Mose I, 17:7 - BAIBLO ALOO NGMAMI KLƆUKLƆU Ɔ

⁷ “Si nɛ i wo mo nɛ ɔ maa pee neneene somi; ma ye nɔ ha mo kɛ yaa si yi nɔhi nɛ maa ba ngɛ o se ɔ a nɔ. Ma pee o Mawu kɛ o nina hu a Mawu.

Mose I, 17:7 ပူးပေါင်းရင်းမြစ်များ

Mose I, 26:24

Jamɛ a nyɔ ɔ mi ɔ, Yawɛ je e he kpo ngɔ tsɔɔ lɛ, nɛ e de lɛ ke, “Imi ji o tsɛ Abraham Mawu ɔ nɛ. Koo ye gbeye, ejakaa i kɛ mo ngɛ. Ma gbaa mo, nɛ ye tsɔlɔ Abraham he je ɔ, ma ha mo nina babauu.”

Ni Tsumi 2:39

Ejakaa si nɛ Mawu wo ɔ, nyɛɛ kɛ nyɛ bimɛ, kɛ nihi abɔ tsuo nɛ ngɛ se lokoo nɛ Nyɔmtsɛ, wa Mawu ɔ ma tsɛ kɛ ba e ngɔ ɔ nyɛ he ngɛ mi.”

Mose I, 15:18

Jamɛ a ligbi ɔ, Yawɛ kɛ Abram so, nɛ e de lɛ ke, “Ma ngɔ zugba nɛ ɔ tsuo kɛ ha o nina, kɛ maa je Egipt pa a nya kɛ yaa si Yufrate pa a nya.

Hebribi 8:10

Jehanɛ lɛɛ somi nɛ i kɛ Israel maa so hwɔɔ se ɔ ji nɛ ɔ nɛ. Ma ngɔ ye mlaa a kɛ wo a juɛmi mi, nɛ ma ngma ngɔ to a tsui nɔ. Ma pee a Mawu, nɛ mɛ hu a maa pee ye ma.

Hebribi 11:16

Mohu ɔ, ma ko nɛ hi kulaa pe lɔ ɔ, nɛ ji ma nɛ ngɛ hiɔwe ji nɔ́ nɛ a ngɛ hlae. Lɔ ɔ he ɔ, e pee we Mawu zo kaa a ma tsɛ lɛ ke a Mawu; ejakaa e dla ma ko ngɔ to mɛ.

Mose III, 26:12

I kɛ nyɛ maa hi si. Ma pee nyɛ Mawu, nɛ nyɛ hu nyɛ maa pee ye ma.

Mose I, 28:13

Kɛkɛ nɛ Yawɛ ba da si ngɛ e kasa nya, nɛ e de ke, “Imi ji Yawɛ, o nɛ̃ Abraham kɛ o tsɛ Isak a Mawu ɔ. Zugba a nɛ o hwɔɔ si ngɛ nɔ nɛ ɔ, ma ngɔ kɛ ha mo kɛ o nina.

Romabi 9:4

Mɛ ji Israel bi; nɛ Mawu nitsɛ nɛ ngɔ mɛ kɛ pee e ma; e wo a hɛ mi nyami, e kɛ mɛ so, nɛ e ha mɛ mlaa a; e tsɔɔ mɛ jami blɔ nya tomi, nɛ mɛ nɔuu nɛ e wo si ɔ nɛ.

Marko 10:14

Benɛ Yesu na a, e tsui fia, nɛ e de e kaseli ɔmɛ ke, “Nyɛ ha jokuɛwi ɔmɛ nɛ a ba ye ngɔ; nyɛ ko tsi mɛ blɔ, ejakaa nihi nɛ ngɛ kaa ni nɛ ɔmɛ a nɔ ji Mawu matsɛ yemi ɔ nɛ.

