Mose I, 18:23 - BAIBLO ALOO NGMAMI KLƆUKLƆU Ɔ

²³ Abraham hɛ lɛ kɛ su Yawɛ he, nɛ e bi lɛ ke, “Anɛ o ma kpata dali kɛ nimli yayamihi tsuo a hɛ mi kɛ bla niinɛ lo?

Mose I, 18:23 ပူးပေါင်းရင်းမြစ်များ

Mose IV, 16:22

Se Mose kɛ Aaron ngɔ a hɛ mi ngɔ bu si, nɛ a de ke, “Mawu lee, mo nɛ o ji adesahi tsuo a mumi. Anɛ ke nɔ kake pee yayami ɔ, o mi mi ma fu ma a tsuo lo?”

Samuel II, 24:17

David na bɔfo ɔ nɛ ngɛ ma a nɔ́ fiae, nɛ e de Yawɛ ke, “O nɛ, imi lɛ i pee yayami ɔ nɛ; imi lɛ i tɔ̃. Nimli nɛ ɔmɛ nɛ a ngɛ kpoo kaa jijɔ ɔ, mɛɛ lɛɛ mɛni a pee? I kpa mo pɛɛ nɛ o gbla i kɛ ye weku li kɛkɛ wa tue.”

Mose I, 20:4

Se jamɛ a be ɔ mi ɔ, Abimelek kɛ yo ɔ na we bɔmi lolo, lɔ ɔ he ɔ, e de ke, “Ye nyɔmtsɛ, i yi fɔ! Anɛ o maa gbe i kɛ ye ma mi bi ɔmɛ lo?

Hebribi 10:22

Lɔ ɔ he ɔ, nyɛ ha nɛ waa ngɔ tsui nɛ mi tsɔ, kɛ hemi kɛ yemi nɛ pi si kɛ hɛ wɔ kɛ su Mawu he. Nyɛ ha a tsu wa tsui he bɔ nɛ wa he nile be wɔ fɔ bue, nɛ́ waa pee kaa nihi nɛ a kɛ nyu nɛ mi tsɔ heii du a he.

Hiob 34:17

Nɔ nɛ he wa nɛ e yeɔ dami sane ɔ, o maa bu lɛ fɔ, konɛ nɔ nɛ sume dami sane yemi ɔ mohu nɛ ye tsɛ lo?

Mose I, 18:25

Dɛbi, e ko ba mi kaa o maa pee nɔ́ nɛ ɔ, kaa o maa gbe dali kɛ nimli yayamihi kɛ bla. Ke o pee ja a, kɛkɛ o gbla dali kɛ nimli yayamihi tsuo a tue kɛ bla. Dɛbi, e ko ba mi ja; je ɔ tsuo kojolɔ ɔ, e sa kaa e yeɔ dami sane.”

Yeremia 30:21

A nɔ yelɔ ɔ maa je mɛ nitsɛmɛ a ma a mi; a matsɛ ɔ maa je mɛ nitsɛmɛ nɔuu a kpɛti. Ma tsɛ lɛ, nɛ e maa ba ye ngɔ. Mɛnɔ ma nyɛ maa hɛ lɛ kɛ su ye he be mi nɛ i tsɛ we lɛ? A maa pee ye ma, nɛ imi hu ma pee a Mawu. Imi, Yawɛ lɛ i de.”

La 73:28

Se imi lɛɛ e hi kaa ma hɛ mi kɛ su Mawu he. Ma ya sa we ngɛ Nyɔmtsɛ Yawɛ ngɔ, nɛ ma sɛɛ níhi nɛ e pee ɔ tsuo.

Hiob 8:3

Anɛ Mawu plɛɔ sane hɛ mi ngɔ buɔ si lo? Mawu Ope ɔ, anɛ e tsakeɔ nɔ́ nɛ da kɛ peeɔ nɔ́ nɛ dɛ lo?

Yakobo 5:17

Eliya a, nɔmlɔ adesa ji lɛ kaa wɔ nɔuu. E sɔle kɛ hɛdɔ ke hiɔmi kó nɛ; nɛ hiɔmi nɛ́ ngɛ zugba a nɔ jeha etɛ kɛ nyɔhiɔ ekpa sɔuu.

Yakobo 5:16

Lɔ ɔ he ɔ, nyɛɛ jaje nyɛ he yayami ɔmɛ kɛ tsɔɔ nyɛ sibi; nyɛɛ sɔle ha nyɛ sibi konɛ a tsa nyɛ. Ke nɔ nɛ peeɔ nɔ́ nɛ da fa kue ha Mawu ɔ, e tsuɔ ní saminya.

Mose I, 18:24

Alini, ke dali nyingmi enuɔ ngɛ ma a mi ɔ, anɛ o ma kpata ma a tsuo hɛ mi lo? Anɛ o be a he ngɔe kɛ pa mɛ, bɔ nɛ pee nɛ o he dali nyingmi enuɔ ɔmɛ a yi wami lo?

Mose II, 23:7

Koo po sane ngɔ fɔ nɔ nɔ, nɛ nɔ nɛ pee we nɔ́ yaya ko ɔ, koo gbe lɛ; ejakaa nɔ nɛ peeɔ yayami kaa kikɛ nɛ ɔ, i kɛ e he be lɛ kee.