Mose I, 15:18 - BAIBLO ALOO NGMAMI KLƆUKLƆU Ɔ

¹⁸ Jamɛ a ligbi ɔ, Yawɛ kɛ Abram so, nɛ e de lɛ ke, “Ma ngɔ zugba nɛ ɔ tsuo kɛ ha o nina, kɛ maa je Egipt pa a nya kɛ yaa si Yufrate pa a nya.

Mose I, 15:18 ပူးပေါင်းရင်းမြစ်များ

Mose I, 12:7

Yawɛ je e he kpo kɛ tsɔɔ Abram nɛ e de lɛ ke, “Zugba a nɛ ma ngɔ kɛ ha o nina a ji nɛ ɔ nɛ.” Lɔ ɔ he ɔ, Abram ma bɔ sami la tɛ ngɛ lejɛ ɔ kɛ ha Yawɛ, nɔ nɛ ba je e he kpo kɛ tsɔɔ lɛ ɔ.

Mose I, 24:7

Yawɛ Mawu nɛ ngɛ hiɔwe ɔ, ngɔ mi kɛ je tsaatsɛ we mi, kɛ ye weku li a zugba nɔ, nɛ e wo mi si ke e kɛ zugba nɛ ɔ ma ha ye nina. Yawɛ nitsɛ maa tsɔ e bɔfo ɔ kɛ nyɛɛ o hɛ mi nɛ o ma ya hla yo ngɛ lejɛ ɔ ba ha ye bi ɔ.

Mose I, 13:15

Zugba a nɛ o ngɛ hyɛe ɔ, ma ngɔ lɛ tsuo kɛ ha mo, kɛ o nina, nɛ e maa pee nyɛ nɔ kɛ maa ya neneene.

Yesaya 27:12

Israel bi, nyɛ na nɛ nyɛɛ le kaa jamɛ a ligbi ɔ, kɛ je Yufrate pa a nya kɛ yaa si Egipt huzu ɔ nya a, Yawɛ ma bua e ma a nya kɛ je je ma amɛ a mi kakaaka kaa nɔ ko nɛ ngɛ ngma mi sae, nɛ e ngɛ ngma nitsɛ ɔ hlae kɛ je tsakati ɔ mi.

Nehemia 9:8

O na kaa e ye mo anɔkuale, lɔ ɔ he ɔ, o kɛ lɛ so. O wo lɛ si ke o maa ngɔ Kanaan, Hit, Amon, Periz, Yebus, kɛ Girgash bi ɔmɛ a zugba a kɛ ha e nina. O ye o siwo ɔ nɔ, ejakaa o yeɔ anɔkuale.

Mose V, 11:24

Zugba a he nɛ nyɛ maa nyɛɛ kɛ gu ɔ tsuo maa pee nyɛ nɔ́. Nyɛ huzu maa je nga kplanaa a nɔ ngɛ leneyi je kɛ yaa su Lebanon yo ɔmɛ a nɔ ngɛ omleyi je; jehanɛ e maa je Yufrate a pa nya ngɛ beleku je kɛ yaa su Mediterenia wo ɔ nya ngɛ bonyoku je.

Mose IV, 34:5

Jehanɛ, huzu ɔ maa dɔ e yi kɛ je Azmon kɛ ba Egipt pa a he, nɛ e nya maa sɛ Mediterenia wo ɔ mi.

Hebribi 13:20

He jɔmi Mawu ɔ, nɔ nɛ gu muɔ nɛ a kɛ sɔu neneene somi ɔ nya a nɔ, nɛ e je to ɔmɛ a hyɛlɔ ngua a nɛ ji wa Nyɔmtsɛ Yesu kɛ je gbeje kɛ ba wami mi ekohu ɔ,

Yeremia 32:40

I kɛ mɛ maa so neneene somi kaa ma pee mɛ kpakpa daa. Ma ngɔ ye gbeye yemi kɛ wo a tsui mi, nɛ a be ye se jee hu gblegbleegble.

Kronika II, 9:26

Salomo ye matsɛmɛ ɔmɛ tsuo a nɔ, kɛ je Yufrate pa a nya kɛ ya si Filisti bi ɔmɛ a zugba a nɔ, kɛ Egipt huzu ɔ nya.

