Mose I, 18:2 - BAIBLO ALOO NGMAMI KLƆUKLƆU Ɔ

² nɛ e wo e yi nɔ ɔ, e na nyumu ni etɛ komɛ nɛ ma e ngɔ. Benɛ e na mɛ ɔ, e tu fo kɛ je bo tsu sinya a nya nɛ e ya kpee mɛ. E kpla si nɛ e kɛ e hɛ mi bu si,

Mose I, 18:2 ပူးပေါင်းရင်းမြစ်များ

Hebribi 13:2

Nyɛ ko jɔɔ nibwɔ peemi hulɔ, ejakaa nibwɔ peemi nɔ nɛ ni komɛ gu kɛ he hiɔwe bɔfohi atuu nɛ a li tete.

Mose I, 18:22

Kɛkɛ nɛ ni enyɔ ɔmɛ je lejɛ ɔ nɛ a pue nɔ kɛ yaa Sodom, nɛ Abraham lɛɛ e kɛ Yawɛ daa si ngɛ lejɛ ɔ kɛ mwɔɔ.

Mose I, 19:1

Benɛ Yawɛ bɔfo enyɔ ɔmɛ ba su Sodom jamɛ a gbɔkuɛ ɔ, Lot hii si ngɛ ma a agbo ɔ nya. Benɛ e na mɛ pɛ, e te si nɛ e ya kpee mɛ. E kpla si nɛ e kɛ e hɛ mi bu si,

Manyadali 13:3

Yawɛ bɔfo je e he kpo tsɔɔ yo ɔ, nɛ e de lɛ ke, “O nɛ, yosa ji mo, nɛ o fɔ we lɛɛ, se jehanɛ, o ma na mi, nɛ o ma fɔ binyumu.

Mose I, 23:7

Kɛkɛ nɛ Abraham kpla si ngɛ Hit bi ɔmɛ a hɛ mi,

Yoshua 5:13

Benɛ Yoshua su Yeriko haa nɛ e wo e yi nɔ ɔ, e na nyumu ko nɛ hɛɛ klaate kɛ daa si ngɛ e hɛ mi. Yoshua ya e ngɔ nɛ e ya bi lɛ ke, “Wa nɔ ji mo, loo wa he nyɛlɔ ji mo?”

Mose I, 44:14

Benɛ Yuda kɛ e nyɛmimɛ ɔmɛ ba Yosef we ɔ mi ɔ, Yosef ngɛ lejɛ ɔ kɛ mwɔɔ. Kɛkɛ nɛ a kpla si, nɛ a kɛ a hɛ mi bu si ngɛ e hɛ mi.

Mose I, 43:28

A he nɔ ke, “Wa tsɛ ngɛ je mi kɛ mwɔɔ; e ngɛ saminya.” Kɛkɛ nɛ a kpla si, nɛ a kɛ a hɛ mi bu si.

Mose I, 43:26

Benɛ Yosef ba we ɔ mi ɔ, a ngɔ nike ní ɔmɛ nɛ a hɛɛ kɛ ba a ngɔ ha lɛ, nɛ a kpla si nɛ a kɛ a hɛ mi bu si ngɛ e hɛ mi.

Mose I, 32:24

nɛ e ba piɛ lɛ Yakob ɔ nɔ kake ngmelu ngɛ se. Kɛkɛ nɛ nyumu ko kɛ lɛ ba fia atlibo kɛ ya si makɛ.

Mose I, 18:16

Jehanɛ, nyumu ɔmɛ je lejɛ ɔ, nɛ a pue nɔ kɛ yaa Sodom blɔ. Abraham kɛ mɛ ho konɛ e ya je mɛ blɔ.

Rut Womi 2:10

Kɛkɛ nɛ Rut kpla si nɛ e kɛ e hɛ mi bu si, nɛ e bi Boaz ke, “I kpa mo pɛɛ, mɛni he je o ngɛ o he haoe ngɛ ye he, nɛ o tsɔ o hɛ mi ha mi kikɛ nɛ ɔ? Imi ma se no ɔ!”

1 Petro 4:9

Nyɛ he nyɛ sibi atuu ngɛ nyɛ wehi a mi, nɛ nyɛ ko de ke nɔ́ nɛ ɔ peemi wa tsɔ.

Romabi 12:13

Ni klɔuklɔu ɔmɛ nɛ e fi mɛ ɔ, nyɛɛ ye bua mɛ; nɛ nyɛɛ bɔ nibwɔ peemi he mɔde.

Matsɛmɛ II, 2:15

Benɛ gbali a kuu ɔ nɛ ngɛ Yeriko ɔ na lɛ ɔ, a de ke, “Eliya mumi ɔ ba Elisha nɔ.” A ya nɛ a ya kpee lɛ, nɛ a kpla si ngɛ e hɛ mi;

Mose I, 17:3

Abram kpla si nɛ e kɛ e hɛ mi bu si; nɛ Mawu de lɛ ke,

Mose I, 18:3

nɛ e de mɛ ke, “Ye nyɔmtsɛmɛ, i kpa nyɛ pɛɛ nɛ nyɛ ko je lolo. Nyɛɛ hi si ngɛ tso nɛ ɔ sisi nɛ nyɛɛ jɔɔ nyɛ he, nɛ ma ba ha nyɛ nyu bɔɔ nɛ nyɛ kɛ fɔ nyɛ nanehi a he.

Mose I, 24:63

Ligbi ko gbɔkuɛ nya si ɔ, e je kpo kɛ ho nga a nɔ ya konɛ e ya pue e yi mi bɔɔ, nɛ e na kaa afukpɔngɔ komɛ ma.

Mose I, 23:12

Se Abraham kpla si ngɛ Hit bi ɔmɛ a hɛ mi,

Mose I, 42:6

Yosef, ganɔ nɛ ngɛ Egipt zugba a nɔ ɔ, ji nɔ nɛ ngɛ blɛfo ɔ juae ha nɔ tsuaa nɔ nɛ ba blɛfo hemi ɔ nɛ. Kɛkɛ nɛ Yosef nyɛmimɛ ɔmɛ ba kpla si ngɛ e hɛ mi, nɛ a kɛ a hɛ mi bu si.

Mose I, 48:12

Kɛkɛ nɛ Yosef je jokuɛwi ɔmɛ kɛ je e tsɛ ɔ tɛ nɔ; nɛ e kpla si ngɛ e hɛ mi, nɛ e ngɔ e hɛ mi ngɔ bu si.