Mose I, 16:3 - BAIBLO ALOO NGMAMI KLƆUKLƆU Ɔ

³ Lɔ ɔ he ɔ, Sarai ngɔ e mawayo Hagar, Egipt no ɔ ngɔ ha e huno Abram kaa e yo. Jamɛ a be ɔ mi ɔ, Abram na jeha nyɔngma momo ngɛ Kanaan zugba a nɔ.

Mose I, 16:3 ပူးပေါင်းရင်းမြစ်များ

Mose I, 16:5

Kɛkɛ nɛ Sarai de Abram ke, “Mo lɛ o pee loko Hagar ngɛ e he nɔ woe ngɛ ye nɔ, nɛ e pa bui mi hu ɔ nɛ. Imi nitsɛ lɛ i ngɔ lɛ kɛ ha mo. Se kɛ je benɛ e na kaa mi ba e he ɔ, e bɔni e he nɔ womi ngɛ ye nɔ, nɛ e bui mi hu. Yawɛ nɛ kojo wɔ, nɛ e tsɔɔ nɔ nɛ nɔ́ da, mo jio, imi jio!”

Galatabi 4:25

Hagar ngɛ kaa Sinai yo ɔ nɛ ngɛ Arabia a. Lɔ ɔ ji Yerusalem ma nɛ ngɛ amlɔ nɛ ɔ, ejakaa e kɛ e mi bi ɔmɛ tsuo ngɛ nyɔguɛ yemi mi kɛ mwɔɔ.

Matsɛmɛ I, 11:3

Salomo ngɔ matsɛmɛ a biyihi lafa kpaago, nɛ e su plãhi hu lafa etɛ. E yi ɔmɛ ha e yi mi plɛ kɛ je Mawu he,

Samuel II, 5:13

Benɛ David hia kɛ je Hebron kɛ ba Yerusalem ɔ, e ba ngɔ yihi babauu, nɛ e su plahi fuu; nɛ a fɔ binyumuhi kɛ biyihi ha David kɛ piɛ kekle ni ɔmɛ a he.

Mose I, 35:22

Benɛ Yakob ngɛ jamɛ a zugba a nɔ ɔ, Ruben kɛ Bilha, e tsɛ pla amɛ a ti nɔ kake ɔ ya na bɔmi; nɛ Yakob nu he. Yakob ngɛ binyumuhi nyɔngma kɛ enyɔ.

Mose I, 32:22

Jamɛ a nyɔ ɔ mi nɔuu ɔ, Yakob te si, nɛ e kɛ e yihi enyɔ ɔmɛ, kɛ e mawayi enyɔ ɔmɛ, kɛ a bimɛ nyɔngma kɛ kake ɔmɛ po Yabok pa a.

Mose I, 30:9

Benɛ Lea na kaa e fɔmi se po ɔ, e kɛ e mawayo Zilpa ha Yakob kaa e yo,

Mose I, 30:4

Rahel kɛ e mawayo Bilha ha Yakob, nɛ Yakob kɛ lɛ na bɔmi.

Mose I, 28:9

Lɔ ɔ he ɔ, e pue nɔ kɛ ho Abraham binyumu Ishmael ngɔ ya, nɛ e ya ngɔ Ishmael biyo Mahalat, Nebayot nyɛmiyo ɔ kɛ piɛ e yi ɔmɛ a he.

Mose I, 25:6

se benɛ e na we nɛ e gbo lolo ɔ, binyumuhi nɛ e kɛ e yi kpa amɛ fɔ ɔ hu, e ha mɛ nike níhi. Lɔ ɔ se ɔ, e wo bimɛ nɛ ɔmɛ blɔ kɛ ho beleku je zugba a nɔ ya, kɛ je e bi Isak he.

Mose I, 16:4

Abram kɛ Hagar na bɔmi, nɛ e ngɔ hɔ. Benɛ Hagar na kaa mi ba e he pɛ, e bɔni e he nɔ womi ngɛ Sarai nɔ, nɛ e bui lɛ hu.

Mose I, 16:16

Jamɛ a be ɔ mi ɔ, Abram ye jeha nyingmi kpaanyɔ kɛ ekpa.