Mateo 22:32

‘Imi ji Abraham Mawu, kɛ Isak Mawu, kɛ Yakob Mawu.’ Mawu ɔ, hɛ kali a Mawu ji lɛ, pi ni gbogboehi a Mawu.”

Mika 7:20

Wɔ o ma, Abraham kɛ Yakob a nina a, o maa gbaa wɔ, nɛ o maa na wɔ mɔbɔ daa kaa bɔ nɛ o wo wa nɛmɛ ɔmɛ si blema lokoo ɔ.

Ezekiel 28:26

A maa hi si ngɛ tue mi jɔmi, kɛ he jɔmi mi. A maa ma tsuhi, nɛ a ma hu wai ngmɔhi. Nihi tsuo nɛ pue Israel hɛ mi si ɔ, ma gbla a tue, nɛ Israel ma na he jɔmi, kɛ tue mi jɔmi kulaa. Lɔ ɔ loko a ma na maa le kaa imi ji Yawɛ, a Mawu ɔ nɛ.”

Mose II, 6:4

Jehanɛ se hu, i kɛ mɛ so kaa Kanaan zugba a nɛ a ya to nubwɔ ngɛ nɔ ɔ, ma ngɔ kɛ ha mɛ.

Mose II, 3:15

Mawu de Mose ekohu ke, “Mo de Israel bi ɔmɛ ke, Yawɛ, nyɛ nɛmɛ Abraham, Isak, kɛ Yakob a Mawu ɔ, lɛ nɛ e tsɔ mi nyɛ ngɔ. Biɛ nɛ ɔ ji ye biɛ kɛ yaa neneene, nɛ yi nɔhi nɛ maa ba a, mɛ hu a ma tsɛ mi jã.

Mose II, 3:6

E ya nɔ nɛ e de lɛ ke, “Imi ji o nɛmɛ Abraham, Isak, kɛ Yakob a Mawu ɔ nɛ!” Mose ngɔ nɔ́ kɛ ha e hɛ mi, ejakaa e ngɛ gbeye yee kaa e maa na Mawu.

Efesobi 2:2

Jamɛ a be ɔ, nɔ́ nɛ je nɛ ɔ peeɔ ɔ, lɔ ɔ nyɛ hu nyɛ peeɔ. Nyɛ ya nyɛɛ nɔ nɛ yeɔ mumi yayami ɔmɛ a nɔ ngɛ kɔɔhiɔ mi ɔ se. Nihi nɛ gboɔ Mawu tue ɔ, mumi nɛ ɔ lɛ ngɛ ní tsue ngɛ a mi amlɔ nɛ ɔ.

La 81:10

Imi ji Yawɛ, nyɛ Mawu ɔ, nɔ nɛ je nyɛ kɛ je Egipt zugba a nɔ ɔ nɛ. Nyɛɛ pa nyɛ nya mi hatoo, nɛ ma lɛ nyɛ.

Mose I, 6:18

se moo lɛɛ i kɛ mo maa so. O kɛ o yo, kɛ o binyumu ɔmɛ, kɛ a yi ɔmɛ nɛ ba sɛ lɛ ɔ mi.

Mose I, 17:13

Á po nɔ tsuaa nɔ kɛ tsɔɔ kaa neneene somi ko ngɛ i kɛ nyɛ wa kpɛti.

Mose I, 17:19

Se Mawu he nɔ ke, “Dɛbi, o yo Sara ma fɔ binyumu ha mo, nɛ o maa wo lɛ biɛ ke Isak. Ma ye ye somi ɔ nɔ kɛ ha lɛ kɛ e nina kɛ maa ya neneene.

Mose II, 6:7

Ma ngɔ nyɛ kɛ pee imi nitsɛ ye ma, nɛ ma pee nyɛ Mawu; nɛ nyɛ maa le kaa imi ji Yawɛ Mawu, nɔ nɛ je Egipt bi ɔmɛ a tlomi ɔmɛ kɛ je nyɛ nɔ ɔ.

