Mose I, 18:19 - BAIBLO ALOO NGMAMI KLƆUKLƆU Ɔ

¹⁹ I hla Abraham, bɔ nɛ pee nɛ e fa e bimɛ ɔmɛ kɛ e nina a nɛ a bu mi tue, nɛ a pee nɔ́ nɛ da, kɛ nɔ nɛ hi. Ke a pee ja a, nɔ́ tsuaa nɔ́ nɛ i wo lɛ si kaa ma pee ha lɛ ɔ, ma pee.”

Mose I, 18:19 ပူးပေါင်းရင်းမြစ်များ

2 Timoteo 3:15

O kai kaa kɛ je o jokuɛ mi tɔɔ o le ngmami klɔuklɔu ɔ. Ngmami klɔuklɔu ɔ ma ha nɛ o maa le ní, nɛ Kristo Yesu nɛ o heɔ yeɔ ɔ ma he o yi wami.

Efesobi 6:4

Fɔli, nyɛ ko wo nyɛ bimɛ ɔmɛ a mi mi la; se mohu nyɛ tsɔse mɛ, nɛ nyɛɛ wo mɛ ga kpakpa nɛ maa sa Kristo hɛ mi.

2 Timoteo 2:19

Se tsu sisi tomi tɛ nɛ Mawu ngɔ kɛ ma si ha hemi kɛ yemi ɔ he wa, nɛ e be mimiɛe. Munyu nɛ a kɛ sɔu tɛ ɔ nya ji, “Nyɔmtsɛ ɔ le lɛ nitsɛ e nihi.” Ekpa hu deɔ ke, “Nɔ tsuaa nɔ nɛ deɔ ke Mawu nɔ́ ji lɛ ɔ, é kpa yayami peemi.”

1 Timoteo 3:12

Asafo mi sɔmɔlɔ ɔ, é hi yo kake pɛ, nɛ e nyɛ nɛ e hyɛ e we, kɛ e bimɛ a nɔ saminya.

Abɛ Womi 22:6

Tsɔse jokuɛyo nɛ e le bɔ nɛ e maa ba e je mi ha, nɛ ke e wa a, e hɛ be nɔ jee.

Kronika I, 28:9

Jehanɛ, David de Salomo ke, “Ye bi Salomo, i ngɛ mo dee ke ó le o tsɛ e Mawu ɔ, nɛ o sɔmɔ lɛ kɛ o tsui tsuo, kɛ o juɛmi tsuo; ejakaa Yawɛ le wa susumi ɔmɛ, kɛ wa suɔmi nya ní ɔmɛ tsuo. Ke o hla e se blɔ ɔ, e ma he mo; se ke o kua lɛ ɔ, lɛ hu e maa je o se kɛ maa ya neneene.

Yoshua 24:15

Ke nyɛ sume kaa nyɛ ma sɔmɔ lɛ ɔ, nyɛɛ tsɔɔ mwɔnɛ nɛ ɔ nɔ nɛ nyɛ ma sɔmɔ; ke mawu ɔmɛ nɛ nyɛ nɛmɛ ɔmɛ ja ngɛ Mesopotamia a jio, loo Amor bi ɔmɛ nɛ nyɛ ngɛ a zugba a nɔ ɔ a mawu ɔmɛ jio. Se imi kɛ ye we ɔ lɛɛ, wa ma sɔmɔ Yawɛ.”

Mose V, 32:46

e slɔ mɛ ke, “Nyɛɛ hyɛ saminya nɛ nyɛɛ ye mlaa nɛ ɔmɛ tsuo nɛ i ngɛ nyɛ woe mwɔnɛ ɔ a nɔ. Nyɛɛ tsɔɔ nyɛ bimɛ ɔmɛ, konɛ a ye Mawu mlaa amɛ tsuo a nɔ pɛpɛɛpɛ.

La 34:15

Yawɛ hɛngmɛ ngɛ dali a he, nɛ e buɔ a kue fami tue.

La 11:4

Yawɛ ngɛ e we klɔuklɔu ɔ; e matsɛ sɛ ɔ, hiɔwe lɛ e ngɛ. E hɛngmɛ ngɛ nimli adesahi hyɛe ngɛ he tsuaa he; e le níhi nɛ a ngɛ pee.

Hiob 1:5

Ke a gbe ní yemi ɔ tsuo nya kikɛ nɛ ɔ, jena mɔtu ɔ, Hiob maa te si mla nɛ e maa sã sami bɔ kɛ ha e bimɛ ɔmɛ kakaaka, nɛ e kɛ maa pee mɛ klɔuklɔu. Hiob peeɔ nɔ́ nɛ ɔ daa, ejakaa e susuɔ kaa eko ɔ, e bimɛ ɔmɛ pee yayami kaa a jɛ Mawu nɛ a li a he be.

2 Timoteo 1:5

I kaiɔ o hemi kɛ yemi nɛ o hɛɛ mi anɔkuale mi kaa bɔ nɛ o nã Loise, kɛ o nyɛ Eunike hu hɛɛ mi ɔ. I heɔ yeɔ kaa o hɛɛ hemi kɛ yemi nɛ ɔ mi kɛ mwɔɔ.

