Mose I, 18:8 - BAIBLO ALOO NGMAMI KLƆUKLƆU Ɔ

⁸ Abraham ngɔ nyami, kɛ na nyɔ nyu kɛ piɛ niye ní nɛ e kɛ na bi ɔ pee ɔ he, nɛ e kɛ ya ma nyumu ɔmɛ a hɛ mi ngɛ tso ɔ sisi; nɛ e da si ngɛ a kasa nya ngɛ lejɛ ɔ, nɛ a ye.

Mose I, 18:8 ပူးပေါင်းရင်းမြစ်များ

Mose I, 19:3

Lot kɛ mɛ tu munyu hluu kɛ ya si a kplɛɛ, nɛ a kɛ lɛ ho e we ɔ mi ya. Lot ha a sã abolo kplolo nɛ a kɛ pee niye ní ha nibwɔ ɔmɛ, nɛ a ye.

Kpojemi 3:20

Hyɛ, i daa si ngɛ sinya a se, nɛ i ngɛ sie. Ke nɔ ko nu ye gbi nɛ e bli sinya a, ma sɛ mi, nɛ i kɛ lɛ maa ye ní, nɛ lɛ hu e kɛ mi maa ye ní.

Galatabi 5:13

Ye nyɛmimɛ, nyɛɛ lɛɛ pe a hla nyɛ, konɛ nyɛ ba ye nyɛ he. Nyɛ he nɛ nyɛ ye nɛ ɔ, nyɛ ko ngɔ lɛ kaa blɔ nya nɛ nyɛ na nɛ nyɛɛ kɛ maa pee níhi nɛ nyɛ nɔmlɔ tso ɔ suɔ. Mohu ɔ, nyɛ ha nɛ nyɛ suɔmi ɔ nɛ je kpo ngɛ nyɛmimɛ a sɔmɔmi mi.

Ni Tsumi 10:41

wɔ nihi nɛ Mawu hla ngɔ to momo kaa odase yeli ɔ, se pi nɔ tsuaa nɔ. Wɔ ji ni nɛmɛ nɛ e kɛ wɔ ye ní nɛ wa nu ní, benɛ e te si kɛ je gbeje se ɔ.

Yohane 12:2

A pee niye ní ha Yesu, nɛ Marta sɔmɔ lɛ. Lazaro piɛ nihi nɛ a kɛ Yesu ye ní ɔ a he.

Luka 24:43

nɛ e he nɛ e ye ngɛ a hɛ mi paa.

Luka 24:30

Benɛ e kɛ mɛ hii si nɛ a ngɛ ní yee ɔ, e kɛ̃ abolo, nɛ e na Mawu si, nɛ e ku mi, nɛ e ngɔ ha mɛ.

Luka 17:8

Dɛbi, nɔ́ nɛ o ma de lɛ mohu ji, ‘Yaa nɛ o ya hoo ní ha mi. Lɔ ɔ se ɔ, dla o he, nɛ o ba sɔmɔ mi kɛ yaa si ma ye ní nɛ ma nu nɔ́ ko. Ke i gbe nya, konɛ mo hu o ya ye ní nɛ o nu nɔ́ ko.’

Luka 12:37

Jamɛ a tsɔli ɔmɛ nɛ a nyɔmtsɛ ɔ ma ba na mɛ kaa a hwɔ we mahe ɔ, a bua maa jɔ! I ngɛ nyɛ dee ke, e ma sa bo kɛ wo e mlɛ mi, nɛ e ma ha tsɔli ɔmɛ maa hi si ngɛ okplɔɔ he, nɛ e ma ha mɛ ní nɛ a ye.

Nehemia 12:44

Jamɛ a ligbi ɔ, nito hehi nɛ ngɛ sɔlemi we ɔ, nɛ a toɔ nike níhi ngɛ a mi ɔ, a ngɔ ni komɛ ngɔ to a nya, nɛ́ a hyɛ mi dlami nyɔngmanyɔngma mi kakaaka ɔmɛ, kɛ jeha mi kekleekle blɛfo ɔ, kɛ kekleekle tso yiblii nɛ fu ɔ a nɔ. Ni nɛ ɔmɛ a ní tsumi ji kaa a hyɛ nɛ a bua nike ní ɔmɛ a nya ngɛ ngmɔ ɔmɛ nɛ bɔle ma amɛ a nɔ, nɛ a kɛ ba ha osɔfo ɔmɛ, kɛ Levi bi ɔmɛ kaa bɔ nɛ mlaa a tsɔɔ ɔ. Yuda ma a tsuo bua jɔ osɔfo ɔmɛ, kɛ Levi bi ɔmɛ a he saminya;

Manyadali 13:15

Manoa li tete kaa Yawɛ bɔfo lɛ je e he kpo tsɔɔ mɛ. Lɔ ɔ he ɔ, e de lɛ ke, “I kpa mo pɛɛ, ha waa tsi o nya bɔɔ nɛ waa gbe apletsi bɔbɔyoo ko ha mo nɛ o ye.” Se Yawɛ bɔfo ɔ de lɛ ke, “Ke o tsi ye nya po i be o niye ní ɔ yee. Ke o suɔ ɔ, ngɔɔ lohwe ɔ kɛ sã sami bɔ mohu ha Yawɛ.”

Manyadali 5:25

Sisera bi lɛ nyu, se Yael ha lɛ nyɔ nyu. E kɛ nyami wo tsimi saminyayoo ko mi kɛ ba.

Mose V, 32:14

Na amɛ, kɛ to ɔmɛ ha nyɔ nyu babauu; e ha ma a jijɔ, apletsi, kɛ na kpakpahi; a ye ní kpakpa, nɛ a nu dã kpakpa.

Mose I, 18:7

Kɛkɛ nɛ Abraham sa fo kɛ ya sɛ na amɛ a kpɛti, nɛ e nu na bɔbɔyoo ko nɛ wo zɔ. E kɛ lɛ ha e tsɔlɔ ko, nɛ tsɔlɔ ɔ hu kɛ na a ya pee niye ní nɔuu.

Mose I, 18:9

Lɔ ɔ se ɔ, nyumu ɔmɛ bi Abraham ke, “Jije o yo Sara ngɛ?” E he nɔ ke, “E ngɛ bo tsu ɔ mi.”

Yesaya 7:15

Loko e hɛ ma fã nɛ e maa le kpakpa kɛ yayami a kpɛti slɔɔto ɔ, ma a mi bi ɔmɛ ma ná na nyɔ nyu maa nu, nɛ a ma na hwo maa ye ekohu.

Yesaya 7:22

e ma ná nyɔ nyu fuu nɛ maa su e hiami ní tsuo nya. Niinɛ, nihi bɔɔ nɛ a yi ma na wami, nɛ maa piɛ ngɛ zugba a nɔ ɔ ma ná na nyɔ nyu maa nu, kɛ hwo nɛ a maa ye.