Mose I, 18:31 - BAIBLO ALOO NGMAMI KLƆUKLƆU Ɔ

³¹ Abraham ya nɔ nɛ e de ke, “Nyɔmtsɛ, i kpa mo pɛɛ nɛ o ngɔ kɛ pa mi kaa ma da o hɛ mi kɛ tu munyu. Alini, ke dali nyingmi enyɔ pɛ lɛ ngɛ ma a mi nɛɛ?” Yawɛ he nɔ ke, “Ke i na dali nyingmi enyɔ ngɛ lejɛ ɔ, i be ma a hɛ mi kpatae.”

Mose I, 18:31 ပူးပေါင်းရင်းမြစ်များ

Hebribi 4:16

Lɔ ɔ he ɔ, nyɛ ha waa kɛ kã nɛ hɛ wɔ kɛ su Mawu dloomi sɛ ɔ he, bɔ nɛ pee nɛ a na wɔ mɔbɔ, nɛ wa na dloomi nɛ maa ye bua wɔ ngɛ be nɛ sa mi.

Efesobi 6:18

Nyɛɛ sɔle kɛ kpa Mawu pɛɛ kaa bɔ nɛ mumi ɔ maa tsɔɔ nyɛ. Enɛ ɔ he ɔ, nyɛɛ bu mumi ɔ tue, konɛ nyɛ mia nyɛ hɛ mi kɛ kpa pɛɛ ha ni klɔuklɔu ɔmɛ daa.

Luka 18:1

Jehanɛ ɔ, Yesu kɛ mɛ tu munyu ngɛ abɛ gbi mi kɛ tsɔɔ kaa e sa kaa a sɔle daa nɛ a kɔni mi kó wo nyu.

Luka 11:8

Aa, mɛni maa ba? I ngɛ nyɛ dee ke, ke ka e huɛ nɛ ji lɛ ɔ he jinɛ e be si tee nɛ e ha lɛ nɔ́ ko; se akɛnɛ e ngɛ e nya dooe kpamisa he je ɔ, e maa te si kɛ̃, nɛ e ma ha lɛ nɔ́ tsuaa nɔ́ nɛ e ngɛ hlae ɔ.

Mateo 7:11

Nyɛ nɛ nyɛ peeɔ yayami po, tse nyɛ le bɔ nɛ nyɛ haa nyɛ bimɛ ní kpakpahi! Nyɛ Tsɛ nɛ ngɛ hiɔwe ɔ, anɛ lɛɛ e be nyɛe ma ha nihi nɛ biɔ lɛ ɔ ní kpakpahi nɛ pe enɛ ɔmɛ lo?

Mateo 7:7

“Nyɛ bi, nɛ a ma ha nyɛ; nyɛ hla, nɛ nyɛ maa na; nyɛ si, nɛ a ma bli sinya a ha nyɛ.

Mose I, 18:27

Abraham tu munyu ekohu ke, “Nyɔmtsɛ, i kpa mo pɛɛ nɛ o ngɔ kɛ pa mi kaa ma da o hɛ mi kɛ tu munyu. Zu kɛ la zu kɛkɛ ji mi, nɛ i be he blɔ nɛ i deɔ nɔ́ ko.

Mose I, 18:30

Abraham de ke, “Nyɔmtsɛ, i kpa mo pɛɛ, o mi mi nɛ ko fu, ha ma de ekohu. Ke alini, dali nyingmi etɛ pɛ lɛ ngɛ ma a mi nɛɛ?” Yawɛ he nɔ ke, “Ke i na dali nyingmi etɛ ngɛ lejɛ ɔ, i be ma a hɛ mi kpatae.”

Mose I, 18:32

Abraham de ke, “Nyɔmtsɛ, i kpa mo pɛɛ, o mi mi nɛ ko fu, ha ma tu munyu si kake nɛ ɔ pɛ. Alini, ke dali nyɔngma pɛ lɛ ngɛ ma a mi nɛɛ?” Yawɛ he nɔ ke, “Ke i na dali nyɔngma ngɛ lejɛ ɔ, i be ma a hɛ mi kpatae.”