Mose I, 16:5 - BAIBLO ALOO NGMAMI KLƆUKLƆU Ɔ

⁵ Kɛkɛ nɛ Sarai de Abram ke, “Mo lɛ o pee loko Hagar ngɛ e he nɔ woe ngɛ ye nɔ, nɛ e pa bui mi hu ɔ nɛ. Imi nitsɛ lɛ i ngɔ lɛ kɛ ha mo. Se kɛ je benɛ e na kaa mi ba e he ɔ, e bɔni e he nɔ womi ngɛ ye nɔ, nɛ e bui mi hu. Yawɛ nɛ kojo wɔ, nɛ e tsɔɔ nɔ nɛ nɔ́ da, mo jio, imi jio!”

Mose I, 16:5 ပူးပေါင်းရင်းမြစ်များ

Mose I, 31:53

Abraham kɛ Nahor a Mawu ɔ nɛ ji a tsɛ ɔ Mawu ɔ maa kojo imi kɛ mo wa kpɛti.” Kɛkɛ nɛ Yakob ngɔ Mawu nɛ e tsɛ Isak jaa lɛ ɔ biɛ kɛ ka kita kaa e maa ye si womi nɛ ɔ nɔ.

Mose II, 5:21

Nɛ a de mɛ ke, “Yawɛ maa wo nyɛ hiɔ; ejakaa nyɛ ha wa he je fu wo Farao ɔ kɛ e tsɔli ɔmɛ, nɛ nyɛ ngɔ klaate ngɔ wo a dɛ mi nɛ a kɛ gbe wɔ.”

La 35:23

Ye Mawu kɛ ye Nyɔmtsɛ, tee si nɛ o fa ye he! Tee si nɛ o ye ye sane ɔ ha mi koo!

La 7:8

Yawɛ, mo ji je ɔ tsuo kojolɔ. Moo ye ye sane ha mi; o le kaa i pee we nɔ́ ko nɛ dɛ.

Kronika II, 24:22

Matsɛ Yoash hɛ je si himi kpakpa nɛ Zakaria tsɛ Yehoyada kɛ lɛ hi ɔ nɔ, nɛ e gbe e binyumu Zakaria. Benɛ Zakaria miɔ nɛ e ma gbo ɔ, e de ke “Yawɛ nɛ hyɛ nɔ́ nɛ nyɛ ngɛ pee ɔ nɛ e gbla nyɛ tue!”

La 43:1

Mawu lee! Hyɛ ye sane ɔ mi ha mi, nɛ o wo mi nguɔ. Jé mi kɛ je ma nɛ li mo ɔ a dɛ mi. Kpɔ mi kɛ je lakpatsɛmɛ, kɛ yayami peeli a dɛ mi oo!

Mose I, 16:4

Abram kɛ Hagar na bɔmi, nɛ e ngɔ hɔ. Benɛ Hagar na kaa mi ba e he pɛ, e bɔni e he nɔ womi ngɛ Sarai nɔ, nɛ e bui lɛ hu.

Manyadali 11:27

Lɔ ɔ he ɔ, imi lɛɛ i pee we mo yayami ko; mo mohu lɛ o tɔ ye nɔ kaa o kɛ ta ba tua mi. Yawɛ ji kojolɔ; lɛ nɛ e maa kojo Israel ma a, kɛ Amon ma a kpɛti mwɔnɛ ɔ.”

Yeremia 51:35

Nyɛ ha nɛ Zion bi ɔmɛ nɛ a de ke, “Yi mi nɛ Babilonia bi ɔmɛ wa wɔ ɔ, a gbla a tue kɛ to nya!” Nyɛ ha nɛ Yerusalem bi ɔmɛ nɛ a de ke, “Haomi nɛ ba wa nɔ ɔ, a gbla Babilonia bi ɔmɛ a tue kɛ to nya!”

Samuel I, 24:16

Benɛ David tu munyu ta a, Saul bi lɛ ke, “Ye bi David, mo ji nɛ ɔ?” Kɛkɛ nɛ Saul wo ya,