Mose I, 18:24 - BAIBLO ALOO NGMAMI KLƆUKLƆU Ɔ

²⁴ Alini, ke dali nyingmi enuɔ ngɛ ma a mi ɔ, anɛ o ma kpata ma a tsuo hɛ mi lo? Anɛ o be a he ngɔe kɛ pa mɛ, bɔ nɛ pee nɛ o he dali nyingmi enuɔ ɔmɛ a yi wami lo?

Mose I, 18:24 ပူးပေါင်းရင်းမြစ်များ

Yeremia 5:1

Yerusalem bi, nyɛɛ tu fo kɛ gu gbɛjegbɛ ɔmɛ a nɔ kɛ ya kɛ ba! Nyɛɛ po nyɛ hɛ nɛ nyɛɛ hyɛ kɛ bɔle si! Nyɛɛ kpa jua amɛ a nɔ nɛ nyɛ hla fitsofitso kaa nyɛ maa na nɔ kake ngmelu nɛ peeɔ nɔ́ nɛ da, nɔ nɛ bɔɔ mɔde kaa e maa ye Mawu anɔkuale lo? Ke nyɛ na nɔ kake ngmelu kaa ja a, lɛɛ Yawɛ maa ngɔ Yerusalem he yayami ɔmɛ kɛ pa lɛ.

Yesaya 1:9

Kaa Yawɛ Tabohiatsɛ ɔ ha we nɛ wa ti ni komɛ a yi nɛ na wami ɔ, wa ko pee kaa Sodom kɛ Gomora.

Mose I, 18:32

Abraham de ke, “Nyɔmtsɛ, i kpa mo pɛɛ, o mi mi nɛ ko fu, ha ma tu munyu si kake nɛ ɔ pɛ. Alini, ke dali nyɔngma pɛ lɛ ngɛ ma a mi nɛɛ?” Yawɛ he nɔ ke, “Ke i na dali nyɔngma ngɛ lejɛ ɔ, i be ma a hɛ mi kpatae.”

Ni Tsumi 27:24

nɛ e de mi ke, ‘Paulo, koo ye gbeye! Ja a kɛ mo ya da Kaisare ɔ hɛ mi kokooko. Mawu na mo mɔbɔ saminya, nɛ e he o kɛ nihi tsuo nɛ ngɛ lɛ ɔ mi ɔ nyɛ yi wami.’

Mose I, 18:23

Abraham hɛ lɛ kɛ su Yawɛ he, nɛ e bi lɛ ke, “Anɛ o ma kpata dali kɛ nimli yayamihi tsuo a hɛ mi kɛ bla niinɛ lo?

Mose I, 18:25

Dɛbi, e ko ba mi kaa o maa pee nɔ́ nɛ ɔ, kaa o maa gbe dali kɛ nimli yayamihi kɛ bla. Ke o pee ja a, kɛkɛ o gbla dali kɛ nimli yayamihi tsuo a tue kɛ bla. Dɛbi, e ko ba mi ja; je ɔ tsuo kojolɔ ɔ, e sa kaa e yeɔ dami sane.”

Hiob 35:8

Ke o pee yayami ɔ, o nyɛmi nɔmlɔ adesa lɛ naa nɔ́; ke o pee kpakpa a, o nyɛmi nɔmlɔ adesa lɛ naa he se.