Mose I, 18:14 - BAIBLO ALOO NGMAMI KLƆUKLƆU Ɔ

¹⁴ Anɛ nɔ́ ko peemi wa ha Yawɛ lo? Kaa bɔ nɛ i de ɔ, hiɛmɛ nɛ ɔ jeha a, ma kpale kɛ ba o ngɔ ekohu; nɛ o yo Sara ma fɔ binyumu.”

Mose I, 18:14 ပူးပေါင်းရင်းမြစ်များ

Mose I, 17:16

Ma gbaa lɛ, nɛ ma ha e ma fɔ binyumu ha mo. Ma gbaa lɛ nɛ e maa pee je mahi a nyɛ, nɛ e bimɛ ɔmɛ ekomɛ ma ba pee matsɛmɛ.”

Mose I, 17:21

Se o binyumu Isak nɛ Sara ma fɔ ha mo hiɛmɛ nɛ ɔ jeha a, ma ma ye somi ɔ nɔ mi ha lɛ.”

Mose I, 18:10

Yawɛ de lɛ ke, “Hiɛmɛ nɛ ɔ jeha a, ma kpale kɛ ba o ngɔ ekohu; nɛ o yo Sara ma fɔ binyumu.” Jamɛ a be ɔ mi ɔ, Sara daa si ngɛ bo tsu ɔ sinya a nya ngɛ e huno ɔ se, ngɛ tue bue.

Mose I, 18:13

Kɛkɛ nɛ Yawɛ bi Abraham ke, “Mɛni he je Sara muɔ nɛ e bi ke, ‘Anɛ imi yomoyo nɛ ɔ, ma fɔ niinɛ lo?’ ɔ.

Mose I, 18:15

Akɛnɛ Sara ngɛ gbeye yee he je ɔ, e ye lakpa ke, “I muɛ”. Se Yawɛ de lɛ ke, “O muɔ!”

Mose I, 21:1

Yawɛ gbaa Sara kaa bɔ nɛ e wo si ɔ.

Mose I, 21:2

Sara ba na mi, nɛ e fɔ binyumuyo ha Abraham benɛ Abraham bwɔ ɔ, ngɛ be nɛ Mawu de to ɔ mi.

Matsɛmɛ II, 4:16

nɛ Elisha de lɛ ke, “Hwɔɔ se jeha be nɛ ɔ mi ɔ, o maa hɛɛ binyumu ngɛ o kɔni bɔkɔ mi.” Yo ɔ de lɛ ke, “Dɛbi! Ye nyɔmtsɛ, koo mlɔɔ mi; Mawu nɔmlɔ ji mo!”

Hiob 36:5

Mawu kle! E nyɛ́ nɔ. Nɔ́ ko nɔ́ ko be nɛ e juɛmi sui he.

Hiob 42:2

Yawɛ, i le kaa he walɔ kpetekpleenyɛ ji mo; o nyɛɔ nɛ o peeɔ nɔ́ tsuaa nɔ́ nɛ o suɔ.

La 90:13

Mɛni be o mi mi fumi ɔ se maa po? Yawɛ, naa wɔ, o tsɔli ɔmɛ mɔbɔ!

La 93:1

Yawɛ ngɛ matsɛ yee. E mia kɛ agboje, kɛ he wami. Ee, e ngɔ je ɔ ngɔ ma si kpɛii, nɛ a be nyɛe ma je kɛ je e blɔ he.

La 95:3

Ejakaa Yawɛ ɔ, Mawu kpetekpleenyɛ ji lɛ; lɛ ji mawu ɔmɛ tsuo a matsɛ nguaa.

Yesaya 50:2

“Mɛni he je lɛ benɛ i ba a, nɔ ko be lejɛ ɔ? Benɛ i tsɛ nyɛ ɔ, mɛni he je nɔ ko pui mi ɔ? Anɛ nyɛ susuɔ kaa ye nine ngɛ kuku nɛ i be nyɛe ma kpɔ nyɛ kɛ je he nyɛlɔ ɔ dɛ mi lo? Ke i wo gbi ɔ, wo miiɔ, nɛ pahi plɛɔ peeɔ nga kplanaa. Ke nyu ɔ mii ta a, lo gboɔ nɛ e saa.

Yeremia 32:17

“Nyɔmtsɛ Mawu, mo lɛ o kɛ o he wami kpetekpleenyɛ pee hiɔwe kɛ zugba; nɔ́ ko nɔ́ ko peemi wɛ ha mo.

Yeremia 32:27

“Imi ji Yawɛ; nimli adesahi tsuo a Mawu ji mi. Anɛ nɔ́ ko peemi wa ha mi lo?

Daniel 6:20

Benɛ e ya su lejɛ ɔ, e kɛ he hiami kpa ngmlaa tsɛ Daniel ke, “Daniel, mo Mawu hɛ kalɔ ɔ tsɔlɔ! Anɛ o Mawu ɔ nɛ o sɔmɔɔ lɛ daa a nyɛ́ je mo kɛ je jata amɛ a dɛ mi lo?”

Mika 7:18

Yawɛ, mawu kpa ko be nɛ kɛ mo sɔ. O ma a nɛ piɛ ɔ, o kɛ a he yayami paa mɛ. O mi mi fu we kɛ yɛ neneene, se mohu ɔ, o suɔ kaa o je o suɔmi nɛ se pui gblegbleegble ɔ ngɔ tsɔɔ wɔ.

