Mose I, 18:1 - BAIBLO ALOO NGMAMI KLƆUKLƆU Ɔ

¹ Yawɛ je e he kpo ngɔ tsɔɔ Abraham ngɛ Mamre tso ngua amɛ a he. Bɔ nɛ e ba ji nɛ ɔ nɛ: ligbi ko benɛ pu nya wa ngmangmaangma nɛ Abraham hii si ngɛ e bo tsu sinya a nya,

Mose I, 18:1 ပူးပေါင်းရင်းမြစ်များ

Mose I, 14:13

Se nyumu ko nɛ tu fo kɛ je ta a mi ba bɔ Abram, Hebri no ɔ amaniɛ ngɛ e sihi he ɔ, ngɛ Amor no ɔ nɛ a tsɛɛ lɛ Mamre ɔ e tso ngua amɛ a kasa nya. Mamre kɛ e nyɛminyumuhi Eshkol kɛ Aner ɔ, huɛ bɔmi ko ngɛ a kɛ Abram a kpɛti.

Mose I, 13:18

Lɔ ɔ he ɔ, Abram gbɛ e bo tsu ɔ, nɛ e ba hi tso ngua amɛ a kasa nya ngɛ Mamre, ngɛ Hebron. Nɛ e ma bɔ sami la tɛ ha Yawɛ, nɛ e ja lɛ ngɛ lejɛ ɔ.

Mose I, 48:3

Yakob de Yosef ke, “Mawu Ope ɔ je e he kpo ngɔ tsɔɔ mi ngɛ Luz, ngɛ Kanaan zugba a nɔ, nɛ e gbaa mi.

Mose I, 26:2

Yawɛ je e he kpo kɛ tsɔɔ Isak, nɛ e de lɛ ke, “Koo ya Egipt, hii si ngɛ zugba a nɛ ma tsɔɔ mo ɔ nɔ.

Ni Tsumi 7:2

Stefano he nɔ ke, “Tsaatsɛmɛ kɛ ye nyɛmimɛ, nyɛɛ bu tue. Benɛ wa nɛ̃ Abraham ngɛ Mesopotamia nɛ e na we nɛ e ba hi Haran lolo ɔ, Mawu nɛ hɛ mi ngɛ nyami ɔ je e he kpo tsɔɔ lɛ,

Kronika II, 1:7

Jamɛ a nyɔ ɔ mi ɔ, Mawu je e he kpo ngɔ tsɔɔ Salomo, nɛ e bi lɛ ke, “Mɛni o suɔ nɛ ma ha mo?”

Mose I, 17:22

Benɛ Mawu kɛ Abraham tu munyu ta a, Mawu je e he.

Mose I, 15:1

Enɛ ɔ se ɔ, Yawɛ kɛ Abram tu munyu ngɛ nina mi ke, “Abram, koo ye gbeye. Ma bu o he, nɛ ma gbaa mo babauu.”

Mose I, 12:7

Yawɛ je e he kpo kɛ tsɔɔ Abram nɛ e de lɛ ke, “Zugba a nɛ ma ngɔ kɛ ha o nina a ji nɛ ɔ nɛ.” Lɔ ɔ he ɔ, Abram ma bɔ sami la tɛ ngɛ lejɛ ɔ kɛ ha Yawɛ, nɔ nɛ ba je e he kpo kɛ tsɔɔ lɛ ɔ.

Mose II, 4:1

Mose de Mawu ke, “Se o na, a be mi hee maa ye, nɛ a be ye gbi hu tue bue; nɔ́ nɛ a ma de ji, ‘Yawɛ je we e he si ha mo.’ ”

Hebribi 11:9

Hemi kɛ yemi lɛ ha nɛ Abraham ya to nubwɔ ngɛ zugba nɛ Mawu wo lɛ si ke e ma ha lɛ ɔ nɔ be saii. E kɛ Isak, kɛ Yakob nɛ siwo ɔ kɔɔ a he ɔ hi bo tsuhi a mi.

Hebribi 13:2

Nyɛ ko jɔɔ nibwɔ peemi hulɔ, ejakaa nibwɔ peemi nɔ nɛ ni komɛ gu kɛ he hiɔwe bɔfohi atuu nɛ a li tete.

Mose I, 18:22

Kɛkɛ nɛ ni enyɔ ɔmɛ je lejɛ ɔ nɛ a pue nɔ kɛ yaa Sodom, nɛ Abraham lɛɛ e kɛ Yawɛ daa si ngɛ lejɛ ɔ kɛ mwɔɔ.

Mose I, 20:1

Abraham hia kɛ je Mamre kɛ ho Kanaan zugba a leneyi je ya nɛ e ya hi Kadesh kɛ Shur a kpɛti. Pee se ɔ, e klɛ kɛ ya hi Gerar a,

Mose I, 35:27

Yakob ba e tsɛ Isak ngɔ ngɛ Mamre, he nɛ Abraham kɛ Isak ba to nubwɔ ngɛ ɔ. Mamre biɛ kpa ji Kiriat Arba, aloo Hebron.

Yoshua 5:13

Benɛ Yoshua su Yeriko haa nɛ e wo e yi nɔ ɔ, e na nyumu ko nɛ hɛɛ klaate kɛ daa si ngɛ e hɛ mi. Yoshua ya e ngɔ nɛ e ya bi lɛ ke, “Wa nɔ ji mo, loo wa he nyɛlɔ ji mo?”