Mose I, 15:9 - BAIBLO ALOO NGMAMI KLƆUKLƆU Ɔ

⁹ Yawɛ he nɔ ke, “Ngɔɔ lohwe nɛ ɔmɛ kɛ ba ha mi: na yo nɛ ye jeha etɛ, apletsi yo nɛ ye jeha etɛ, agbosu nɛ ye jeha etɛ, beleku lahuɛ, kɛ okpo zaa.”

Mose I, 15:9 ပူးပေါင်းရင်းမြစ်များ

Luka 2:24

Lɔ ɔ se ɔ, a ya sã bɔ kaa bɔ nɛ a ngma ngɛ Nyɔmtsɛ ɔ mlaa a mi ke, “A ngɔ lahuɛ enyɔ, loo beleku lahuɛ tsɔwi enyɔ kɛ sã bɔ” ɔ.

Mose III, 14:30

Jehanɛ e ngɔ lahuɛ ɔ kake, loo beleku lahuɛ ɔ kake

Mose III, 14:22

kɛ lahuɛ enyɔ, aloo beleku lahuɛ enyɔ. Kake maa pee yayami pami bɔ, nɛ kake hu maa pee sami bɔ.

Mose III, 9:2

nɛ e de Aaron ke, “Ngɔɔ na niheyo, kɛ agbosu nɛ kpa ko be a he kɛ ba sã bɔ ha Yawɛ. Ngɔɔ na niheyo ɔ kɛ sa yayami pami bɔ, nɛ o ngɔ agbosu ɔ kɛ sã sami bɔ.

Mose III, 3:6

Ke nɔ ko ngɔ jijɔ, loo apletsi kɛ ma tue mi jɔmi bɔ sami ha Yawɛ ɔ, eku jio, eyo jio, e pee lohwe nɛ kpa ko be e he.

Mose III, 3:1

Ke nɔ ko ngɔ na kɛ ma tue mi jɔmi bɔ sami ha Yawɛ ɔ, eku jio, eyo jio, e pee na nɛ kpa ko be e he.

Mose III, 1:14

Ke lohwe pɛlitsɛ nɔ ɔ kɛ ma sami bɔ sami ha Yawɛ ɔ, e pee lahuɛ, loo beleku lahuɛ.

Yesaya 15:5

Ye tsui ngɛ yee ngɛ Moab he! Ma mi bi ɔmɛ tu fo kɛ ho Zoar, kɛ Eglat Shelishiya ma amɛ a mi ya. Ni komɛ kuɔ yoku ɔ kɛ ho Luhit ya, nɛ ni komɛ hu tu fo kɛ ho Horonaim ya kɛ ya boboobo, kɛ kɔmɔ yemi babauu.

La 50:5

Bɔ nɛ e ngɛ dee ji nɛ ɔ nɛ: “Ye ni klɔuklɔuhi nɛ i kɛ mɛ so kɛ gu bɔ sami mi ɔ, nyɛ bua a nya kɛ ba ha mi.”

Mose III, 12:8

Ke yo ɔ be nyɛe nɛ e kɛ jijɔ bi ma ba sã bɔ ɔ, lɛɛ e ngɔ lahuɛ enyɔ, loo beleku lahuɛ enyɔ kɛ ba. E ngɔ kake kɛ ba sã sami bɔ, nɛ e ngɔ kake hu kɛ ba sã yayami pami bɔ. Osɔfo ɔ nɛ pee kusumi kɛ tsukɔ yo ɔ he; kɛkɛ ɔ, e he ma tsɔ.

Mose III, 9:4

Á ngɔ na ku, kɛ agbosu kɛ ba sã tue mi jɔmi bɔ ha Yawɛ kɛ piɛ niye ní bɔ nɛ a futu mi nu ɔ he. Á pee nɔ́ nɛ ɔ, ejakaa Yawɛ ma je e he kpo kɛ tsɔɔ mɛ mwɔnɛ ɔ.”

Mose III, 1:10

Se ke to nɛ nɔ ɔ kɛ ma sami bɔ sami ɔ, é pee agbosu, aloo akpakpo nɛ kpa ko be e he.

Mose III, 1:3

Ke na nɔ ɔ kɛ ma sami bɔ sami ɔ, é ngɔ na ku nɛ kpa ko be e he kɛ ba. E kɛ na a nɛ ba kpe he bo tsu ɔ sinya a nya, konɛ e sa Yawɛ hɛ mi nɛ e ngɔ.

Mose I, 22:13

Benɛ Abraham po e hɛ nɛ e hyɛ ɔ, agbosu ko ji nɛ ɔ ngɛ e se, nɛ e koli lata tso komɛ ngɛ pu ɔ mi. Kɛkɛ nɛ e ya nu agbosu ɔ, nɛ e kɛ sã sami bɔ ngɛ e bi ɔ nane mi.

Mose I, 15:8

Abram bi lɛ ke, “Oo Yawɛ Mawu, kɛ ma pee kɛɛ nɛ ma le kaa zugba nɛ ɔ ma ba pee ye nɔ́?”

Mose I, 15:10

Abram ngɔ lohwe ɔmɛ kɛ ba ha Mawu. E poo a mi fiee enyɔɔnyɔ; e to fa kake ngɛ zã kake mi ngɛ hiɛ, nɛ e to fa kaketsɛ ɔ hu ngɛ zã kake mi ngɛ a sibi a hanɔ. Se lohwe pɛlitsɛmɛ ɔmɛ lɛɛ e poo we a mi.

Mose III, 12:6

Ke yo ɔ gbe e he tsukɔmi ɔ nya ngɛ binyumu, loo biyo fɔmi se ɔ, e ngɔ jijɔ nɛ ye jeha kake, kɛ lahuɛ, loo beleku lahuɛ kake kɛ ba ha osɔfo ɔ ngɛ kpe he bo tsu ɔ sinya a nya. Osɔfo ɔ nɛ ngɔ jijɔ ɔ kɛ sã sami bɔ. Lahuɛ, loo beleku lahuɛ ɔ lɛɛ e kɛ sã yayami pami bɔ.

Lahi 2:12

Mɔmɔ ɔmɛ gba tii ngɛ nga a nɔ. Lohwe pɛlitsɛmɛ a lami be ji nɛ ɔ nɛ. Lahuɛhi a la he wa ngɛ nue ngɛ pú ɔ mi ɔ nɛ.