Zakaria 8:6

“Ke e he maa wa ha nihi nɛ piɛ ngɛ ma a mi be nɛ ɔ mi kaa ní nɛ ɔmɛ ma nyɛ ba ma a mi ɔ, anɛ imi hu e he maa wa ha mi lo?

Mose IV, 11:23

Yawɛ bi Mose ke, “Anɛ nɔ́ nɛ ɔ pe Yawɛ, nɛ e be nyɛe maa pee lo? Si nɛ i wo ɔ, e maa ba mi jio, e be mi bae jio, o maa na piɔ.”

Mateo 14:31

Amlɔ ɔ, Yesu kpã e nine mi, nɛ e pɛtɛ e he, nɛ e de lɛ ke, “Mo nɛ o hemi kɛ yemi pi! Mɛni he je nɛ o je nɔ́?”

Mateo 19:26

Yesu hyɛ mɛ too, nɛ e de mɛ ke, “Nimli be nyɛe maa pee enɛ ɔ; se Mawu lɛɛ e nyɛɔ peeɔ nɔ́ tsuaa nɔ!”

Mateo 3:9

Nyɛ ko susu kaa ke nyɛ de kɛkɛ ke nyɛ nɛ̃ ji Abraham ɔ, nɛ tue gblami ko be nyɛ nɔ bae. I ngɛ nyɛ dee ke, Mawu ma nyɛ ngɔ tɛ nɛ ɔmɛ kɛ pee Abraham nina!

Marko 10:27

Yesu hyɛ a hɛ mi too nɛ e de mɛ ke, “Nimli a blɔ fa mi ɔ, a be nyɛe maa pee, ja ngɛ Mawu blɔ fa mi; ejakaa Mawu blɔ fa mi lɛɛ a nyɛɔ níhi tsuo peeɔ.”

Luka 1:13

Se bɔfo ɔ de lɛ ke, “Zakaria, koo ye gbeye! Mawu nu o kue fami ɔ. O yo Elizabet ma fɔ binyumu ha mo, nɛ o maa wo lɛ biɛ ke Yohane.

Luka 1:18

Zakaria bi bɔfo ɔ ke, “Kɛ ma pee kɛ le enɛ ɔ kɛɛ? Hyɛ, nɔmoyo ji mi, nɛ ye yo hu bwɔ!”

Luka 1:37

Ejakaa Mawu lɛɛ nɔ́ ko nɔ́ ko be nɛ e be nyɛe maa pee.”

Luka 8:50

Se Yesu nu, nɛ e de Yairo ke, “Koo ye gbeye; moo lɛɛ he ye kɛkɛ, nɛ e yi ma na wami ekohu.”

Romabi 4:21

Ejakaa Abraham he ye wawɛɛ kaa si nɛ Mawu wo lɛ ɔ, e maa ye nɔ.

Efesobi 3:20

Mawu kɛ he wami kpetekpleenyɛ tsuɔ ní ngɛ wa mi, nɛ e peeɔ níhi nɛ hiɛ babauu kɛ be nɔ kɛ haa wɔ, níhi nɛ wa be nyɛe ma bi, kɛ ní nɛmɛ nɛ wa juɛmi sui he po.

Mose V, 30:3

lɛɛ Yawɛ, nyɛ Mawu ɔ maa na nyɛ mɔbɔ. E maa kpale nyɛ kɛ je ma je li ɔmɛ a zugba a nɔ, he nɛ e gbɛ nyɛ ngɔ fĩa a; nɛ e ma ha nyɛ ma na ní kpɔtɔɔ ekohu.

Mose V, 7:21

Lɔ ɔ he ɔ, nyɛ ko ye nyɛ he nyɛli ɔmɛ gbeye. Yawɛ, nyɛ Mawu ɔ kɛ nyɛ ngɛ; e ji Mawu kpetekpleenyɛ nɛ sa nɛ a ye lɛ gbeye.

Filipibi 3:21

E ma tsake wa nɔmlɔ tso nɛ hɛ mi be nyami ɔ; e maa pee lɛ kaa lɛ nitsɛ e nɔmlɔ tso nɛ hɛ mi ngɛ nyami ɔ. E ngɛ he wami nɛ e kɛ yeɔ níhi tsuo a nɔ.

Filipibi 4:13

Kristo lɛ woɔ mi he wami, nɛ e haa nɛ i nyɛɔ peeɔ nɔ́ tsuaa nɔ́.

Hebribi 11:19

Abraham he ye kaa Mawu ngɛ he wami nɛ e kɛ ma tle Isak si kɛ je gbeje tete. Nɛ ke a ma de ngɛ blɔ ko nɔ ɔ, Mawu tle lɛ si kɛ je gbeje ha Abraham niinɛ.

Manyadali 13:3

Yawɛ bɔfo je e he kpo tsɔɔ yo ɔ, nɛ e de lɛ ke, “O nɛ, yosa ji mo, nɛ o fɔ we lɛɛ, se jehanɛ, o ma na mi, nɛ o ma fɔ binyumu.

Samuel I, 14:6

Yonatan de niheyo ɔ nɛ hɛɛ e ta hwumi ní ɔmɛ ke, “Ha waa ho mɔmlɔtɔtsɛmɛ ɔmɛ a sito he ɔ ya. Eko piɔ, Yawɛ ma tsu nyakpɛ ní ha wɔ; ejakaa nɔ́ ko nɔ́ ko tsi Yawɛ nya kaa e kɛ nihi fuu, loo bɔɔ ma he nihi a yi wami.”