Mose I, 17:14 - BAIBLO ALOO NGMAMI KLƆUKLƆU Ɔ

¹⁴ Nyumu tsuaa nyumu nɛ a pui lɛ ɔ, a je lɛ we nɛ a ko bu lɛ ngɔ piɛ ye ma mi bi ɔmɛ a he hu, ejakaa e yi ye somi ɔ nɔ.”

Mose I, 17:14 ပူးပေါင်းရင်းမြစ်များ

Mose II, 12:19

Nɔ ko nɛ ko to masa ngɛ e we mi ligbi kpaago. Nɔ tsuaa nɔ nɛ maa ye masa nɔ́ ko ɔ, nubwɔ ji lɛ jio, we no ji lɛ jio, a je lɛ we.

1 Korintobi 11:29

Ejakaa nɔ nɛ yeɔ abolo ɔ, nɛ e nuɔ wai ngɛ kplu ɔ mi kɛkɛ, nɛ e susuu we Nyɔmtsɛ ɔ nɔmlɔ tso ɔ he, kɛ nɔ́ nɛ e ji ɔ, Mawu maa gbla e tue.

1 Korintobi 11:27

Lɔ ɔ he ɔ, nɔ tsuaa nɔ nɛ yeɔ Nyɔmtsɛ ɔ we abolo ɔ, nɛ́ e nuu wai nɛ ngɛ kplu ɔ mi bɔ nɛ sɛ ɔ, e peeɔ yayami kɛ siɔ Nyɔmtsɛ ɔ nɔmlɔ tso ɔ, kɛ e muɔ ɔ.

Yeremia 31:32

Somi nɛ ɔ maa je kpa ngɛ somi nɛ i kɛ a nɛmɛ ɔmɛ so ɔ he. Benɛ i kɛ a nɛmɛ ɔmɛ so ɔ, jamɛ a be ɔ nɛ i nu a kɔni si nɛ i kpaka mɛ kɛ je Egipt zugba a nɔ. I kɛ mɛ hi si kaa a huno, se somi nɛ i kɛ mɛ so ɔ lɛɛ a yi nɔ fɛɛ.

Yeremia 11:10

Yayamihi nɛ a nɛmɛ ɔmɛ pee ɔ, a kpale ya pee jamɛ a yayami ɔmɛ. A nɛmɛ ɔmɛ kplɛɛ we kaa a maa bu mi tue, nɛ a ya ja mawu kpahi. Israel ma a, kɛ Yuda ma a tsuo yi somi nɛ i kɛ a nɛmɛ ɔmɛ so ɔ nɔ.

Yesaya 33:8

Gbɛjegbɛ ɔmɛ a nɔ ba gbeye, nɛ nɔ ko nɔ ko nyɛɛ we a nɔ hu. A yi somihi a nɔ hu, ma kɛ ma jio, nɔ kɛ nɔ jio. Nɔmlɔ adesa pi nɔ́ ko kulaa ngɛ a hɛ mi.

Yesaya 24:5

Ni ɔmɛ ble zugba a; nɛ a kɛ nɔ́ nɛ ɔ peemi tɔ Mawu mlaa amɛ a nɔ. A tsake blɔ nya tomi ɔmɛ, nɛ somi nɛ ngɛ daa a hu a yi nɔ.

La 55:20

Ye he nɔ ya tua e huɛ; somi nɛ e kɛ mi so ɔ, e yi nɔ.

Mose III, 19:8

Nɔ tsuaa nɔ nɛ maa ye eko ɔ, a gbla e tue, ejakaa e ble Yawɛ nɔ́ klɔuklɔu ɔ. A ma je lɛ we, nɛ a be lɛ bue ngɔ si ye ma a mi bi ɔmɛ a nɔ hu.

Mose III, 18:29

Nɔ tsuaa nɔ nɛ maa pee níhi nɛ a hĩɔ nɛ ɔ eko ɔ, a je lɛ we, nɛ a ko bu lɛ ngɔ si ye ma a mi bi ɔmɛ a nɔ hu.”

Mose III, 7:27

Nɔ tsuaa nɔ nɛ maa ye muɔ ɔ, á je lɛ we; a ko bu lɛ ngɔ si Mawu ma a mi bi ɔmɛ a nɔ hu.

Mose III, 7:25

Ke a kɛ lohwe ko ba sã bɔ nɛ a kɛ la sãã ha Yawɛ ɔ, nɔ tsuaa nɔ nɛ maa ye e zɔ ɔ, á je lɛ we, nɛ á ko bu lɛ ngɔ si Mawu ma a mi bi ɔmɛ a nɔ hu.

Mose II, 30:38

Nɔ tsuaa nɔ nɛ maa pee nu nɛ ɔ eko nɛ e ma kpa a, a je lɛ we, nɛ a ko bu lɛ ngɔ si ye ma mi bi ɔmɛ a nɔ hu.”

Mose II, 30:33

Nɔ tsuaa nɔ nɛ maa pee nu ɔ eko nɛ ngɛ kaa lɔ ɔ, aloo nɔ tsuaa nɔ nɛ maa ngɔ nu nɛ ɔ eko kɛ pɔ nɔ ko nɛ pi osɔfo ji lɛ ɔ, á je lɛ we, nɛ a ko bu lɛ ngɔ si ye ma mi bi ɔmɛ a nɔ hu.’ ”

Mose II, 12:15

“Kɛ je kekleekle ligbi ɔ kɛ yaa si ligbi nɛ ji kpaago ɔ, nyɛɛ ye abolo kplolo. Nyɛ kpa masa peemi ngɛ we ɔmɛ a mi kɛ je kekleekle ligbi ɔ. Mo nɔ nɛ o maa ye masa nɔ́ ko ɔ, a ma je mo we kɛ je Israel.

Mose I, 17:15

Mawu de Abraham ekohu ke, “O yo ɔ, ko tsɛ lɛ Sarai hu; kɛ je mwɔnɛ ɔ kɛ yaa a, e biɛ ji Sara,

Mose I, 34:14

A de mɛ ke, “Wa be nyɛe maa pee ja kaa waa kɛ wa nyɛmiyo ma ha mɔmlɔtɔtsɛ; ke wa pee ja kɛkɛ wa pue wa hɛ mi si.

Mose III, 23:29

Nɔ nɛ be hwɔ hae ngɛ ligbi nɛ ɔ nɔ ɔ, a je lɛ we, nɛ a ko bu lɛ ngɔ si ye ma a mi bi ɔmɛ a nɔ hu.

Mose IV, 9:13

Se nɔmlɔ nɛ he tsɔ, nɛ e hiɛ blɔ hulɔ, nɛ e kua Hetsɔmi ɔ yemi ɔ, jamɛ a nɔ ɔ lɛɛ a je lɛ we kɛ je e ma mi bi ɔmɛ a kpɛti; ejakaa e kɛ Yawɛ nike ní ɔ bɛ be nɛ a to ɔ. Nɔmlɔ nɛ ɔ, lɛ nitsɛ e musu maa tloo lɛ.

Ezekiel 44:7

A ha nibwɔhi mɔmlɔtɔtsɛmɛ, nihi nɛ a he tsɔ we, nɛ a bui mi tue ba sɛ ye we ɔ mi, benɛ osɔfo ɔmɛ ngɔ zɔ kɛ muɔ kɛ ngɛ bɔhi sãe ha mi ɔ. Ye ma a yi ye somi ɔ nɔ, nɛ a ngɔ a ní hiemi ní nɛ ɔmɛ hu kɛ tɔ ye nɔ.