Ni Tsumi 27:31

Se Paulo de asafoatsɛ ɔ, kɛ ta buli ɔmɛ ke, “Ke lɛ mi ní tsuli ɔmɛ je lɛ ɔ mi lɛɛ nyɛ be je mi tlɔe.”

Yohane 10:14

Imi ji to hyɛlɔ kpakpa a nɛ. Tsɛ ɔ le mi, nɛ imi hu i le lɛ; nɛ jã nɔuu i le ye to ɔmɛ, nɛ ye to ɔmɛ hu le mi. Nɛ i suɔ hu kaa ma gbo ngɛ a he.

Yesaya 38:19

Nihi nɛ ngɛ hɛ ngmengmle! Ee, hɛ ngmengmletsɛmɛ nɛ a jeɔ o yi kaa bɔ nɛ i ngɛ o yi jee mwɔnɛ nɛ ɔ. Tsɛmɛ tsɔɔ a bimɛ ɔmɛ ke o yeɔ anɔkuale be tsuaa be.

La 1:6

Ejakaa Yawɛ buu dali a he, se yayami peeli lɛɛ a hɛ mi ma kpata.

Samuel II, 7:20

Lɛɛ mɛni pa ngɛ imi David, ye nya nɛ ma de mo? Nyɔmtsɛ Yawɛ, o le imi o tsɔlɔ ɔ saminya!

Yohane 21:17

Jehanɛ Yesu kpale bi lɛ nɔ́ nɛ ji si etɛ ke, “Simon, Yohane bi, o suɔ mi lo?” E dɔ Petro kaa Yesu bi lɛ si etɛ sɔuu ke e suɔ lɛ lo. Lɔ ɔ he ɔ, e he nɔ ke, “Nyɔmtsɛ, mo nitsɛ o le nɔ́ tsuaa nɔ́; mo nitsɛ o le kaa i suɔ mo!” Yesu de lɛ ke, “Lɛɛ ye to ɔmɛ.

Amos 3:2

Yawɛ ke, “Ngɛ je ma amɛ tsuo a kpɛti ɔ, nyɛ pɛ ji ma nɛ i je blɔ hla, nɛ i ngɛ nɔ hyɛe. Enɛ ɔ ha nɛ nyɛ he yayami ɔ kle agbo, nɛ e hia kaa ma gbla nyɛ tue wawɛɛ nitsɛ.”

Mose I, 12:2

Ma ha mo nina babauu, nɛ a maa pee je ma agbo. Ma gbaa mo, nɛ ma ha o ma he biɛ, nɛ a maa gu o nɔ kɛ gbaa nihi babauu.

Mose I, 12:3

Nihi nɛ gbaa mo ɔ, ma gbaa mɛ. Se ni nɛmɛ nɛ gbiɛɛ mo ɔ, imi hu ma gbiɛ mɛ. O nɔ ma gu kɛ gbaa je ma amɛ tsuo.”

Mose I, 17:9

Mawu de Abraham ekohu ke, “Moo lɛɛ o kɛ o nina nɛ maa ba ngɛ o se ɔ, nyɛɛ ye somi nɛ i kɛ mo so ɔ nɔ.

Mose I, 22:18

Je ma amɛ tsuo ma bi ke ma gbaa mɛ kaa bɔ nɛ i gbaa o nina a, ejakaa o bu mi tue.”

Mose I, 35:2

Kɛkɛ nɛ Yakob de e yi ɔmɛ, kɛ e bimɛ ɔmɛ, kɛ nɔ tsuaa nɔ nɛ kɛ lɛ ngɛ ɔ ke, “Nyɛ jé ma se mawu ɔmɛ nɛ ngɛ nyɛ dɛ ɔ ngɔ pue he; nyɛɛ tsukɔ nyɛ he, nɛ nyɛɛ wo tadehi nɛ a he tsɔ.

Samuel II, 22:22

I ye Yawɛ mlaa amɛ a nɔ; i ji ye Mawu ɔ se.

Nehemia 9:7

Yawɛ Mawu, mo nɛ o hla Abram, nɛ o kpaka lɛ kɛ je Ur ngɛ Babilonia; o tsake e biɛ ngɔ pee Abraham.

Mose III, 14:42

Jehanɛ, á ngɔ tɛ kpahi kɛ tsi puɔ ɔmɛ, nɛ́ a ngɔ zu kpa kɛ kã gli ɔmɛ a he.

Manyadali 13:12

Manoa bi lɛ ke, “Ke o munyu ɔmɛ ba mi ɔ, kɛ jokuɛ ɔ je mi bami ma ba hi kɛɛ? Mɛni e ma ba tsu?”

Kronika II, 14:3

E jé ma se bɔ sami la tɛ ɔmɛ. E gbɛ jami he ɔmɛ; e ku amaga amɛ, kɛ amaga a nɛ a puɛ ha yo mawu ɔ nɛ a tsɛɛ Ashera a.

Mateo 25:17

Nɔ nɛ na sika tsu yi akpe enyɔ ɔ hu ya na enyɔ kɛ bɔ he ja nɔuu.