Mose I, 18:6 - BAIBLO ALOO NGMAMI KLƆUKLƆU Ɔ

⁶ Abraham he sɔ, nɛ e kpale kɛ ho bo tsu ɔ mi ya. E ya de Sara ke, “Ngɔɔ o mamu kpakpa a; pɔtɔ lɛ nɛ o kɛ sã abolo ha ni etɛ esɔ!”

Mose I, 18:6 ပူးပေါင်းရင်းမြစ်များ

Mateo 13:33

Yesu bu mɛ abɛ kpa ke, “Hiɔwe matsɛ yemi ɔ ngɛ kaa kikɛ nɛ ɔ: Yo ko ngɔ masa nɛ e kɛ futu kplolo mamu lita nyingmi eywiɛ kɛ ya su be nɛ lɛ tsuo fu.”

1 Petro 4:9

Nyɛ he nyɛ sibi atuu ngɛ nyɛ wehi a mi, nɛ nyɛ ko de ke nɔ́ nɛ ɔ peemi wa tsɔ.

Hebribi 13:2

Nyɛ ko jɔɔ nibwɔ peemi hulɔ, ejakaa nibwɔ peemi nɔ nɛ ni komɛ gu kɛ he hiɔwe bɔfohi atuu nɛ a li tete.

Galatabi 5:13

Ye nyɛmimɛ, nyɛɛ lɛɛ pe a hla nyɛ, konɛ nyɛ ba ye nyɛ he. Nyɛ he nɛ nyɛ ye nɛ ɔ, nyɛ ko ngɔ lɛ kaa blɔ nya nɛ nyɛ na nɛ nyɛɛ kɛ maa pee níhi nɛ nyɛ nɔmlɔ tso ɔ suɔ. Mohu ɔ, nyɛ ha nɛ nyɛ suɔmi ɔ nɛ je kpo ngɛ nyɛmimɛ a sɔmɔmi mi.

Romabi 12:13

Ni klɔuklɔu ɔmɛ nɛ e fi mɛ ɔ, nyɛɛ ye bua mɛ; nɛ nyɛɛ bɔ nibwɔ peemi he mɔde.

Ni Tsumi 16:15

E ha nɛ a sɔle lɛ kɛ e we ɔ tsuo. Lɔ ɔ se ɔ, e de wɔ ke, “I kpa nyɛ pɛɛ, ke nyɛ na mi kaa nɔ nɛ heɔ Nyɔmtsɛ ɔ yeɔ anɔkuale mi ɔ, lɛɛ nyɛ ba hi ye ngɔ.” E hɛɛ munyu nɛ ɔ mi hluu kɛ ya si wa kplɛɛ nɛ wa ya to lɛ.

Yesaya 32:8

Se nɔ nɛ hɛ mi ngɛ nyami ɔ lɛɛ ní kpakpahi a he e susuɔ, nɛ e yeɔ dami sane.

Mose I, 18:5

I kɛ niye ní bɔbɔyoo ko hu ma ba ha nyɛ nɛ nyɛɛ ye, konɛ nyɛ na he wami nɛ nyɛ kɛ tsa nyɛ nyɛɛmi ɔ nɔ. Nyɛ wo ye hɛ mi nyami kaa nyɛ ba ye we ɔ mi; lɔ ɔ he ɔ, nyɛ ha ma sɔmɔ nyɛ.” A he nɔ ke, “Saminya! Pee kaa bɔ nɛ o de ɔ.”

Mose I, 18:7

Kɛkɛ nɛ Abraham sa fo kɛ ya sɛ na amɛ a kpɛti, nɛ e nu na bɔbɔyoo ko nɛ wo zɔ. E kɛ lɛ ha e tsɔlɔ ko, nɛ tsɔlɔ ɔ hu kɛ na a ya pee niye ní nɔuu.

Mose I, 19:3

Lot kɛ mɛ tu munyu hluu kɛ ya si a kplɛɛ, nɛ a kɛ lɛ ho e we ɔ mi ya. Lot ha a sã abolo kplolo nɛ a kɛ pee niye ní ha nibwɔ ɔmɛ, nɛ a ye.

Manyadali 6:19

Gideon ho nɛ e ya gbe apletsi bɔbɔyoo ko, nɛ e kɛ mamu kilo nyɔngma pee abolo kplolo. Lɔ ɔ se ɔ, e kɛ lo ɔ wo kusii mi, nɛ e plɛ e he nyu ɔ kɛ wo kutu mi; nɛ e ngɔ kɛ ba ha Yawɛ bɔfo ɔ ngɛ tso ngua a sisi.

Samuel I, 28:24

Yo ɔ ngɛ na bi ko nɛ wo zɔ ngɛ we ɔ mi. Lɔ ɔ he ɔ, e pee esɔ nɛ e ya gbe lɛ. E pɔtɔ mamu nɛ e kɛ sã abolo kplolo,

Samuel II, 13:6

Amnon ho ya hwɔ si nɛ e buá pee kaa nɔ nɛ e be he wami. Matsɛ David ya slaa lɛ, nɛ Amnon de lɛ ke, “I kpa mo pɛɛ nɛ o ngmɛ ye nyɛmiyo Tamar blɔ nɛ e ba hiɛ ɔ nɛ e ba si tatale enyɔ ko ha mi, konɛ e hɛɛ ngɛ e dɛ mi nɛ ma ye.”

La 119:60

I ngɛ esɔ hee nɛ ma ye o mlaa amɛ a nɔ; tsle tomi be mi ha mi.