Mose I, 16:13 - BAIBLO ALOO NGMAMI KLƆUKLƆU Ɔ

¹³ Hagar bi e he ke, “Anɛ i na Mawu niinɛ, nɛ ye hɛ ngɛ kɛ mwɔɔ lo?” Lɔ ɔ he ɔ, e tsɛ Yawɛ nɛ kɛ lɛ ba tu munyu ɔ ke, “Mawu nɛ hyɛɛ nɔ.”

Mose I, 16:13 ပူးပေါင်းရင်းမြစ်များ

Mose I, 32:30

Yakob wo lejɛ ɔ biɛ ke Peniel, nɛ e de ke, “I wo kikɛmɛ a biɛ nɛ ɔ, ejakaa i na Mawu hɛ mi kɛ hɛ mi, se i gbo we.”

Abɛ Womi 5:21

Nɔ́ tsuaa nɔ́ nɛ o ngɛ pee ɔ fɔɔ si paa ngɛ Yawɛ hɛ mi. He tsuaa he nɛ o gu ɔ, e ngɛ mo hyɛe.

Abɛ Womi 15:3

Yawɛ hɛngmɛ ngɛ he tsuaa he; e naa kpakpa peeli, kɛ yayami peeli tsuo.

Mose I, 31:42

Ke pi nɛnɛ Abraham, kɛ tsaatsɛ Isak a Mawu ɔ nɛ e kɛ mi ngɛ ɔ, jinɛ o wo mi blɔ dɛ gu kɛ je momo. Se Mawu na ye nɔ́ nami ɔ, kɛ ní tsumi kpakpataa nɛ i tsu ɔ; enɛ ɔ he je nɛ e ka o hɛ mi hiɛ nyɔ mi ɔ nɛ.”

Mose I, 16:7

Yawɛ bɔfo ɔ kɛ Hagar kpe ngɛ pa ko nya, ngɛ Shur blɔ ɔ nɔ,

Mose I, 22:14

Abraham wo lejɛ ɔ biɛ ke, “Yawɛ ha.” Lɔ ɔ he ɔ, kɛ ba si mwɔnɛ ligbi nɛ ɔ, nihi deɔ ke, “Yawɛ haa nɔ nɔ́ ngɛ e yo ɔ nɔ.”

Mose I, 28:17

E tsui po, nɛ e de ke, “Hiɛmɛ nɛ ɔ ngɛ gbeye! Mawu we ji hiɛ ɔ nɛ, tsa pi he kpa ko; hiɔwe agbo ɔ ji nɛ ɔ nɛ.”

Manyadali 6:24

Gideon pee bɔ sami la tɛ ngɛ lejɛ ɔ kɛ ha Yawɛ, nɛ e wo lɛ biɛ ke, “Yawɛ ji he jɔmi.” Bɔ sami la tɛ nɛ ɔ maa si ngɛ Abiezer bi ɔmɛ a ma a mi ngɛ Ofra kɛ ba si mwɔnɛ ɔ.

Mose II, 24:11

Israel ma nimeli nɛ ɔmɛ na Mawu, se mohu Mawu kpataa we a hɛ mi. Nɛ a bla kɛ ye ní nɛ a nu ní.

Mose I, 32:31

Benɛ Yakob je Peniel ɔ, pu gba; nɛ e gbongu ɔ nɛ huã he je ɔ, e nyɛ we nɛ e nyɛɛ tutuutu.