Mose V, 34:4

Jehanɛ, Yawɛ de Mose ke, “Zugba a nɛ i wo Abraham, Isak, kɛ Yakob si ke ma ngɔ ha a nina a ji nɛ ɔ nɛ. I ha nɛ o na zugba a kɛ o hɛngmɛ lɛɛ, se be o lejɛ ɔ yae.”

Mose II, 23:23

Ye bɔfo ɔ maa nyɛɛ o hɛ mi kɛ yaa su Amor bi, Hit bi, Periz bi, Kanaan bi, Hiv bi, kɛ Yebus bi ɔmɛ tsuo a zugba a nɔ; nɛ ma kpata a hɛ mi.

Mose I, 26:4

Ma ha o nina maa hiɛ babauu kaa dodoehi ngɛ hiɔwe, nɛ i kɛ zugba nɛ ɔ tsuo ma ha mɛ. O nina nɔ a maa gu kɛ gbaa je ma amɛ tsuo.

Matsɛmɛ I, 4:21

Nɛ Salomo ye tsɛ ngɛ ma amɛ tsuo a nɔ, kɛ je Yufrate pa a nya kɛ ya si Filisti bi ɔmɛ a zugba a, kɛ ya pue Egipt bi ɔmɛ a huzu ɔ nya tɔɔ. Je ma nɛ ɔmɛ wo tó ha lɛ, nɛ a sɔmɔ lɛ e wami be ɔ tsuo.

La 105:11

E ke, “Ma ngɔ Kanaan zugba a kɛ ha mo, nɛ zugba a ma ba pee o weto ní.”

Yoshua 15:4

E tsa nɔ kɛ ho Azmon ya, kɛ ya gu Egipt pa a nya, hluu kɛ ya pi Mediterenia wo ɔ, nɛ e nya ya ta ngɛ lejɛ ɔ. Yuda huzu ɔ nɛ ngɛ beleku je ɔ ji lɔ ɔ nɛ.

Mose V, 7:1

“Yawɛ, nyɛ Mawu ɔ maa ngɔ nyɛ kɛ ya su zugba a nɛ nyɛ yaa ngɔ ɔ nɔ, nɛ e maa fie je mahi babauu kɛ je zugba a nɔ ha nyɛ. Je ma kpaago nɛ a he hiɛ, nɛ a he wa kulaa pe nyɛ Yawɛ maa fie ngɛ nyɛ blɔ ɔ nɔ: Hit bi, Girgash bi, Amor bi, Kanaan bi, Periz bi, Hiv bi, kɛ Yebus bi.

Mose I, 50:24

Yosef de e nyɛmimɛ ɔmɛ ke, “E be kɛe nɛ ma gbo. Se Mawu maa hyɛ nyɛ nɔ kɛ̃, nɛ e ma kpaka nyɛ kɛ je zugba nɛ ɔ nɔ kɛ ya zugba a nɛ e wo Abraham, kɛ Isak, kɛ Yakob he si ɔ nɔ.”

Mose I, 35:12

Zugba a nɛ i ngɔ kɛ ha Abraham kɛ Isak ɔ, i kɛ ma ha mo kɛ o nina.”

Mose I, 28:4

Mawu Ope ɔ nɛ gbaa mo, kɛ o nina kaa bɔ nɛ e gbaa Abraham ɔ, konɛ zugba nɛ ɔ nɛ o ba to nubwɔ ngɛ nɔ ɔ, e ba pee o nɔ́, ejakaa Mawu kɛ zugba a ha Abraham.”

Mose II, 34:11

Mlaa nɛ i ngɛ mo woe mwɔnɛ ɔ, moo ye nɔ. Ma fie Amor bi, Kanaan bi, Hit bi, Periz bi, Hiv bi, kɛ Yebus bi ɔmɛ kɛ je blɔ mi ha mo.

Mose II, 6:4

Jehanɛ se hu, i kɛ mɛ so kaa Kanaan zugba a nɛ a ya to nubwɔ ngɛ nɔ ɔ, ma ngɔ kɛ ha mɛ.

