Mose I, 17:11 - BAIBLO ALOO NGMAMI KLƆUKLƆU Ɔ

^11-12 Kɛ je mwɔnɛ ɔ kɛ yaa a, binyumuyo tsuaa binyumuyo nɛ ye ligbi kpaanyɔ ɔ, a po lɛ: nyɔguɛhi nɛ a fɔ mɛ ngɛ nyɛ we ɔmɛ a mi jio, ni nɛmɛ nɛ a he mɛ ngɛ nibwɔhi a dɛ jio. Enɛ ɔ maa tsɔɔ kaa somi ko ngɛ i kɛ nyɛ wa kpɛti.

Mose I, 17:11 ပူးပေါင်းရင်းမြစ်များ

Romabi 4:11

Pomi nɛ a po lɛ ɔ ji okadi ko kɛkɛ nɛ maa nɔ mi kaa hemi kɛ yemi nɛ Abraham ngɛ he je ɔ, Mawu he lɛ momo kaa nɔ nɛ da, be mi nɛ a na we nɛ a po lɛ tete. Lɔ ɔ he ɔ, nihi tsuo nɛ heɔ Mawu yeɔ, nɛ pohu a pui mɛ, nɛ Mawu buu mɛ dali ɔ, Abraham peeɔ a tsɛ.

Ni Tsumi 7:8

Kɛkɛ nɛ Mawu kɛ lɛ so, nɛ e tsɔɔ lɛ nɔ pomi okadi ɔ. Lɔ ɔ he ɔ, benɛ a fɔ Isak ɔ, Abraham po lɛ ligbi nɛ ji kpaanyɔ ɔ. Isak fɔ Yakob, nɛ Yakob po e bimɛ nyɔngma kɛ enyɔ ɔmɛ nɛ ji wa blematsɛmɛ ɔmɛ.

Mose V, 10:16

Lɔ ɔ he ɔ, kɛ je mwɔnɛ ɔ kɛ yaa a, nyɛɛ bu Yawɛ tue, nɛ nyɛ ko wa tue hu.

Samuel II, 3:14

David tsɔ ke a ya de Saul bi Ishboshet hu ke, “Moo kpale ye yo Mikal ɔ ba ha mi; Filisti bi a mɔmlɔtɔ lafa kake nɛ i kɛ pee e he ní.”

Yoshua 5:3

Kɛkɛ nɛ Yoshua pee tɛ hahi, nɛ e kɛ po Israel bi ɔmɛ ngɛ Gibeat Haaralot nɛ sisi ji “Nɔ Pomi Yoku ɔ”.

Mose II, 12:48

Se ke nubwɔ ko nɛ ngɛ nyɛ kpɛti suɔ nɛ e ye Yawɛ Hetsɔmi ɔ, moo po nyumuhi tsuo nɛ ngɛ e we ɔ mi ɔ; kɛkɛ e pee kaa we no. Se mɔmlɔtɔtsɛ be he blɔ kaa e yeɔ.

Mose II, 4:25

Kɛkɛ nɛ Zipora ngɔ ha nɛ a kɛ tɛ pee, nɛ e kɛ po e binyumu ɔ, nɛ e ngɔ mɔmlɔtɔ ɔ kɛ sa Mose nanehi a he, nɛ e de ke, “Niinɛ, ye muɔ huno ji mo!” Nɛ Yawɛ ha Mose yi na wami. Blɔɔ nɔ pomi kusumi ɔ he nɛ Zipora de ke, “Ye muɔ huno ji mo” ɔ nɛ.

Mose I, 9:12

Somi nɛ i kɛ nyɛ, kɛ níhi tsuo nɛ a ngɛ hɛ ngmengmle ngɛ soe nɛ ɔ ji somi nɛ maa hi si kɛ maa ya neneene. E he okadi ji nɛ ɔ nɛ.