Mose I, 15:5 - BAIBLO ALOO NGMAMI KLƆUKLƆU Ɔ

⁵ Kɛkɛ nɛ Yawɛ ngɔ Abram kɛ je kpo nɛ e de lɛ ke, “Hyɛ hiɔwe nɛ o ka kaa o ma nyɛ maa kane dodoe ɔmɛ lo; bɔ nɛ dodoe ɔmɛ hiɛ babauu ɔ, ja o nina hu maa hiɛ.”

Mose I, 15:5 ပူးပေါင်းရင်းမြစ်များ

Mose I, 12:2

Ma ha mo nina babauu, nɛ a maa pee je ma agbo. Ma gbaa mo, nɛ ma ha o ma he biɛ, nɛ a maa gu o nɔ kɛ gbaa nihi babauu.

Mose I, 13:16

Ma ha nɛ o nina maa hiɛ babauu kaa tabo zu, nɛ e be hie kanemi; ke nɔ ko nyɛ kane tabo zu ɔ, lɛɛ e ma nyɛ kane o nina.

Mose I, 16:10

Yawɛ bɔfo ɔ de kɛ piɛ he ke, “Ma ha o nina maa hiɛ babauu nɛ nɔ ko be nyɛe maa kane mɛ.

Mose I, 17:2

I kɛ mo maa so, nɛ ma ha o nina maa hiɛ babauu nitsɛ.”

Mose I, 22:17

imi hu ma gbaa mo, nɛ ma ha o nina maa hiɛ babauu kaa dodoehi ngɛ hiɔwe, loo wo nya zia. O nina maa ye a he nyɛli a nɔ.

Mose I, 26:4

Ma ha o nina maa hiɛ babauu kaa dodoehi ngɛ hiɔwe, nɛ i kɛ zugba nɛ ɔ tsuo ma ha mɛ. O nina nɔ a maa gu kɛ gbaa je ma amɛ tsuo.

Mose I, 28:14

O nina maa hiɛ babauu kaa tabo zu. A maa ha zugba a nɔ tsuo kɛ je beleku je kɛ yaa si bonyoku je, jehanɛ kɛ je omleyi je kɛ yaa si leneyi je. Mo, kɛ o nina a nɔ a maa gu kɛ gbaa je ma amɛ tsuo.

Mose I, 32:13

Yakob hwɔ lejɛ ɔ jamɛ a nyɔ ɔ mi. E nɔ jena a, e hla lohwehi nɛ e hɛɛ ɔ ekomɛ, konɛ e kɛ ya ke e nyɛmi Esau. Lohwe ɔmɛ ji nɛ ɔmɛ nɛ: apletsi yo lafa enyɔ, kɛ akpakpo nyingmi enyɔ; jijɔ yo lafa enyɔ, kɛ agbosu nyingmi enyɔ; afukpɔngɔhi nɛ ngɛ nyɔ hae nyingmi etɛ, kɛ a bimɛ; na yo nyingmi eywiɛ, kɛ na ku nyɔngma; teji eyo nyingmi enyɔ, kɛ teji ku nyɔngma.

Matsɛmɛ I, 3:8

Ne mi ngɛ nimli nɛ o je blɔ hla mɛ kɛ pee mo nitsɛ o ma, nimli kpekpemi nɛ nɔ ko be nyɛe maa kane mɛɔ a kpɛti.

Kronika I, 27:23

Matsɛ David kane we nihi nɛ a jeha sui nyingmi enyɔ, ejakaa Yawɛ wo si kaa e ma ha nɛ Israel bi ɔmɛ a he maa hiɛ kaa hiɔwe dodoehi.

Nehemia 9:23

O ha nɛ a bimɛ ɔmɛ hu a he hiɛ babauu kaa dodoehi ngɛ hiɔwe; nɛ zugba a nɛ o de a nɛmɛ ɔmɛ ke a ya ngɔ ɔ, o kpaka mɛ kɛ ya lejɛ ɔ.

Hiob 35:5

Hyɛ hiɔwe; hyɛ bɔ nɛ o kɛ bɔku ɔmɛ a he kɛ ha!

La 147:4

E le dodoe ɔmɛ tsuo a yibɔ, nɛ e kɛ a biɛhi tsɛɔ mɛ kakaaka.

Mose II, 32:13

Mo kai o tsɔli Abraham, Isak, kɛ Yakob. Mo kai mo nitsɛ o kita nɛ o ka ke, ‘Ma ha nɛ nyɛ nina maa hiɛ babauu kaa hiɔwe dodoehi, nɛ ma ngɔ zugba nɛ ɔ tsuo nɛ i wo nyɛ e he si ɔ kɛ ha mɛ, nɛ e maa pee a nɔ kɛ ya neneene ɔ.’ ”

Yesaya 51:2

Nyɛ susu nyɛ nɛ̃, Abraham, kɛ Sara hu nɛ fɔ nyɛ ɔ a he. Benɛ i tsɛ Abraham ɔ, e be bi ko kulaa, se i gbaa lɛ, nɛ i ha lɛ bimɛ; nɛ i ha e nina hiɛ babauu.

Yeremia 33:22

Ma ha nɛ ye tsɔlɔ David nina, kɛ osɔfohi nɛ je Levi wɛtso ɔ mi ɔ a he maa hiɛ babauu kaa hiɔwe dodoehi, loo wo nya zia; nɔ ko nɔ ko be nyɛe maa kane mɛ.”

Romabi 4:18

Bɔ nɛ Abraham he Mawu ye, nɛ e ngɔ e hɛ ngɔ fɔ e nɔ, pohu jamɛ a be ɔ mi ɔ, hɛ kɛ nɔ fɔmi tsuo ta a, lɔ ɔ nɛ ha e ba pee je mahi babauu a tsɛ kaa bɔ nɛ ngmami ɔ deɔ ke, “Jã o nina hu maa hiɛ” ɔ nɛ.

Mose V, 1:10

Yawɛ nyɛ Mawu ɔ ha nɛ amlɔ nɛ ɔ nyɛ he hiɛ babauu kaa dodoehi ngɛ hiɔwe.

Mose V, 10:22

Benɛ nyɛ nɛmɛ ɔmɛ yaa Egipt ɔ, mɛ nimli nyingmi kpaago pɛ nɛ a ho, se amlɔ nɛ ɔ, Yawɛ, nyɛ Mawu ɔ ha nyɛ he hiɛ babauu kaa dodoehi ngɛ hiɔwe.

Hebribi 11:12

Enɛ ɔ he ɔ, Abraham nɔ kake too nɛ ngɛ kaa nɔ ko nɛ yi ta a, e nina ba hiɛ babauu kaa dodoehi ngɛ hiɔwe, loo wo nya zia nɛ hi kanemi.

Yoshua 24:3

I ngɔ nyɛ nɛ̃, Abraham kɛ je zugba a nɛ ngɛ Yufrate pa a se ɔ nɔ, nɛ i kpaka lɛ kɛ gu Kanaan zugba a tsuo nɔ, nɛ i ha lɛ nina babauu. I ha lɛ Isak.