Mose I, 18:26 - BAIBLO ALOO NGMAMI KLƆUKLƆU Ɔ

²⁶ Yawɛ he nɔ ke, “Ke i na dali nyingmi enuɔ ngɛ Sodom ma a mi ɔ, i kɛ ma a tsuo a he maa pa mɛ ngɛ dali nyingmi enuɔ ɔmɛ a he.”

Mose I, 18:26 ပူးပေါင်းရင်းမြစ်များ

Yeremia 5:1

Yerusalem bi, nyɛɛ tu fo kɛ gu gbɛjegbɛ ɔmɛ a nɔ kɛ ya kɛ ba! Nyɛɛ po nyɛ hɛ nɛ nyɛɛ hyɛ kɛ bɔle si! Nyɛɛ kpa jua amɛ a nɔ nɛ nyɛ hla fitsofitso kaa nyɛ maa na nɔ kake ngmelu nɛ peeɔ nɔ́ nɛ da, nɔ nɛ bɔɔ mɔde kaa e maa ye Mawu anɔkuale lo? Ke nyɛ na nɔ kake ngmelu kaa ja a, lɛɛ Yawɛ maa ngɔ Yerusalem he yayami ɔmɛ kɛ pa lɛ.

Mateo 24:22

Se Mawu po ligbi ɔmɛ a nɔ kpiti momo; kaa e pee we jã jinɛ adesa ko adesa ko yi be wami nae. Mawu bimɛ ɔmɛ nɛ e hla a a he je ɔ, a maa po jamɛ a ligbi ɔmɛ a nɔ kpiti.

Ezekiel 22:30

I hla nɔ ko nɛ maa po piɛ kɛ wo a he, loo nɛ e maa tsi puɔ ɔ nɛ ngɛ gbogbo ɔ mi ɔ ha ma a, konɛ ma ko puɛ zugba a, se i nɛ nɔ ko nɔ ko.

Yesaya 65:8

Yawɛ ke, “Nɔ ko kpataa we e wai yiblii kpakpa hɛ mi; dã mohu e kɛ peeɔ. Jã kɛ̃ i be ye ma a hɛ mi kpatae pɛsɛpɛsɛ. Ni nɛmɛ nɛ sɔmɔɔ mi ɔ, ma he a yi wami.

Yesaya 19:24

Ke jamɛ a be ɔ su ɔ, Israel maa pee ma nɔ́ nɛ ji etɛ kɛ piɛ Egipt kɛ Asiria he, nɛ ma nɛ ɔmɛ ma ba pee gbaami ha je ɔ tsuo.

Yesaya 10:22

E ngɛ mi kaa amlɔ nɛ ɔ, Israel ma a mi bi ɔmɛ a he hiɛ babauu kaa wo nya zia lɛɛ, se nihi bɔbɔyoo pɛ nɛ maa kpale kɛ ba. A fa nɛ a kpata ma a hɛ mi, nɛ jã pɛpɛɛpɛ nɛ e sa mɛ.

Yesaya 6:13

Ke nɔ kake pɛ nɛ maa piɛ ngɛ ni nyɔngma mi po, lɛ hu a ma kpata e hɛ mi; e maa pee kaa tso ngua ko nɛ a po, nɛ e piɛ tso kpɔ ɔ kɛkɛ.” (Tso kpɔ nɛ ɔ daa si ha Mawu ma he ɔ sisi jemi.)

Mose I, 18:17

Kɛkɛ nɛ Yawɛ de e he ke, “Nɔ́ nɛ i yaa pee nɛ ɔ, i kɛ be Abraham laae.