Mose I, 18:5 - BAIBLO ALOO NGMAMI KLƆUKLƆU Ɔ

⁵ I kɛ niye ní bɔbɔyoo ko hu ma ba ha nyɛ nɛ nyɛɛ ye, konɛ nyɛ na he wami nɛ nyɛ kɛ tsa nyɛ nyɛɛmi ɔ nɔ. Nyɛ wo ye hɛ mi nyami kaa nyɛ ba ye we ɔ mi; lɔ ɔ he ɔ, nyɛ ha ma sɔmɔ nyɛ.” A he nɔ ke, “Saminya! Pee kaa bɔ nɛ o de ɔ.”

Mose I, 18:5 ပူးပေါင်းရင်းမြစ်များ

Manyadali 13:15

Manoa li tete kaa Yawɛ bɔfo lɛ je e he kpo tsɔɔ mɛ. Lɔ ɔ he ɔ, e de lɛ ke, “I kpa mo pɛɛ, ha waa tsi o nya bɔɔ nɛ waa gbe apletsi bɔbɔyoo ko ha mo nɛ o ye.” Se Yawɛ bɔfo ɔ de lɛ ke, “Ke o tsi ye nya po i be o niye ní ɔ yee. Ke o suɔ ɔ, ngɔɔ lohwe ɔ kɛ sã sami bɔ mohu ha Yawɛ.”

La 104:15

O haa lɛ dã nɛ ma ha lɛ bua jɔmi, nu nɛ ma ha nɛ e he womi nɔ ma tsɔ, kɛ niye ní nɛ maa wo lɛ he wami.

Manyadali 19:5

Ligbi nɛ ji eywiɛ ɔ, a te si mɔtu kpla nɛ a dla konɛ a pue blɔ, se yo ɔ tsɛ ɔ de e ngatsɛ ɔ ke, “Moo mlɛ nɛ o wo o nya mi nɔ́ ko loko o ho.”

Manyadali 6:18

I kpa mo pɛɛ, koo ya lolo; ha ma ngɔ ye nike ní kɛ ba ma o hɛ mi loko o je.” Yawɛ he nɔ ke, “Ma mlɛ kɛ yaa si o maa kpale kɛ ba.”

Mose I, 33:10

Yakob he nɔ ke, “Dɛbi! I kpa mo pɛɛ, ke o kɛ ye tɔmi pa mi ɔ, lɛɛ mo he ye nike ní nɛ ɔmɛ. Anɔkuale mi ɔ, nɛ i na o hɛ mi ɔ, e ngɛ kaa nɔ́ nɛ i na Mawu nitsɛ hɛ mi; ejakaa o ná ye he tsui, nɛ o he mi atuu.

Mose I, 19:8

I ngɛ biyihi enyɔ nɛ li nyumu. Ma je mɛ kpo ha nyɛ nɛ nyɛɛ pee mɛ bɔ nɛ nyɛ suɔ. Nyumu nɛ ɔmɛ lɛɛ nyɛ ko pee mɛ nɔ́ ko; ye nibwɔhi ji mɛ, nɛ e sa kaa ma baa a yi.”

Yesaya 3:1

Bu tue! Nyɔmtsɛ Yawɛ Tabohiatsɛ ɔ be blɔ ngmɛe nɛ nihi nɛ a ba ye bua Yuda ma a, kɛ Yerusalem hu. E ma ha a niye ní, kɛ nyu maa ta.

Mateo 6:11

Ha wɔ mwɔnɛ ɔ wa daa nya ngma;

Mose I, 18:6

Abraham he sɔ, nɛ e kpale kɛ ho bo tsu ɔ mi ya. E ya de Sara ke, “Ngɔɔ o mamu kpakpa a; pɔtɔ lɛ nɛ o kɛ sã abolo ha ni etɛ esɔ!”

Manyadali 6:19

Gideon ho nɛ e ya gbe apletsi bɔbɔyoo ko, nɛ e kɛ mamu kilo nyɔngma pee abolo kplolo. Lɔ ɔ se ɔ, e kɛ lo ɔ wo kusii mi, nɛ e plɛ e he nyu ɔ kɛ wo kutu mi; nɛ e ngɔ kɛ ba ha Yawɛ bɔfo ɔ ngɛ tso ngua a sisi.

Matsɛmɛ I, 17:11

Benɛ yo ɔ yaa nɛ e ya yɛ nyu ɔ, Eliya tsɛ e yi se, nɛ e de lɛ ke, “I kpa mo pɛɛ nɛ o ngɔ abolo bɔɔ ko ngɔ piɛ he kɛ ba ha mi.”