Mose I, 19:14 - BAIBLO ALOO NGMAMI KLƆUKLƆU Ɔ

¹⁴ Lot je kpo nɛ e ya de e ngatsɛmɛ ɔmɛ nɛ ba bi e biyi ɔmɛ a si ɔ ke, “Nyɛɛ pee esɔ nɛ nyɛɛ je hiɛ ɔ; Yawɛ yaa kpata ma a hɛ mi.” Se e pee e ngatsɛmɛ ɔmɛ kaa nɔ́ nɛ pe e kɛ mɛ ngɛ fiɛe.

Mose I, 19:14 ပူးပေါင်းရင်းမြစ်များ

Mose IV, 16:21

“Nyɛɛ hɛ nyɛ kɛ je ma nɛ ɔ he kɛ ya se, nɛ ma kpata a hɛ mi hɛngmɛfia.”

Mose IV, 16:45

“Nyɛɛ hɛ nyɛ kɛ je ma nɛ ɔ he kɛ ya se nɛ ma kpata a hɛ mi ngɛ hɛngmɛfia mi!” Se Mose kɛ Aaron kpla si nɛ a ngɔ a hɛ mi kɛ bu si,

Yeremia 51:6

Nyɛɛ tu fo kɛ je Babilonia nɛ nyɛ kɛ he nyɛ yi wami. Nyɛ ko ha nɛ a gbe nyɛ ngɛ Babilonia bi ɔmɛ a he yayami ɔ he. Amlɔ nɛ ɔ, i ngɛ ye he lue yee ngɛ a nɔ, nɛ i ngɛ a tue gblae bɔ nɛ sa mɛ.

Mose IV, 16:26

E de ma a ke, “Nyɛɛ hɛ nyɛ kɛ je nimli yiwutsotsɛmɛ nɛ ɔmɛ a bo tsu ɔmɛ a he. Ke pi ja a, a ma kpata nyɛɛ kɛ mɛ tsuo nyɛ hɛ mi ngɛ a he yayami ɔmɛ a he.”

Kronika II, 30:10

Tsɔli ɔmɛ ya kpa ma amɛ tsuo a mi ngɛ Efraim kɛ Manase zugba amɛ a nɔ kɛ ya si Zebulun tɔɔ ngɛ omleyi je. Nihi muɔ mɛ nɛ a ye a he fɛu.

Ni Tsumi 17:32

Benɛ a nu nɛ Paulo tu gbogboehi a si temi he munyu ɔ, ni komɛ ye e he fɛu, se ni komɛ hu de lɛ ke, “Nɔ́ nɛ o de nɛ ɔ, wa suɔ nɛ waa bu mo tue ekohu.”

Luka 24:11

Bɔfo ɔmɛ ngɔ nɔ́ nɛ yi ɔmɛ ba de mɛ ɔ kaa nyazia, nɛ a he we yi. [

Mateo 9:24

e de mɛ ke, “Nyɛɛ je hiɛ ɔ! Yiheyo ɔ gbo we; mahe kɛkɛ lɛ e ngɛ hwɔe.” Kɛkɛ nɛ ni ɔmɛ muɔ lɛ.

Ezekiel 20:49

Kɛkɛ nɛ i kpa pɛɛ ke, “Nyɔmtsɛ Yawɛ, ko ha nɛ ma tsu nɔ́ nɛ ɔ. Nɔ tsuaa nɔ ngɛ dee ngɛ ye he momo ke, nɔ nɛ ɔ lɛɛ pi abɛ kɛkɛ nɛ e buɔ.”

Yeremia 20:7

Yawɛ, o sisi mi pɛ nɛ ye yi mi plɛ. O he wa pe mi nɛ o ye ye nɔ. Nɔ tsuaa nɔ ngɛ ye he fɛu yee; daa ligbi ɔ, muɔ kɛkɛ a ngɛ mi muɔe.

Yesaya 28:22

Lɔ ɔ he ɔ, nɔ́ nɛ i ngɛ nyɛ dee ɔ, e ko pee nyɛ muɔ hu! Ke nyɛ kɛ pee fiɛmi ɔ, nyɛ be nɔ́ nɛ ma a nya fo nyɛe maa tu. I nu kaa Nyɔmtsɛ Yawɛ Tabohiatsɛ ɔ ke e ma kpata zugba a tsuo hɛ mi.

