Mose I, 18:11 - BAIBLO ALOO NGMAMI KLƆUKLƆU Ɔ

¹¹ Abraham kɛ Sara tsuo bwɔ kotokoto, nɛ Sara nine kumi se po.

Mose I, 18:11 ပူးပေါင်းရင်းမြစ်များ

Mose I, 17:17

Abraham kpla si nɛ e kɛ e hɛ mi bu si. Se e muɔ nɛ e bi e he ke, “Anɛ nyumu nɛ ye jeha lafa a ma nyɛ fɔ lo? Anɛ Sara hu nɛ e ye jeha nyingmi nɛɛ ɔ ma nyɛ fɔ lo?”

Hebribi 11:19

Abraham he ye kaa Mawu ngɛ he wami nɛ e kɛ ma tle Isak si kɛ je gbeje tete. Nɛ ke a ma de ngɛ blɔ ko nɔ ɔ, Mawu tle lɛ si kɛ je gbeje ha Abraham niinɛ.

Luka 1:36

Na nɛ o le kaa o weku no Elizabet, nɛ bwɔ ɔ hu hɛɛ hɔ. Sa a, a le lɛ kaa yosa; se amlɔ nɛ ɔ, e hɛɛ mi nyɔhiɔ ekpa.

Luka 1:18

Zakaria bi bɔfo ɔ ke, “Kɛ ma pee kɛ le enɛ ɔ kɛɛ? Hyɛ, nɔmoyo ji mi, nɛ ye yo hu bwɔ!”

Luka 1:7

Se a be bi; ejakaa Elizabet ɔ yosa ji lɛ, nɛ mɛ ni enyɔ ɔmɛ tsuo a bwɔ.

Mose III, 15:19

Ke yo ko ku nine ɔ, e he be tsɔe ligbi kpaago; nɛ nɔ tsuaa nɔ nɛ maa ta e he ɔ, e he be tsɔe kɛ yaa si du ma bu.

Mose I, 31:35

Rahel de e tsɛ ɔ ke, “Tsaatsɛ, o mi mi ko fu mi kaa i ti si ha we mo; i je mi.” Laban hla wɔ ɔmɛ kɛ kpa bo tsu ɔ mi, se e nɛ.

Mose I, 17:24

Abraham ye jeha nyingmi nɛɛ kɛ nɛɛ benɛ a po lɛ nitsɛ,

Mose I, 21:7

Mɛnɔ ma de Abraham, be ko nɛ be ɔ, ke Sara ma ba ha bi nyɔ? Se i fɔ binyumu ha lɛ ngɛ e bwɔmi be mi.”

Mose I, 24:1

Jehanɛ lɛɛ Abraham bwɔ kotokoto, nɛ Yawɛ gbaa lɛ, nɛ e nɔ́ tsuaa nɔ́ ya nɔ.

Mose I, 24:36

Ye nyɔmtsɛ ɔ yo Sara fɔ binyumu ha lɛ benɛ lɛ Sara a bwɔ, nɛ ye nyɔmtsɛ Abraham ngɔ nɔ́ tsuaa nɔ́ nɛ e ngɛ ɔ kɛ ha bi nɛ ɔ.

Yoshua 13:1

Jehanɛ, benɛ Yoshua ba bwɔ kotokoto ɔ, Yawɛ de lɛ ke, “O bwɔ lɛɛ, se zugba nɛ piɛ nɛ o maa ngɔ ɔ hiɛ babauu.