Mose I, 17:17 - BAIBLO ALOO NGMAMI KLƆUKLƆU Ɔ

¹⁷ Abraham kpla si nɛ e kɛ e hɛ mi bu si. Se e muɔ nɛ e bi e he ke, “Anɛ nyumu nɛ ye jeha lafa a ma nyɛ fɔ lo? Anɛ Sara hu nɛ e ye jeha nyingmi nɛɛ ɔ ma nyɛ fɔ lo?”

Mose I, 17:17 ပူးပေါင်းရင်းမြစ်များ

Kpojemi 11:16

Kɛkɛ nɛ nikɔtɔma nyingmi enyɔ kɛ eywiɛ ɔmɛ nɛ hii si ngɛ a matsɛ sɛ ɔmɛ a nɔ ngɛ Mawu hɛ mi ɔ ngɔ a hɛ mi ngɔ bu si; nɛ a ja Mawu,

Yohane 8:56

Nyɛ tsɛ Abraham hla nɛ e na ye bami be ɔ kɛ bua jɔmi. E na hulɔ, nɛ e nya.”

Mose I, 21:6

Sara de ke, “Mawu ha nɛ muɔ ba ye nya he jehanɛ. Nɔ tsuaa nɔ nɛ maa nu he ɔ, e kɛ mi maa muɔ.

Mose I, 18:12

Lɔ ɔ he ɔ, Sara muɔ nɛ e bi e he ke, “Be nɛ ɔ mi nɛ i bwɔ, nɛ ye huno hu bwɔ kikɛ nɛ ɔ, ma pa na ngɔɔmi ko ngɛ yo kɛ nyumu a buami mi lo?”

Mose I, 17:3

Abram kpla si nɛ e kɛ e hɛ mi bu si; nɛ Mawu de lɛ ke,

Ezekiel 1:28

Alale su slɔɔtohi nɛ je kpo ngɛ mi ɔ ngɛ fɛu kaa nɔ́ ko. Bɔ nɛ Yawɛ hɛ mi nyami ɔ kpɛmi nɛ a be nyɛe maa kale ɔ je e he kpo ji nɛ ɔ nɛ. Benɛ i na nɔ́ nɛ ɔ, i tsɔ fia si, nɛ i ngɔ ye hɛ mi ngɔ bu zugba. Kɛkɛ nɛ i nu gbi ko nɛ ngɛ mi dee ke,

Kpojemi 5:8

Benɛ To bi ɔ sɔle womi kpo ɔ, hɛ kali eywiɛ ɔmɛ, kɛ nikɔtɔma nyingmi enyɔ kɛ eywiɛ ɔmɛ ngɔ a hɛ mi ngɔ bu si ngɛ To bi ɔ hɛ mi. A ti nɔ tsuaa nɔ hɛɛ kpa saku, kɛ sika tsu sowe nɛ tsopa kɛ e he via hyi lɛ tɔ. Enɛ ɔmɛ ji ni klɔuklɔu ɔmɛ a sɔlemi.

Hiob 1:20

Kɛkɛ nɛ Hiob te da si, nɛ e kɛ aywilɛho hía tade ɔmɛ ngɛ e he, nɛ e sã e yi nɔ. E kpla si, nɛ e ngɔ e hɛ mi ngɔ bu si, nɛ e ja Mawu.

Daniel 8:17

Kɛkɛ nɛ Gabriel ba da si ngɛ ye kasa nya. Benɛ e ba a, ye tsui po, nɛ i kɛ ye hɛ mi bu si. Gabriel de mi ke, “Nɔmlɔ adesa, na nɛ o le kaa nina a kɔɔ je mi nyagbe he.”

Kronika I, 21:16

David na Yawɛ bɔfo ɔ nɛ daa si ngɛ hiɔwe kɛ zugba a kpɛti. E hɛɛ e klaate ɔ ngɛ e dɛ mi, nɛ e miɔ nɛ e ma kpata Yerusalem hɛ mi. Kɛkɛ nɛ David kɛ ma nimeli ɔmɛ tsuo kpla si, nɛ a ngɔ a hɛ mi ngɔ bu si. Mɛ tsuo a bu kpekpe.