Mose II, 3:8

Lɔ ɔ he ɔ, i kple si kɛ ba, konɛ ma ba kpɔ mɛ kɛ je Egipt bi ɔmɛ a dɛ mi, nɛ ma je mɛ kɛ je zugba nɛ ɔ nɔ kɛ ya zugba kpakpa nɛ kle, nɛ baa ní nɔ. Kanaan bi, Hit bi, Amor bi, Periz bi, Hiv bi, kɛ Yebus bi a hi he ɔ i ngɛ tsɔɔe ɔ nɛ.

Kronika I, 5:9

A ngɛ lohwe babauu ngɛ Gilead zugba a nɔ; lɔ ɔ he ɔ, a hi Gilead beleku je ɔ kɛ ya si nga a nɔ, kɛ Yufrate pa a nya.

Samuel II, 23:5

Kikɛ nɛ ɔ Mawu maa gbaa ye weku kɛ nina. Mawu kɛ mi so neneene somi, somi nɛ a be mi poe gblegbleegble. Nɔ́ nɛ i ngɛ hlae ɔ pɛ ji nɛ ɔ nɛ; e maa pee ye kunimi yemi, nɛ Yawɛ ma ha nɛ e ba mi.

Mose I, 2:14

Pa kɔni etɛne ɔ biɛ ji Tigris; e bee ngɛ Asiria beleku je. Kɔni eywiɛne ɔ ji Yufrate.

Yesaya 55:3

“Ye ma, nyɛ ta tue, nɛ nyɛɛ ba ye ngɔ; nyɛɛ ba ye ngɔ, konɛ nyɛ yi nɛ na wami. I kɛ nyɛ maa so somi ko nɛ maa hi si kɛ maa ya neneene; nɛ gbaami nɛ i wo David si ke ma ha e nina a, ma kɛ ha nyɛ.

Samuel II, 8:3

Jehanɛ se, David ya ye Rehob binyumu Hadadezer, nɛ ji Zoba matsɛ ɔ nɔ kunimi. Jamɛ a be ɔ, Hadadezer ngɛ blɔ nɔ kɛ yaa, konɛ e ya kpɔ e zugba a nɛ ngɛ Yufrate pa a he ɔ ekohu.

Ni Tsumi 7:5

Mawu ha we Abraham nitsɛ zugba a kpɔ nɛ maa su nane ma he kake tete po. Se Mawu wo lɛ si kaa e ma ha nɛ zugba a ma ba pee e kɛ e nina a nɔ́. Benɛ Mawu wo si nɛ ɔ, Abraham be bi po.

Kpojemi 9:14

Gbi ɔ de bɔfo ekpane ɔ nɛ hɛɛ titimati ɔ ke, “Bɔfo eywiɛ ɔmɛ nɛ a fi mɛ ngɛ Yufrate pa nguaa a nya a, yaa pɛne mɛ!”

Mose II, 6:8

Ma ngɔ nyɛ kɛ ya zugba nɛ i wo si kaa i kɛ ma ha Abraham, Isak, kɛ Yakob ɔ nɔ; ma ngɔ kɛ ha nyɛ, nɛ e maa pee nyɛ nitsɛmɛ nyɛ nɔ. Imi Yawɛ nɛ i de.’ ”

Mose II, 13:11

“Ke Yawɛ kɛ nyɛ ba Kanaan zugba a nɔ kaa bɔ nɛ e ka nyɛɛ kɛ nyɛ nɛmɛ ɔmɛ kita ke e maa pee ɔ,

Mose II, 32:13

Mo kai o tsɔli Abraham, Isak, kɛ Yakob. Mo kai mo nitsɛ o kita nɛ o ka ke, ‘Ma ha nɛ nyɛ nina maa hiɛ babauu kaa hiɔwe dodoehi, nɛ ma ngɔ zugba nɛ ɔ tsuo nɛ i wo nyɛ e he si ɔ kɛ ha mɛ, nɛ e maa pee a nɔ kɛ ya neneene ɔ.’ ”

Mose V, 12:20

“Ke Yawɛ, nyɛ Mawu ɔ bli nyɛ huzu ɔmɛ a mi kaa bɔ nɛ e wo si ɔ, nyɛ ma nyɛ maa ye de lo be tsuaa be nɛ nyɛ suɔ.

