pɔ mi nu nɛ nyɛ maa wo mi tsɛ ngɛ nyɛ nɔ niinɛ ɔ, lɛɛ nyɛɛ ba nɛ nyɛ ba sa we ngɛ ye hɔ̃ mi. Se ke pi ja ji nɔ́ ɔ, lɛɛ la nɛ je mio tso ɔ mi nɛ e ya sã Lebanon seda tso ɔmɛ!’

Mose II, 32:22

Aaron he nɔ ke, “Ye nyɔmtsɛ, o mi mi nɛ ko fu mi. Mo nitsɛ o le nimli nɛ ɔmɛ kaa nɔ́ yaya peemi he a nyaa.

Mose I, 42:37

Ruben de e tsɛ ɔ ke, “Ke i kpale we Benyamin ba ha we mo ɔ, lɛɛ gbee ye binyumuwi enyɔ ɔmɛ. Moo to Benyamin ngɔ wo ye dɛ mi, nɛ ma kpale lɛ kɛ ba ha mo.”

Mose I, 18:5

I kɛ niye ní bɔbɔyoo ko hu ma ba ha nyɛ nɛ nyɛɛ ye, konɛ nyɛ na he wami nɛ nyɛ kɛ tsa nyɛ nyɛɛmi ɔ nɔ. Nyɛ wo ye hɛ mi nyami kaa nyɛ ba ye we ɔ mi; lɔ ɔ he ɔ, nyɛ ha ma sɔmɔ nyɛ.” A he nɔ ke, “Saminya! Pee kaa bɔ nɛ o de ɔ.”

Mose I, 19:7

nɛ e de mɛ ke, “Ye nyɛmimɛ, i kpa nyɛ pɛɛ, nyɛ ko pee nɔ́ yayami ko kaa kikɛ nɛ ɔ!

Manyadali 19:23

Se wetsɛ ɔ je kpo kɛ ya na mɛ, nɛ e de mɛ ke, “Dɛbi! Ye nyɛmimɛ, nyɛ ko pee yayami ko nɛ ngɛ kaa kikɛ nɛ ɔ! Nyumu nɛ ɔ, ye nubwɔ ji lɛ; nyɛ ko tsu kikɛmɛ a zo ní nɛ ɔ!

Abɛ Womi 9:7

Ke o ka he fɛu yelɔ hɛ mi ɔ, mo lɛ a ma jɛ; ke o ka yiwutsotsɛ hɛ mi ɔ, mo mohu o he lɛ o plaa.