Mose I, 15:8 - BAIBLO ALOO NGMAMI KLƆUKLƆU Ɔ

⁸ Abram bi lɛ ke, “Oo Yawɛ Mawu, kɛ ma pee kɛɛ nɛ ma le kaa zugba nɛ ɔ ma ba pee ye nɔ́?”

Mose I, 15:8 ပူးပေါင်းရင်းမြစ်များ

Mose I, 15:9

Yawɛ he nɔ ke, “Ngɔɔ lohwe nɛ ɔmɛ kɛ ba ha mi: na yo nɛ ye jeha etɛ, apletsi yo nɛ ye jeha etɛ, agbosu nɛ ye jeha etɛ, beleku lahuɛ, kɛ okpo zaa.”

Mose I, 28:4

Mawu Ope ɔ nɛ gbaa mo, kɛ o nina kaa bɔ nɛ e gbaa Abraham ɔ, konɛ zugba nɛ ɔ nɛ o ba to nubwɔ ngɛ nɔ ɔ, e ba pee o nɔ́, ejakaa Mawu kɛ zugba a ha Abraham.”

Mose I, 50:24

Yosef de e nyɛmimɛ ɔmɛ ke, “E be kɛe nɛ ma gbo. Se Mawu maa hyɛ nyɛ nɔ kɛ̃, nɛ e ma kpaka nyɛ kɛ je zugba nɛ ɔ nɔ kɛ ya zugba a nɛ e wo Abraham, kɛ Isak, kɛ Yakob he si ɔ nɔ.”

Matsɛmɛ II, 20:8

Hezekia bi Yesaya ke, “Mɛni okadi ma kɛ na kaa Yawɛ ma tsa mi niinɛ, nɛ hiɛmɛ nɛ ɔ ligbi etɛ ɔ ma nyɛɛ kɛ ya Yawɛ we ɔ?”

La 86:17

Yawɛ, tsɔɔ mi o mɔbɔ nami ɔ he okadi ko, konɛ ye he nyɛli ɔmɛ nɛ a na, nɛ zo nɛ gbe mɛ kaa o piɛ ye he, nɛ o jɔɔ ye bua.

Yesaya 7:11

“Bi Yawɛ, o Mawu ɔ ke e ha mo okadi ko. E ma nyɛ maa je gbeje lokoo, loo hiɔwe tsitsaa kɛ ba.”

Yeremia 34:18

I kɛ Yuda ma nimeli ɔmɛ, Yerusalem ma nimeli ɔmɛ, matsɛ we ɔ tsɔli ɔmɛ, osɔfo ɔmɛ, kɛ ma hɛ mi nyɛɛli ɔmɛ tsuo so somi. Okadi nɛ a pee ji a gbe na bi, nɛ a gba mi enyɔ, nɛ a nyɛɛ fa enyɔ ɔmɛ a mi kɛ be. Se a yi somi ɔ, kɛ blɔ nya tomi ɔmɛ a nɔ. Lɔ ɔ he ɔ, bɔ nɛ a pee na bi ɔ, ja nɔuu ma pee mɛ.

Luka 1:18

Zakaria bi bɔfo ɔ ke, “Kɛ ma pee kɛ le enɛ ɔ kɛɛ? Hyɛ, nɔmoyo ji mi, nɛ ye yo hu bwɔ!”

Luka 1:34

Maria de bɔfo ɔ ke, “I li nyumu. Lɛ kɛ maa pee kɛɛ nɛ enɛ ɔ maa ba mi?”