Mose V, 19:8

“Ke Yawɛ, o Mawu ɔ ha nɛ o zugba a ba kle kaa bɔ nɛ e de o nɛmɛ ɔmɛ ke e maa pee ɔ, nɛ e ngɔ zugba a tsuo ngɔ ha mo ɔ,

Kronika II, 7:8

Salomo kɛ Israel ma kpekpemi ɔ tsuo ngɔ otsi kɛ ye Gbasisihimi nyami be ɔ ngɛ Yawɛ we ɔ. Nimli babauu nitsɛ ba nyami be nɛ ɔ; a je tsitsaa Hamat yo kpɛ blɔ ɔ ngɛ omleyi je, kɛ ya si Egipt huzu ɔ he ngɛ leneyi je.

Kronika II, 8:7

Benɛ Israel bi ɔmɛ ya ngɔ Kanaan zugba a, Kanaan bi nɛ piɛ ngɛ lejɛ ɔ nɛ Israel bi ɔmɛ gbi mɛ ɔ ji nihi nɛ Matsɛ Salomo nyɛ a nɔ kɛ tsu ní tsumi kpakpataahi. Mɛ ji Hit bi, Amor bi, Periz bi, Hiv bi, kɛ Yebus bi; nɛ a nina ngɛ nyɔguɛ yee kɛ ba si mwɔnɛ ligbi nɛ ɔ.

Ezra 4:20

Jehanɛ hu, a na kaa matsɛ nguahi hi Yerusalem sa a, nɛ a ye ma a nɔ kɛ ya pue Yufrate pa a se tsuo; nɛ Yerusalem he tó, kɛ sika kpahi ngɛ ma amɛ a dɛ.

Mose II, 2:24

Benɛ Mawu nu a kɛmɛmi ɔ, e kai somi nɛ e kɛ a nɛmɛ Abraham, Isak, kɛ Yakob so ɔ.

Mose II, 34:24

Ma fie je ma amɛ kɛ je o blɔ ɔ nɔ, nɛ ma bli o huzu ɔmɛ a mi. Nɛ ke o ba Yawɛ, o Mawu ɔ hɛ mi si etɛ ngɛ jeha mi ɔ, nɔ ko hɛ be o zugba a nɔ kɔe.

Mose III, 26:42

lɛɛ imi hu ma kai somi ɔmɛ nɛ i kɛ Yakob, Isak, kɛ Abraham so ɔ. Kɛkɛ ɔ, si nɛ i wo kaa ma ngɔ zugba a ngɔ ha ye ma a, ma ti mi ekohu.

Mose III, 26:45

A he ɔ, ma kai somi nɛ i kɛ a nɛmɛ ɔmɛ so, benɛ i je ye he wami kpo kɛ tsɔɔ je ma amɛ, benɛ i je mɛ kɛ je Egipt zugba a nɔ, konɛ ma pee a Mawu ɔ. Imi ji Yawɛ.”

Yoshua 13:3

kɛ Avim zugba a tsuo nɛ ngɛ leneyi je ɔ. Zugba a nɛ ngɛ kɛ je Shihor pa a he ngɛ Egipt bi ɔmɛ a huzu ɔ nya a, kɛ ba be kɛ ho Ekron ya ngɛ omleyi je ɔ, a buu jamɛ a zugba a kaa Kanaan bi a zugba. Filisti bi ɔmɛ a matsɛmɛ ɔmɛ hi ma nɛ ɔmɛ a mi: Gaza, Ashdod, Ashkelon, Gat, kɛ Ekron.

Matsɛmɛ I, 5:1

Tiro matsɛ, Hiram kɛ David ɔ, huɛmɛ ji mɛ. Enɛ ɔ he je ɔ, benɛ e nu kaa a pɔ Salomo nu nɛ a wo lɛ matsɛ ngɛ David se ɔ, e tsɔ kɛ ya ha lɛ manye.

Kronika I, 16:16

somi nɛ e kɛ Abraham so, kɛ si nɛ e wo Isak ɔ.

Yeremia 32:22

O ha mɛ zugba kpakpa nɛ baa ní saminya nɛ ɔ kaa bɔ nɛ o wo a nɛmɛ ɔmɛ si ɔ.