Abɛ Womi 29:1

Nɔ nɛ ke a ka e hɛ mi, nɛ e waa tue kɛ mwɔɔ ɔ, e maa ku kɛ pue si tlukaa, nɛ e be hie tsami.

Kronika II, 36:16

Se mɛɛ lɛɛ, Mawu tsɔli ɔmɛ a he fɛu mohu a yeɔ; a bui Mawu munyu ɔ tue, nɛ e gbali ɔmɛ hu muɔ sɔuu a hii mɛ muɔe hluu kɛ ya si be nɛ Yawɛ mi mi ba fu e ma a wawɛɛ nitsɛ nɛ nɔ́ ko hi peemi ngɛ he hu.

1 Tesalonikabi 5:3

Be mi nɛ nihi ma de ke, “Wa he mi jɔ wɔ, nɛ wa tue mi hu jɔ wɔ” ɔ, jamɛ a be ɔ mi nɔuu nɛ a hɛ mi ma kpata tlukaa kaa bɔ nɛ yo nɛ mi wa nuɔ kɔɔmi si kake too ɔ; nɛ nɔ ko nɔ ko be e he yee.

Luka 9:42

Benɛ jokuɛ ɔ ma a, mumi yayami ɔ po lɛ fɔ si, nɛ e ha e lua gaganii. Se Yesu nga mumi ɔ yi, nɛ e tsa jokuɛ ɔ, nɛ e ngɔ lɛ ngɔ ha e tsɛ ɔ ekohu.

Mateo 1:18

Jehanɛ ɔ, bɔ nɛ Yesu Kristo fɔmi ɔ ba ha ji nɛ ɔ nɛ. Yosef ya bi Yesu nyɛ Maria si, se e na we nɛ e kɛ lɛ ba hi si lolo nɛ a na kaa Maria hɛɛ hɔ kɛ je Mumi Klɔuklɔu ɔ mi.

Mose II, 12:31

Nɛ nyɔ ɔ mi nɔuu ɔ, Farao ɔ tsɔ nɛ a ya tsɛ Mose kɛ Aaron kɛ ba, nɛ e de mɛ ke, “Nyɛɛ te si nɛ nyɛɛ je ye ma mi bi ɔmɛ a kpɛti, nyɛɛ kɛ Israel ma a tsuo, nɛ nyɛ ya ja Yawɛ kaa bɔ nɛ nyɛ de ɔ.

Mose II, 9:21

Se ni nɛmɛ nɛ bui Yawɛ munyu ɔ, mɛɛ lɛɛ a si a nyɔguɛ ɔmɛ, kɛ a lohwe ɔmɛ ngɛ nga nɔ.

Mose I, 19:22

Tuu fo kɛ ya lejɛ ɔ esɔ! I be nɔ́ ko pee kaa ja o ya su lejɛ ɔ lolo.” Akɛnɛ Lot de ke ma bɔbɔyoo ji ma a he je ɔ, a wo ma a biɛ ke Zoar.

Mose I, 19:17

Lɔ ɔ se ɔ, bɔfo ɔmɛ a ti nɔ kake de ke, “Nyɛɛ tu fo esɔesɔ nɛ nyɛ kɛ he nyɛ yi wami! Nyɛ ko plɛ nyɛ se, nɛ nyɛ ko da si ngɛ kɔ̃ ɔ mi he ko he ko. Nyɛɛ tu fo kɛ ho yoku ɔmɛ a nɔ ya, bɔ nɛ pee nɛ nyɛ hɛ mi ko kpata.”

Mose I, 19:15

Makɛ ɔ, bɔfo ɔmɛ kɛ he hiami de Lot ke, “Tee si esɔ, nɛ o kɛ o yo ɔ, kɛ o biyihi enyɔ ɔmɛ nyɛɛ je hiɛ ɔ; ke nyɛ pee we ja, nɛ a gbla ma a tue ɔ, nyɛ hu nyɛ hɛ mi ma kpata.”

Yeremia 43:1

I bɔ ma a níhi tsuo nɛ Yawɛ, a Mawu ɔ tsɔ mi ke ma ba de mɛ ɔ.

Yeremia 43:2

Benɛ i gbe nya a, Hoshaya bi Azaria, Karea bi Yohanan, kɛ nyumuhi he nɔ woli kpa amɛ tsuo de mi ke, “Lakpa munyu o ngɛ tue nɛ ɔ nɛ. Yawɛ, wa Mawu ɔ tsɔ we mo ke o ba de wɔ ke wa ko ya hi Egipt.