Mose I, 19:13 - BAIBLO ALOO NGMAMI KLƆUKLƆU Ɔ

¹³ ejakaa wa yaa kpata ma a hɛ mi. Yawɛ nu ma nɛ ɔ mi a he sane yayamihi babauu nitsɛ, nɛ lɔ ɔ he ɔ, e tsɔ wɔ konɛ wa ba kpata Sodom hɛ mi.”

Mose I, 19:13 ပူးပေါင်းရင်းမြစ်များ

Mose I, 18:20

Kɛkɛ nɛ Yawɛ de Abraham ke, “I nu Sodom kɛ Gomora he sane yaya babauu nitsɛ, kaa a yayami ɔ nya wa.

Yuda 1:7

Nyɛ kai Sodom kɛ Gomora, kɛ mahi nɛ bɔle mɛ kɛ kpe ɔ. Ma nɛ ɔmɛ a mi bi ɔmɛ fiɛ yo kɛ nyumu yakayaka fiɛmi, nɛ a ya nyɛɛ akɔnɔ yayahi a se kaa bɔ nɛ jamɛ a bɔfo ɔmɛ pee ɔ nɔuu. Nimli nɛ ɔmɛ a tue gblami ji kaa a ngɔ mɛ ngɔ wo la nɛ gbo we mi, konɛ a pee okadi kɛ ha nihi tsuo.

Ni Tsumi 12:23

Amlɔ nɔuu ɔ, Nyɔmtsɛ ɔ bɔfo ɔ fia Herode nɔ́. Gɔgɔ ye lɛ, nɛ e gbo; ejakaa e wui Mawu hɛ mi nyami.

Yakobo 5:4

Apaa yeli nɛ hu nyɛ ngmɔ ɔmɛ ha nyɛ ɔ, nyɛ wui mɛ hiɔ. Nyɛɛ hyɛ bɔ nɛ a ngɛ ngmlaa kpae boboobo ha! Ní kpali nɛ bua nyɛ ngmɔ ní nya a a ngmlaa a ya su Nyɔmtsɛ Tabohiatsɛ ɔ tue mi tɔɔ.

Yesaya 37:36

Jamɛ a nyɔ ɔ mi nɔuu ɔ, Yawɛ bɔfo ko ya gbe ta buli 185,000 ngɛ Asiria ta a mi. E nɔ jena makɛ ɔ, ne mɛ nɛ a gbo kɛ pueɔ si.

Yesaya 36:10

O susu kaa loko ma ba tua ma nɛ ɔ nɛ ma kpata e hɛ mi ɔ, Yawɛ li he nɔ́ ko lo? Yawɛ nitsɛ lɛ de mi ke ma ba tua ma a, nɛ ma kpata e hɛ mi.”

Yesaya 3:11

Se yayami peeli lɛɛ musu tloo mɛ; yayami nɛ a pee ní kpahi ɔ, jehanɛ, a ma ngɔ pee mɛ nitsɛmɛ.

Mose I, 13:13

Sodom ma a, yiwutsotsɛmɛ ji mɛ, nɛ a pee yayami kɛ si Yawɛ.

Mose I, 19:12

Enɛ ɔ se ɔ, nyumu enyɔ ɔmɛ de Lot ke, “Anɛ o ngɛ ni komɛ ngɛ ma nɛ ɔ mi kaa binyumuhi, aloo biyihi, aloo ngatsɛmɛ, aloo weku li kpa komɛ lo? Ke ja a, je mɛ kɛ je hiɛ ɔ,

Mose III, 26:30

Ma puɛ nyɛ jami he ɔmɛ ngɛ yo ɔmɛ a nɔ, nɛ ma ywia nyɛ tsopa kɛ e he via bɔ sami la tɛ ɔmɛ; ma ngɔ nyɛ gbogboe ɔmɛ ngɔ pue nyɛ we amaga amɛ nɛ i ywia a a nɔ. Nyɛ maa pee nɔ́ nɛ a hiee ha mi.

Mose V, 4:26

I tsɛ hiɔwe kɛ zugba odase kaa ke nyɛ bui mi tue ɔ, nyɛ hɛ mi ma kpata ngɛ zugba a nɔ. Lɛɛ zugba a nɛ nyɛ yaa ngɔ ngɛ Yordan pa a se ɔ, nyɛ se be kɛe ngɛ nɔ. A ma kpata nyɛ hɛ mi pɛsɛpɛsɛ.

Mose V, 28:45

“Haomi nɛ ɔmɛ tsuo maa ba nyɛ nɔ, nɛ e ma tsa nɔ jã kɛ̃ kɛ yaa su be nɛ nyɛ hɛ mi ma kpata pɛsɛpɛsɛ; ejakaa nyɛ bui Yawɛ, nyɛ Mawu ɔ gbi tue, nɛ nyɛ yi e mlaa amɛ tsuo nɛ i wo nyɛ ɔ a nɔ.

Yeremia 44:22

Mwɔnɛ ligbi nɛ ɔ, nyɛ zugba a hɛ mi kpata, nɛ nɔ ko nɔ ko be nɔ. Nyɛ zugba a plɛ pee nɔ́ ko nɛ a hiee, nɛ nihi kɛ e biɛ gbiɛɛ nɔ; ejakaa nyɛ yi wu tso ní peemi ɔmɛ, kɛ nyɛ yayami ɔmɛ ba ti Yawɛ.

Mose IV, 16:21

“Nyɛɛ hɛ nyɛ kɛ je ma nɛ ɔ he kɛ ya se, nɛ ma kpata a hɛ mi hɛngmɛfia.”