Lɔ ɔ he ɔ, i kple si kɛ ba, konɛ ma ba kpɔ mɛ kɛ je Egipt bi ɔmɛ a dɛ mi, nɛ ma je mɛ kɛ je zugba nɛ ɔ nɔ kɛ ya zugba kpakpa nɛ kle, nɛ baa ní nɔ. Kanaan bi, Hit bi, Amor bi, Periz bi, Hiv bi, kɛ Yebus bi a hi he ɔ i ngɛ tsɔɔe ɔ nɛ.
nɛ i ngɛ si woe kaa ma je nyɛ kɛ je Egipt nɔ́ nami ɔ mi, kɛ ya zugba nɛ kle, nɛ baa ní nɔ. Kanaan bi, Hit bi, Amor bi, Periz bi, Hiv bi, kɛ Yebus bi a hi he ɔ i ngɛ tsɔɔe ɔ nɛ.’
Nyɛ po Yordan pa a, nɛ nyɛ ba Yeriko. Yeriko bi ɔmɛ kɛ nyɛ hwu ta kaa bɔ nɛ Amor, Periz, Kanaan, Hit, Girgash, Hiv, kɛ Yebus bi ɔmɛ tsuo hu kɛ nyɛ hwu ta a. Se i ha nyɛ ye mɛ tsuo a nɔ.
O na kaa e ye mo anɔkuale, lɔ ɔ he ɔ, o kɛ lɛ so. O wo lɛ si ke o maa ngɔ Kanaan, Hit, Amon, Periz, Yebus, kɛ Girgash bi ɔmɛ a zugba a kɛ ha e nina. O ye o siwo ɔ nɔ, ejakaa o yeɔ anɔkuale.
Saul tsɔ ya de Ken bi ɔmɛ nɛ ji ni komɛ nɛ a nɛmɛ na Israel bi ɔmɛ mɔbɔ benɛ a je Egipt kɛ ma a ke, “Nyɛɛ je Amalek bi ɔmɛ a kpɛti, konɛ ma ko kpata nyɛɛ kɛ mɛ tsuo nyɛ hɛ mi.” Kɛkɛ nɛ Ken bi ɔmɛ je Amalek bi ɔmɛ a he.
