Mose I, 17:3 - BAIBLO ALOO NGMAMI KLƆUKLƆU Ɔ

³ Abram kpla si nɛ e kɛ e hɛ mi bu si; nɛ Mawu de lɛ ke,

Mose I, 17:3 ပူးပေါင်းရင်းမြစ်များ

Mose I, 17:17

Abraham kpla si nɛ e kɛ e hɛ mi bu si. Se e muɔ nɛ e bi e he ke, “Anɛ nyumu nɛ ye jeha lafa a ma nyɛ fɔ lo? Anɛ Sara hu nɛ e ye jeha nyingmi nɛɛ ɔ ma nyɛ fɔ lo?”

Mose I, 18:2

nɛ e wo e yi nɔ ɔ, e na nyumu ni etɛ komɛ nɛ ma e ngɔ. Benɛ e na mɛ ɔ, e tu fo kɛ je bo tsu sinya a nya nɛ e ya kpee mɛ. E kpla si nɛ e kɛ e hɛ mi bu si,

Matsɛmɛ I, 18:39

Benɛ ma a tsuo na nɔ́ nɛ ɔ, a ngɔ a hɛ mi ngɔ bu si, nɛ a de ke, “Yawɛ ji Mawu! Yawɛ ji Mawu!”

Mose II, 3:6

E ya nɔ nɛ e de lɛ ke, “Imi ji o nɛmɛ Abraham, Isak, kɛ Yakob a Mawu ɔ nɛ!” Mose ngɔ nɔ́ kɛ ha e hɛ mi, ejakaa e ngɛ gbeye yee kaa e maa na Mawu.

Ezekiel 1:28

Alale su slɔɔtohi nɛ je kpo ngɛ mi ɔ ngɛ fɛu kaa nɔ́ ko. Bɔ nɛ Yawɛ hɛ mi nyami ɔ kpɛmi nɛ a be nyɛe maa kale ɔ je e he kpo ji nɛ ɔ nɛ. Benɛ i na nɔ́ nɛ ɔ, i tsɔ fia si, nɛ i ngɔ ye hɛ mi ngɔ bu zugba. Kɛkɛ nɛ i nu gbi ko nɛ ngɛ mi dee ke,

Ezekiel 3:23

Kɛkɛ nɛ i pue nɔ kɛ ho kɔ̃ ɔ mi ya. Lejɛ ɔ lɛ i na Yawɛ hɛ mi nyami ɔ kaa bɔ nɛ i na lɛ ngɛ Kebar pa a nya a. I ngɔ ye hɛ mi ngɔ bu zugba.

Ezekiel 9:8

Benɛ a ngɛ ni ɔmɛ gbee ɔ, e ba piɛ imi nɔ kake too nɛ a gbi mi. I ngɔ ye hɛ mi ngɔ bu si, nɛ i kpa ngmlaa ke, “Ao, Nyɔmtsɛ Yawɛ, bɔ nɛ o ngɔ o mi mi la kɛ kple Yerusalem nɔ nɛ ɔ, anɛ o miɔ nɛ o kpata Israel bi nɛ piɛ ɔ tsuo a hɛ mi lo?”

Daniel 10:9

Kɛkɛ nɛ e tu munyu. Se benɛ i nu e gbi ɔ, i sɛ diblii mi, nɛ i kɛ ye hɛ mi bu si.

Mose IV, 14:5

Kɛkɛ nɛ Mose kɛ Aaron ngɔ a hɛ mi ngɔ bu si ngɛ Israel ma mluku ɔ tsuo a hɛ mi.

Mose IV, 16:22

Se Mose kɛ Aaron ngɔ a hɛ mi ngɔ bu si, nɛ a de ke, “Mawu lee, mo nɛ o ji adesahi tsuo a mumi. Anɛ ke nɔ kake pee yayami ɔ, o mi mi ma fu ma a tsuo lo?”

Mose IV, 16:45

“Nyɛɛ hɛ nyɛ kɛ je ma nɛ ɔ he kɛ ya se nɛ ma kpata a hɛ mi ngɛ hɛngmɛfia mi!” Se Mose kɛ Aaron kpla si nɛ a ngɔ a hɛ mi kɛ bu si,

Mateo 17:6

Benɛ kaseli ɔmɛ nu gbi ɔ, a ye gbeye wawɛɛ nitsɛ, nɛ a ngɔ a hɛ mi ngɔ bu si.

Yoshua 5:14

Nyumu ɔ he nɔ ke, “Dɛbi, mohu ɔ, i ba kaa Yawɛ tabo ɔ nyatsɛ.” Kɛkɛ nɛ Yoshua ngɔ e hɛ mi ngɔ bu zugba nɛ e ja lɛ, nɛ e de lɛ ke, “I kpa mo pɛɛ, o tsɔlɔ ji mi. Mɛni o ngɛ hlae nɛ ma pee ha mo?”

Kpojemi 1:17

Benɛ i na lɛ ɔ, i nɔ si ngɛ e nane nya kaa nɔ gbogboe. Se e ngɔ e hiɔ nine ngɔ fɔ ye nɔ, nɛ e de mi ke, “Koo ye gbeye! Imi ji kekleekle no kɛ nyagbe no.

Manyadali 13:20

Benɛ la lilɛ ɔ te si kɛ je bɔ sami la tɛ ɔ nɔ ɔ, Manoa kɛ e yo ɔ na Yawɛ bɔfo ɔ ngɛ la lilɛ ɔ mi nɛ e yaa hiɔwe. Kɛkɛ nɛ a ngɔ a hɛ mi ngɔ bu si, ejakaa kpaako Manoa yɔse kaa mamoo Yawɛ bɔfo lɛ je e he kpo kɛ tsɔɔ mɛ ɔ nɛ. Kɛ je lɔ ɔ se ɔ, Yawɛ bɔfo ɔ je we e he kpo kɛ tsɔɔ we Manoa kɛ e yo ɔ hu.