Mose I, 16:8 - BAIBLO ALOO NGMAMI KLƆUKLƆU Ɔ

⁸ nɛ e bi lɛ ke, “Hagar, Sarai mawayo, jije o je, nɛ jije o yaa?” E he nɔ ke, “I tu fo kɛ je ye nyɛ Sarai he.”

Mose I, 16:8 ပူးပေါင်းရင်းမြစ်များ

Mose I, 3:9

Yawɛ Mawu tsɛ nyumu ɔ nɛ e bi lɛ ke, “Jije o ngɛ?”

Mose I, 4:10

Jehanɛ, Yawɛ bi lɛ ke, “Mɛni ji nɔ́ nɛ o pee nɛ ɔ?” E ya nɔ nɛ e de Kain ke, “O senɔ ɔ muɔ ɔ nɛ ngɛ zugba a mi ɔ, e hia kaa ma ye e he lue.

Fiɛlɔ 10:4

Ke o nɔ yelɔ mi mi fu mo ɔ, koo je o ní tsumi he ɔ; he si bami gbeɔ sanehi nɛ he wa a nya la.

Samuel I, 26:19

Ye nyɔmtsɛ, moo bu nɔ́ nɛ o tsɔlɔ ma de mo nɛ ɔ tue. Ke Yawɛ lɛ pee loko o ngɛ ye se blɔ hlae ɔ, lɛɛ e ngmɛ mi blɔ nɛ ma sã bɔ kɛ kpata lɛ. Se ke nimli adesahi a ní tsumi ɔ, lɛɛ Yawɛ nɛ e gbiɛ mɛ; ejakaa mwɔnɛ ligbi nɛ ɔ, a fie mi kɛ je Yawɛ zugba a nɔ kɛ ho ma kpa nɔ ya nɛ ma ya ja mawu kpahi ngɛ lejɛ ɔ.

Mose I, 16:4

Abram kɛ Hagar na bɔmi, nɛ e ngɔ hɔ. Benɛ Hagar na kaa mi ba e he pɛ, e bɔni e he nɔ womi ngɛ Sarai nɔ, nɛ e bui lɛ hu.

Mose I, 16:1

Abram yo Sarai ɔ fɔ we ha lɛ. Se e ngɛ mawayo ko nɛ je Egipt. A tsɛɛ lɛ Hagar.

Mose I, 16:9

Yawɛ bɔfo ɔ de lɛ ke, “Kpale o se kɛ ya e ngɔ, nɛ o ya ba o he si ha lɛ.”

Matsɛmɛ I, 19:9

E ya sɛ tɛ puɔ ko mi, nɛ e hi lejɛ ɔ. Tlukaa a, Yawɛ kɛ lɛ tu munyu, nɛ e bi lɛ ke, “Eliya, mɛni o ngɛ pee ngɛ hiɛ ɔ?”

Matsɛmɛ I, 19:13

Benɛ Eliya nu gbi nɛ ɔ, e kɛ e tade klɔii ɔ ha e hɛ mi, nɛ e je kpo ya da si ngɛ tɛ puɔ ɔ nya. Kɛkɛ nɛ gbi ko bi lɛ ke, “Eliya, mɛni o ngɛ pee ngɛ hiɛ ɔ?”

Mose I, 21:17

Mawu nu nɛ jokuɛ nyumuyo ɔ ngɛ ya foe, nɛ Mawu bɔfo ɔ kɛ Hagar tu munyu kɛ je hiɔwe, nɛ e de ke, “Hagar, mɛni sane? Koo ye gbeye. Mawu nu nɛ jokuɛyo ɔ ngɛ ya foe ngɛ he nɛ e hwɔɔ si ngɛ ɔ.

Manyadali 19:17

Benɛ nɔmoyo ɔ na blɔ hialɔ ɔ ngɛ magbɛ ɔ nɔ ɔ, e bi lɛ ke, “Jije o je? Nɛ jije o yaa?”

Matsɛmɛ II, 5:25

Benɛ Gehazi kpale kɛ ba we ɔ mi ɔ, e nyɔmtsɛ ɔ bi lɛ ke, “Jije o je?” Nɛ e he nɔ ke, “Ye nyɔmtsɛ, i kpa mo pɛɛ, i yɛ he ko he ko.”