Mose I, 19:2 - BAIBLO ALOO NGMAMI KLƆUKLƆU Ɔ

² nɛ e de ke, “Ye nyɔmtsɛmɛ, i kpa nyɛ pɛɛ, nyɛ gba ye we ɔ mi nɛ nyɛ ba to mi. Nyɛ ba fɔ nyɛ nanehi a he nɛ nyɛɛ hwɔ hiɛ ɔ, konɛ nyɛɛ te si makɛ nɛ nyɛ tsa nyɛ nyɛɛmi ɔ nɔ.” Se a he nɔ ke, “Dɛbi, wa maa hwɔ ma nɔ hiɛmɛ nɛ ɔ kɛkɛ.”

Mose I, 19:2 ပူးပေါင်းရင်းမြစ်များ

Hebribi 13:2

Nyɛ ko jɔɔ nibwɔ peemi hulɔ, ejakaa nibwɔ peemi nɔ nɛ ni komɛ gu kɛ he hiɔwe bɔfohi atuu nɛ a li tete.

Ni Tsumi 16:15

E ha nɛ a sɔle lɛ kɛ e we ɔ tsuo. Lɔ ɔ se ɔ, e de wɔ ke, “I kpa nyɛ pɛɛ, ke nyɛ na mi kaa nɔ nɛ heɔ Nyɔmtsɛ ɔ yeɔ anɔkuale mi ɔ, lɛɛ nyɛ ba hi ye ngɔ.” E hɛɛ munyu nɛ ɔ mi hluu kɛ ya si wa kplɛɛ nɛ wa ya to lɛ.

Luka 7:44

Jehanɛ, e plɛ e hɛ mi kɛ kpee yo ɔ, nɛ e de Simon ke, “Tse o ngɛ yo nɛ ɔ hyɛe? Nɛ i ba sɛ o we ɔ mi ɔ, o ha we mi nyu nɛ ma kɛ fɔ ye nane he, se lɛɛ e kɛ vo nyu fɔ ye nane he, nɛ e kɛ e yi bwɔmi tsu.

Yohane 13:5

Jehanɛ e plɛ nyu ngɔ wo tsɛ̃si mi, nɛ e bɔni kaseli ɔmɛ a nane he fɔmi; nɛ e kɛ papahu nɛ e kɛ muɔ e mlɛ mi ɔ tsu a nane ɔ he.

Mose I, 19:1

Benɛ Yawɛ bɔfo enyɔ ɔmɛ ba su Sodom jamɛ a gbɔkuɛ ɔ, Lot hii si ngɛ ma a agbo ɔ nya. Benɛ e na mɛ pɛ, e te si nɛ e ya kpee mɛ. E kpla si nɛ e kɛ e hɛ mi bu si,

Mose I, 19:3

Lot kɛ mɛ tu munyu hluu kɛ ya si a kplɛɛ, nɛ a kɛ lɛ ho e we ɔ mi ya. Lot ha a sã abolo kplolo nɛ a kɛ pee niye ní ha nibwɔ ɔmɛ, nɛ a ye.

Mose I, 24:31

Laban de lɛ ke, “Ba nɛ waa ho we mi ya, mo nyumu nɛ Yawɛ gbaa mo! Mɛni he je o daa si ngɛ magbɛ nɔ ngɛ hiɛ ɔ? I dla tsu ko mi ha mo ngɛ we ɔ mi. O we afukpɔngɔ ɔmɛ hu blɔ ngɛ kɛ ha mɛ.”

Mose I, 43:24

Tsɔlɔ ɔ kɛ nyɛmimɛ ɔmɛ ba Yosef we ɔ mi. E ha mɛ nyu nɛ a kɛ fɔ a nanehi a he, nɛ e ha a teji ɔmɛ ní.

Lahi 5:3

I jé ye tade momo. Mɛni he je ma kpale wo tade? I fɔ ye nane he. Mɛni he je ma wo ye nane he mu ekohu?

Samuel II, 11:8

Lɔ ɔ se ɔ, David de Uria ke, “Yaa o we ɔ mi nɛ o ya jɔɔ o he bɔɔ.” Benɛ Uria je matsɛ we ɔ mi ɔ, matsɛ ɔ tsɔ nɛ a kɛ nike ní nyɛɛ e se.

Hiob 31:32

I ha we nɛ nibwɔhi hwɔɔ gbɛjegbɛ nɔ; mohu ɔ, i ngɔɔ mɛ kɛ baa we mi.

Abɛ Womi 25:17

O nane ko pɔ o huɛ we mi fiɛmi, konɛ o sane ko ba ti lɛ, nɛ́ e ba nyɛ mo.