Mose I, 18:12 - BAIBLO ALOO NGMAMI KLƆUKLƆU Ɔ

¹² Lɔ ɔ he ɔ, Sara muɔ nɛ e bi e he ke, “Be nɛ ɔ mi nɛ i bwɔ, nɛ ye huno hu bwɔ kikɛ nɛ ɔ, ma pa na ngɔɔmi ko ngɛ yo kɛ nyumu a buami mi lo?”

Mose I, 18:12 ပူးပေါင်းရင်းမြစ်များ

Mose I, 17:17

Abraham kpla si nɛ e kɛ e hɛ mi bu si. Se e muɔ nɛ e bi e he ke, “Anɛ nyumu nɛ ye jeha lafa a ma nyɛ fɔ lo? Anɛ Sara hu nɛ e ye jeha nyingmi nɛɛ ɔ ma nyɛ fɔ lo?”

Mose I, 18:13

Kɛkɛ nɛ Yawɛ bi Abraham ke, “Mɛni he je Sara muɔ nɛ e bi ke, ‘Anɛ imi yomoyo nɛ ɔ, ma fɔ niinɛ lo?’ ɔ.

Matsɛmɛ II, 4:16

nɛ Elisha de lɛ ke, “Hwɔɔ se jeha be nɛ ɔ mi ɔ, o maa hɛɛ binyumu ngɛ o kɔni bɔkɔ mi.” Yo ɔ de lɛ ke, “Dɛbi! Ye nyɔmtsɛ, koo mlɔɔ mi; Mawu nɔmlɔ ji mo!”

La 126:2

Jamɛ a be ɔ mi ɔ, wa muɔ jɛɛ, nɛ wa la bua jɔmi la boboobo. Je ma amɛ hu de a sibi ke, “Yawɛ tsu ní nguanguahi ha mɛ.”

La 45:11

kɛkɛ o he fɛu ɔ maa pee matsɛ ɔ akɔnɔ; lɛ ji o nyɔmtsɛ, lɔ ɔ he ɔ, ba o he si ha lɛ.

Efesobi 5:33

Se kɛ̃ ɔ, nɔ́ nɛ ngɛ mi ji, e sa kaa nyɛ ti nɔ tsuaa nɔ nɛ suɔ e yo kaa bɔ nɛ e suɔ lɛ nitsɛ e he, nɛ yogbayo tsuaa yogbayo nɛ bu e huno.

1 Petro 3:6

Sara nitsɛ pee jã; e bu Abraham, nɛ e tsɛ lɛ e nyɔmtsɛ. Amlɔ nɛ ɔ, nyɛ peeɔ Sara bimɛ, ke nyɛ peeɔ kpakpa nɛ nyɛ yi nɔ́ ko nɔ́ ko gbeye ɔ.

Manyadali 19:26

Makɛ futɛfutɛ mi ɔ, yo ɔ ba nɛ e ba tsɔ fia si ngɛ nɔmoyo ɔ sinya a nya, ngɛ we mi he nɛ e huno ɔ ngɛ ɔ; nɛ e tlɔ lejɛ ɔ kɛ ya si je mi tsɔ.