Mose I, 18:30 - BAIBLO ALOO NGMAMI KLƆUKLƆU Ɔ

³⁰ Abraham de ke, “Nyɔmtsɛ, i kpa mo pɛɛ, o mi mi nɛ ko fu, ha ma de ekohu. Ke alini, dali nyingmi etɛ pɛ lɛ ngɛ ma a mi nɛɛ?” Yawɛ he nɔ ke, “Ke i na dali nyingmi etɛ ngɛ lejɛ ɔ, i be ma a hɛ mi kpatae.”

Mose I, 18:30 ပူးပေါင်းရင်းမြစ်များ

Yesaya 6:5

Kɛkɛ nɛ i de ke, “Akuanyɛ! Ye yi ta pɛ! Ejakaa i na matsɛ ɔ nɛ ji Yawɛ Tabohiatsɛ ɔ! Ye nya mi munyu he tsɔ we; nɛ nimli nɛ i ngɛ a kpɛti ɔ, mɛ hu a nya mi munyu he tsɔ we ja nɔuu!”

La 89:7

A buu mo ngɛ ni klɔuklɔuhi a kpe ɔ mi; mɛ tsuo pɛpɛɛpɛ a yeɔ mo gbeye.

La 10:17

Yawɛ, hiami níhi nɛ nɔ́ nali kɛ ba fɔ o hɛ mi ɔ, o le. Moo pee a hiami ní ɔmɛ ha mɛ, konɛ a ná he wami he.

La 9:12

Mawu kaiɔ nɔ́ nali, nɛ e yeɔ a he lue. Ke nɔ́ nali fa kue ha Mawu ɔ, e nuɔ; e hɛ ji a nɔ.

Manyadali 6:39

Gideon de Mawu ke, “O mi mi nɛ ko fu mi; ha ma tu munyu si kake nɛ ɔ pɛ! I kpa mo pɛɛ, ha ma ngɔ to he womi nɛ ɔ kɛ kpa nɔ́ si si kake nɛ ɔ pɛ! Jehanɛ lɛɛ i kpa mo pɛɛ, ha nɛ bɔ́ nɛ nɛ ngɛ zugba a tsuo nɔ, konɛ to he womi ɔ pɛ lɛɛ e gbli.”

Mose I, 44:18

Kɛkɛ nɛ Yuda hɛ lɛ kɛ su Yosef he, nɛ e de lɛ ke, “Nyɔmtsɛ, i kpa mo pɛɛ, ha nɛ ma kɛ hiami sane kake nɛ ɔ pɛ fɔ o hɛ mi. O ngɛ kaa Farao ɔ kɛ̃. O mi mi ko fu mi.

Mose I, 18:29

Abraham tu munyu ekohu ke, “Alini, eko piɔ a maa na dali nyingmi eywiɛ pɛ.” Yawɛ he nɔ ke, “I be ma a hɛ mi kpatae ngɛ dali nyingmi eywiɛ ɔmɛ a he.”

Mose I, 18:31

Abraham ya nɔ nɛ e de ke, “Nyɔmtsɛ, i kpa mo pɛɛ nɛ o ngɔ kɛ pa mi kaa ma da o hɛ mi kɛ tu munyu. Alini, ke dali nyingmi enyɔ pɛ lɛ ngɛ ma a mi nɛɛ?” Yawɛ he nɔ ke, “Ke i na dali nyingmi enyɔ ngɛ lejɛ ɔ, i be ma a hɛ mi kpatae.”