Manyadali 13:20

Benɛ la lilɛ ɔ te si kɛ je bɔ sami la tɛ ɔ nɔ ɔ, Manoa kɛ e yo ɔ na Yawɛ bɔfo ɔ ngɛ la lilɛ ɔ mi nɛ e yaa hiɔwe. Kɛkɛ nɛ a ngɔ a hɛ mi ngɔ bu si, ejakaa kpaako Manoa yɔse kaa mamoo Yawɛ bɔfo lɛ je e he kpo kɛ tsɔɔ mɛ ɔ nɛ. Kɛ je lɔ ɔ se ɔ, Yawɛ bɔfo ɔ je we e he kpo kɛ tsɔɔ we Manoa kɛ e yo ɔ hu.

Yoshua 7:6

Kɛkɛ nɛ Yoshua kɛ Israel ma nimeli ɔmɛ kɛ aywilɛho hía a tade ɔmɛ ngɛ a he, nɛ a ya bu si ngɛ Yawɛ somi daka a hɛ mi kɛ a yi mi zu kɛ ye kɔmɔ kɛ ya si gbɔkuɛ.

Yoshua 5:14

Nyumu ɔ he nɔ ke, “Dɛbi, mohu ɔ, i ba kaa Yawɛ tabo ɔ nyatsɛ.” Kɛkɛ nɛ Yoshua ngɔ e hɛ mi ngɔ bu zugba nɛ e ja lɛ, nɛ e de lɛ ke, “I kpa mo pɛɛ, o tsɔlɔ ji mi. Mɛni o ngɛ hlae nɛ ma pee ha mo?”

Mose V, 9:25

“Lɔ ɔ he ɔ, i ya kpla si ngɛ Yawɛ hɛ mi nyɔnyɔɔnyɔ kɛ piapiaapia ligbi nyingmi eywiɛ sɔuu kɛ kpa pɛɛ ha nyɛ; ejakaa i le kaa Yawɛ to kaa e ma kpata nyɛ hɛ mi.

Mose V, 9:18

Jehanɛ, i ho ya kpla si ngɛ Yawɛ hɛ mi ekohu nyɔnyɔɔnyɔ kɛ piapiaapia ligbi nyingmi eywiɛ; nɛ́ i yi ní ɔ, i nui nyu hulɔ. I pee ja ngɛ yayami nɛ nyɛ pee kɛ si Yawɛ kɛ wo e mi mi la a he.

Mose IV, 16:45

“Nyɛɛ hɛ nyɛ kɛ je ma nɛ ɔ he kɛ ya se nɛ ma kpata a hɛ mi ngɛ hɛngmɛfia mi!” Se Mose kɛ Aaron kpla si nɛ a ngɔ a hɛ mi kɛ bu si,

Mose IV, 16:22

Se Mose kɛ Aaron ngɔ a hɛ mi ngɔ bu si, nɛ a de ke, “Mawu lee, mo nɛ o ji adesahi tsuo a mumi. Anɛ ke nɔ kake pee yayami ɔ, o mi mi ma fu ma a tsuo lo?”

Mose IV, 14:5

Kɛkɛ nɛ Mose kɛ Aaron ngɔ a hɛ mi ngɔ bu si ngɛ Israel ma mluku ɔ tsuo a hɛ mi.

Mose III, 9:24

Tlukaa a, Yawɛ ha nɛ la ba, nɛ e ba sã sami bɔ ɔ, kɛ zɔ ɔ nɛ ngɛ bɔ sami la tɛ ɔ nɔ ɔ. Benɛ ni ɔmɛ tsuo na nɔ́ nɛ ɔ, a he ose, nɛ a kɛ a hɛ mi bu si.

Mateo 2:11

A sɛ we ɔ mi, nɛ benɛ a na bimwɔyo ɔ, kɛ e nyɛ Maria a, a kpla si nɛ a ja bimwɔyo ɔ. A pɛne a kotoku ɔmɛ a nya, nɛ a ke lɛ ní: sika tsu, mimɛ, kɛ mire.

Luka 1:18

Zakaria bi bɔfo ɔ ke, “Kɛ ma pee kɛ le enɛ ɔ kɛɛ? Hyɛ, nɔmoyo ji mi, nɛ ye yo hu bwɔ!”

Mose I, 17:18

Abraham de Mawu ke, “I na nɛ o ha Ishmael ba pee nɔ nɛ yeɔ ye ní!”

Mose I, 18:11

Abraham kɛ Sara tsuo bwɔ kotokoto, nɛ Sara nine kumi se po.

Mose I, 21:5

Abraham ye jeha lafa benɛ a fɔ e bi Isak ɔ.

Mose I, 21:7

Mɛnɔ ma de Abraham, be ko nɛ be ɔ, ke Sara ma ba ha bi nyɔ? Se i fɔ binyumu ha lɛ ngɛ e bwɔmi be mi.”