Mose I, 16:11 - BAIBLO ALOO NGMAMI KLƆUKLƆU Ɔ

¹¹ Hyɛ, mi ngɛ o he; o ma fɔ binyumu, nɛ o maa wo lɛ biɛ ke Ishmael, ejakaa Yawɛ nu o we amanehlu kue fami ɔ.

Mose I, 16:11 ပူးပေါင်းရင်းမြစ်များ

Mose II, 3:7

Kɛkɛ nɛ Yawɛ de ke, “Amanehlu nɛ ye ma a ngɛ nae ngɛ Egipt ɔ, i na; nɛ ya nɛ a ngɛ foe kɛ ngɛ balɔ tsɛe ɔ hu i nu. Niinɛ, i le a nɔ́ nami ɔ tsuo.

Yesaya 7:14

Yoo, i nu. Nyɔmtsɛ ɔ nitsɛ ma ha nyɛ okadi ko; yiheyo ko maa ngɔ hɔ, nɛ e ma fɔ binyumu, nɛ e maa wo lɛ biɛ ke, ‘Yimanuel’.

Samuel I, 1:20

Hana ngɔ hɔ, nɛ e fɔ binyumu, nɛ e wo lɛ biɛ ke Samuel; nɛ e de ke, “I wo lɛ kikɛmɛ a biɛ nɛ ɔ, ejakaa i bi Yawɛ nɛ e kɛ lɛ ha mi.”

Mose I, 17:19

Se Mawu he nɔ ke, “Dɛbi, o yo Sara ma fɔ binyumu ha mo, nɛ o maa wo lɛ biɛ ke Isak. Ma ye ye somi ɔ nɔ kɛ ha lɛ kɛ e nina kɛ maa ya neneene.

Luka 1:63

Zakaria bi ke a ha lɛ tso sleeti, nɛ e ngma ngɛ nɔ ke, “E biɛ ji Yohane.” Enɛ ɔ pee ni ɔmɛ tsuo nyakpɛ.

Hiob 38:41

Mɛnɔ lɛ haa kuakualabite niye ní? Ke hwɔ ngɛ kuakualabite bimɛ yee, nɛ a ngɛ niye ní hlae kɛ bee, nɛ a kpa ngmlaa tsɛ mi ɔ, mɛnɔ lɛ haa mɛ niye ní?

Mose II, 3:9

Niinɛ, i nu Israel bi ɔmɛ a ya fomi ɔ, nɛ i na bɔ nɛ Egipt bi ɔmɛ ngɛ mɛ yi mi wae ha.

Luka 1:31

Hyɛ, o ma na mi, nɛ o ma fɔ binyumu, nɛ o maa wo lɛ biɛ ke Yesu.

Luka 1:13

Se bɔfo ɔ de lɛ ke, “Zakaria, koo ye gbeye! Mawu nu o kue fami ɔ. O yo Elizabet ma fɔ binyumu ha mo, nɛ o maa wo lɛ biɛ ke Yohane.

La 22:24

Ejakaa, e kua we nɔ́ nali; e hɛ ji a nɔ hulɔ. Ke a fa kue ha lɛ ɔ, e nuɔ; e laa we mɛ.

Mose I, 37:25

Benɛ a hii si nɛ a ngɛ ní yee ɔ, a na Ishmael bi blɔ hiali komɛ ngɛ afukpɔngɔhi a nɔ nɛ a ma. A je Gilead, nɛ a hɛɛ tsopahi kɛ a he via kɛ yaa Egipt.

Mose I, 21:17

Mawu nu nɛ jokuɛ nyumuyo ɔ ngɛ ya foe, nɛ Mawu bɔfo ɔ kɛ Hagar tu munyu kɛ je hiɔwe, nɛ e de ke, “Hagar, mɛni sane? Koo ye gbeye. Mawu nu nɛ jokuɛyo ɔ ngɛ ya foe ngɛ he nɛ e hwɔɔ si ngɛ ɔ.