Mose III, 11:45

Imi ji Yawɛ. Imi nɛ I je nyɛ kɛ je Egipt zugba a nɔ, konɛ ma ba pee nyɛ Mawu. Lɔ ɔ he ɔ, nyɛɛ pee nyɛ he klɔuklɔu; ejakaa Nɔ Klɔuklɔu ji mi.

Mose III, 25:38

Mlaa nɛ Yawɛ, nyɛ Mawu ɔ ngɛ nyɛ woe ji nɛ ɔ nɛ. Yawɛ, nyɛ Mawu ɔ je nyɛ kɛ je Egipt zugba a nɔ, konɛ e ngɔ Kanaan zugba a ngɔ ha nyɛ, nɛ e pee nyɛ Mawu.

Mose III, 26:9

Ma gbaa nyɛ, nɛ ma ha nyɛ ma fɔ bimɛ babauu. Somi nɛ i kɛ nyɛ so ɔ, ma ye nɔ.

Mose III, 26:45

A he ɔ, ma kai somi nɛ i kɛ a nɛmɛ ɔmɛ so, benɛ i je ye he wami kpo kɛ tsɔɔ je ma amɛ, benɛ i je mɛ kɛ je Egipt zugba a nɔ, konɛ ma pee a Mawu ɔ. Imi ji Yawɛ.”

Mose V, 29:13

Nyɛ ngɛ enɛ ɔ pee konɛ Yawɛ kɛ nyɛ nɛ da si kaa lɛ nitsɛ e ma, nɛ e pee nyɛ Mawu, kaa bɔ nɛ e wo nyɛɛ kɛ nyɛ nɛmɛ Abraham, Isak, kɛ Yakob si ɔ.

Manyadali 2:1

Yawɛ bɔfo ɔ je Gilgal kɛ ba Bokim, nɛ e ba de Israel ma a ke, “I je nyɛ kɛ je Egipt, nɛ i kɛ nyɛ ba zugba nɛ i wo nyɛ nɛmɛ ɔmɛ si ke ma ha mɛ ɔ nɔ. I de ke, ‘Somi nɛ i kɛ nyɛ so ɔ, i be se jee gblegbleegble.

Yesaya 61:8

Yawɛ de Yerusalem bi ɔmɛ ke, “I suɔ kaa a ye dami sane; i sume ojo fiami, kɛ yi mi wami; ma pee ye ma a kpakpa bɔ nɛ sa mɛ, nɛ i kɛ mɛ maa so somi ko nɛ maa hi si kɛ maa ya neneene.

Yeremia 31:1

Yawɛ ke, “Be ma nɛ ma ba pee Israel wɛtso ɔmɛ tsuo a Mawu, nɛ mɛ hu a maa pee ye ma.

Mose I, 9:16

Ke alale ɔ ngmaa si ngɛ bɔku ɔmɛ a mi ɔ, ma na nɛ ma kai neneene somi ɔ nɛ ngɛ imi Mawu, kɛ níhi tsuo nɛ ngɛ je ɔ mi nɛ ngɛ hɛ ngmengmle ɔ wa kpɛti ɔ.

Mose III, 26:44

Se kɛ̃ ɔ, be mi nɛ a ngɛ a he nyɛli ɔmɛ a zugba nɔ kɛ mwɔɔ ɔ po, i be mɛ kuae, nɛ i be a hɛ mi kpatae pɛsɛpɛsɛ, bɔ nɛ pee nɛ somi nɛ i kɛ mɛ so ɔ se ko po. Imi ji Yawɛ, a Mawu ɔ nɛ.

Samuel II, 7:24

O to o ma Israel sisi, nɛ o ngɔ lɛ ngɔ pee mo nitsɛ o ma kɛ yaa neneene. Nɛ mo, Yawɛ o ba pee a Mawu.

Kronika I, 16:14

Yawɛ ji wa Mawu; e mlaa amɛ ngɛ kɛ ha je ɔ tsuo.