Mose I, 17:16 - BAIBLO ALOO NGMAMI KLƆUKLƆU Ɔ

¹⁶ Ma gbaa lɛ, nɛ ma ha e ma fɔ binyumu ha mo. Ma gbaa lɛ nɛ e maa pee je mahi a nyɛ, nɛ e bimɛ ɔmɛ ekomɛ ma ba pee matsɛmɛ.”

Mose I, 17:16 ပူးပေါင်းရင်းမြစ်များ

Mose I, 35:11

Jehanɛ Mawu de lɛ ke, “Imi ji Mawu Ope ɔ nɛ; mo fɔ bimɛ babauu. Niinɛ, je mahi kɛ matsɛmɛ maa je o mi.

Yesaya 49:23

Matsɛmɛ ma plɛ pee tsɛmɛ kɛ ha mo, nɛ manyɛmɛ ma plɛ pee nyɛmɛ kɛ ha mo. A ma kpla si ha mo, nɛ a maa wo o hɛ mi nyami. A maa ba a he si ha mo, nɛ a maa bu mo. Kɛkɛ ɔ, o maa le kaa imi ji Yawɛ niinɛ. Nihi nɛ ngɔɔ a hɛ ngɔ fɔɔ ye nɔ ɔ, zo be mɛ gbee.”

Mose I, 17:6

Ma ha nɛ o nina maa hiɛ babauu, nɛ a ma ba pee je mahi, nɛ matsɛmɛ po maa je a mi.

1 Petro 3:6

Sara nitsɛ pee jã; e bu Abraham, nɛ e tsɛ lɛ e nyɔmtsɛ. Amlɔ nɛ ɔ, nyɛ peeɔ Sara bimɛ, ke nyɛ peeɔ kpakpa nɛ nyɛ yi nɔ́ ko nɔ́ ko gbeye ɔ.

Romabi 9:9

Mawu wo Abraham si ke, “Hiɛmɛ nɛ ɔ jeha a, ma kpale kɛ ba o ngɔ ekohu, nɛ o yo Sara ma fɔ binyumu.”

Mose I, 24:60

A gbaa Rebeka, nɛ a de lɛ ke, “Wa nyɛmiyo! Mo fɔ bimɛ akpeakpe babauu; nɛ o nina ba kpɔ a he nyɛli ɔmɛ a ma amɛ.”

Mose I, 12:2

Ma ha mo nina babauu, nɛ a maa pee je ma agbo. Ma gbaa mo, nɛ ma ha o ma he biɛ, nɛ a maa gu o nɔ kɛ gbaa nihi babauu.

Mose I, 1:28

Mawu gbaa mɛ nɛ e de mɛ ke, “Nyɛ fɔ babauu nɛ nyɛɛ hiɛ; nyɛɛ hyi zugba a nɔ tsuo, nɛ nyɛɛ ye zugba a tsuo nɔ. Nyɛɛ ye lo ɔmɛ, lohwe pɛlitsɛmɛ ɔmɛ, kɛ zugba a nɔ lohwe ɔmɛ tsuo a nɔ.”

Galatabi 4:23

Bi nɛ e kɛ yo nyɔguɛ ɔ fɔ ɔ, a fɔ lɛ kɛkɛ; se bi nɛ yo odehe ɔ fɔ ɔ, Mawu wo e he si.

Mose I, 17:15

Mawu de Abraham ekohu ke, “O yo ɔ, ko tsɛ lɛ Sarai hu; kɛ je mwɔnɛ ɔ kɛ yaa a, e biɛ ji Sara,

Mose I, 17:19

Se Mawu he nɔ ke, “Dɛbi, o yo Sara ma fɔ binyumu ha mo, nɛ o maa wo lɛ biɛ ke Isak. Ma ye ye somi ɔ nɔ kɛ ha lɛ kɛ e nina kɛ maa ya neneene.

Mose I, 21:1

Yawɛ gbaa Sara kaa bɔ nɛ e wo si ɔ.

Mose I, 25:23

Yawɛ de lɛ ke, “Bimɛ nɛ ngɛ o mi mi ɔ ma ba pee je ma enyɔ hwɔɔ se, nɛ́ a kɛ a he be yee. Kake he ma ba wa pe kake; nɛ nɔkɔtɔma a ma sɔmɔ jokuɛ ɔ.”

Mose I, 36:31

Loko a wo matsɛ ngɛ Israel ɔ, nyumuhi nɛ ye matsɛ ngɛ Edom zugba a nɔ kɛ nyɛɛ a sibi a se ji nɛ ɔmɛ: Beor bi Bela nɛ je Dinhaba Zera bi Yobab nɛ je Bozra Husham nɛ je Teman zugba a nɔ Bedad bi Hadad nɛ je Avit (Hadad ji nɔ nɛ ye Midian bi ɔmɛ a nɔ kunimi ngɛ ta mi, ngɛ Moab zugba a nɔ ɔ nɛ) Samla nɛ je Masreka Shaul nɛ je Rehobot, ngɛ pa a he Akbor bi Baal Hanan Hadad nɛ je Pau (E yo biɛ ji Mehetabel, Mezahab biyo Matred bi ɔ)

Mose I, 15:4

Yawɛ de Abram ekohu ke, “Kikɛmɛ a nyɔguɛ Eliezer nɛ ɔ be o ní yee; mo nitsɛ o bi tutuutu ji nɔ nɛ ma ba ye o gbosi ní ɔ.”