Mose I, 18:17 - BAIBLO ALOO NGMAMI KLƆUKLƆU Ɔ

¹⁷ Kɛkɛ nɛ Yawɛ de e he ke, “Nɔ́ nɛ i yaa pee nɛ ɔ, i kɛ be Abraham laae.

Mose I, 18:17 ပူးပေါင်းရင်းမြစ်များ

Amos 3:7

Anɛ Nyɔmtsɛ Mawu pee nɔ́ ko hyɛ nɛ e ha we nɛ e tsɔli ɔmɛ, nɛ ji gbali ɔmɛ nɛ a le lo? Dɛbi!

La 25:14

Nihi nɛ yeɔ Yawɛ gbeye ɔ, Yawɛ kɛ mɛ maa nu huɛ; nɛ si nɛ e wo ɔ, e ma je kpo ngɔ tsɔɔ mɛ.

Yohane 15:15

Jehanɛ i tsɛ we nyɛ tsɔli hu, ejakaa tsɔlɔ li nɔ́ nɛ e nyɔmtsɛ tsuɔ. I tsɛɔ nyɛ ye huɛmɛ mohu, ejakaa níhi tsuo nɛ i nu kɛ je Tsaatsɛ nya a, i de nyɛ.

Yakobo 2:23

Nɛ nɔ́ nɛ ngmami ɔ de ɔ ba mi ke, “Abraham he Mawu ye, nɛ e hemi kɛ yemi ɔ ha nɛ Mawu bu lɛ dalɔ.” Enɛ ɔ he nɛ a tsɛɛ Abraham ke Mawu huɛ ɔ nɛ.

Mose I, 19:24

Tlukaa a, Yawɛ ha nɛ la nɛ ngɛ tsoe gegeege je hiɔwe pue Sodom kɛ Gomora a nɔ.

Kronika II, 20:7

Anɛ pi mo, wa Mawu ɔ nɛ o fie zugba nɛ ɔ nɔ bi ɔmɛ kɛ je hiɛmɛ nɛ ɔ benɛ o ma, Israel ma a lo? Anɛ pi mo nɛ o ngɔ zugba nɛ ɔ kɛ ha o huɛ Abraham nina, konɛ e pee a nɔ́ kɛ ya neneene lo?

Matsɛmɛ II, 4:27

se benɛ e ba su Mawu nɔmlɔ ɔ ngɔ ngɛ yo ɔ nɔ ɔ, e nu Mawu nɔmlɔ ɔ nane. Nɛ jinɛ Gehazi ka kaa e ma tsitsɛɛ lɛ kɛ je lejɛ ɔ, se Elisha de lɛ ke, “Moo ngmɛɛ e he; o nɛ kaa nɔ́ ko ngɛ lɛ haoe lo? Nɛ Yawɛ kɛ nɔ́ nɛ ɔ laa mi, nɛ e de we mi.”

Mose I, 18:21

Lɔ ɔ he ɔ, i yaa lejɛ ɔ nɛ ma ya hyɛ kaa níhi nɛ i nu ngɛ a he ɔ, e ngɛ mi ja, loo e be mi.”

Mose I, 18:22

Kɛkɛ nɛ ni enyɔ ɔmɛ je lejɛ ɔ nɛ a pue nɔ kɛ yaa Sodom, nɛ Abraham lɛɛ e kɛ Yawɛ daa si ngɛ lejɛ ɔ kɛ mwɔɔ.

Mose I, 18:26

Yawɛ he nɔ ke, “Ke i na dali nyingmi enuɔ ngɛ Sodom ma a mi ɔ, i kɛ ma a tsuo a he maa pa mɛ ngɛ dali nyingmi enuɔ ɔmɛ a he.”