Mose I, 16:2 - BAIBLO ALOO NGMAMI KLƆUKLƆU Ɔ

² Sarai de Abram ke, “Yawɛ tsi ye fɔmi nya. Ngɔɔ ye mawayo nɛ ɔ nɛ o kɛ lɛ nɛ hwɔ; alini e ma fɔ bimɛ ha mi.” Abram kplɛɛ nɔ́ nɛ e de lɛ ɔ nɔ.

Mose I, 16:2 ပူးပေါင်းရင်းမြစ်များ

Mose II, 21:4

Ke e nyɔmtsɛ ɔ ha lɛ yo, nɛ e fɔ binyumuhi, loo biyihi ha lɛ ɔ, yo ɔ kɛ e bimɛ ɔmɛ maa pee e nyɔmtsɛ ɔ níhi; nɛ lɛ nɔ kake too e maa ho.

Mose I, 18:10

Yawɛ de lɛ ke, “Hiɛmɛ nɛ ɔ jeha a, ma kpale kɛ ba o ngɔ ekohu; nɛ o yo Sara ma fɔ binyumu.” Jamɛ a be ɔ mi ɔ, Sara daa si ngɛ bo tsu ɔ sinya a nya ngɛ e huno ɔ se, ngɛ tue bue.

Mose I, 3:17

Nyumu ɔ lɛɛ Yawɛ Mawu de lɛ ke, “O ya bu o yo ɔ tue nɛ o ye tso ɔ yiblii ɔ nɛ i de nyɛ ke nyɛ ko ye ɔ. Nɔ́ nɛ o pee nɛ ɔ he je ɔ, i gbiɛ zugba zu ɔ; nga kɛ mio maa puɛ ngɛ nɔ, nɛ nga nɔ tsohi ji nɔ́ nɛ o maa ye. O ma tsu ní kpakpataa nɛ o maa nyla o hɛ mi latsa loko zugba a maa ba ní bɔ nɛ sa ha mo nɛ o ye. O maa pee enɛ ɔ daa kɛ yaa si a maa pu mo ngɛ zu ɔ nɛ i tĩ kɛ puɛ mo ɔ mi. Zu ji mo, nɛ o maa kpale kɛ ya zu mi ekohu.”

La 127:3

Bimɛ ji weto ní nɛ Yawɛ haa nɔ; bimɛ ji nike ní nɛ e kɛ dlooɔ nɔ.

Rut Womi 4:11

Ma a mi bi ɔmɛ nɛ ngɛ lejɛ ɔ, kɛ ma nimeli ɔmɛ de ke, “Wa kplɛɛ nɔ, Yawɛ nɛ ha yo nɛ ɔ ba pee kaa Rahel kɛ Lea nɛ a fɔ bimɛ fuu kɛ ha Yakob ɔ. Yawɛ nɛ pee mo niatsɛ ngɛ Efrat, nɛ o biɛ nɛ pɛ ngɛ Betlehem.

Mose I, 30:22

Mawu kai Rahel hulɔ; Mawu bu e kue fami ɔ tue, nɛ e bli e muklii mi nya.

Mose I, 25:21

Jinɛ Isak yo Rebeka a, yosa ji lɛ, se Isak kpa Yawɛ pɛɛ ha lɛ. Yawɛ bu e kue fami ɔ tue, nɛ Rebeka ba na mi.

Mose I, 17:16

Ma gbaa lɛ, nɛ ma ha e ma fɔ binyumu ha mo. Ma gbaa lɛ nɛ e maa pee je mahi a nyɛ, nɛ e bimɛ ɔmɛ ekomɛ ma ba pee matsɛmɛ.”

Mose I, 3:12

Nyumu ɔ he nɔ ke, “Yo ɔ nɛ o ngɔ ba piɛ ye he ɔ, lɛ nɛ ha mi tso ɔ yiblii ɔ eko nɛ i ye.”

Mose I, 30:6

Rahel wo lɛ biɛ ke Dan, nɛ e de ke, “Mawu wo mi nguɔ. E nu ye kue fami ɔ, nɛ e ha mi binyumu.”

Mose I, 19:31

Kɛkɛ nɛ e bi Dede ɔ de e senɔ ɔ ke, “Wa tsɛ bwɔ, nɛ nyumuhi be zugba nɛ ɔ nɔ nɛ maa ngɔ wɔ konɛ wa fɔ bimɛ.

Mose I, 11:30

Se Sarai lɛɛ yosa ji lɛ; e fɔ we.