Mose I, 15:16 - BAIBLO ALOO NGMAMI KLƆUKLƆU Ɔ

¹⁶ Yi nɔ eywiɛ se ɔ, o nina maa kpale kɛ ba hiɛmɛ nɛ ɔ ekohu; ejakaa i be Amor bi ɔmɛ fiee kɛ je zugba a nɔ kɛ yaa si jamɛ a be ɔ mi. Jamɛ a be ɔ mi ɔ, a yi mi wami ɔ nya maa wa, nɛ ma gbla a tue.”

Mose I, 15:16 ပူးပေါင်းရင်းမြစ်များ

Matsɛmɛ I, 21:26

E pee ní hiemi níhi babauu; e ja amagahi kaa bɔ nɛ Amor bi ɔmɛ nɛ Yawɛ fie kɛ je Israel bi ɔmɛ a blɔ mi ɔ pee ɔ pɛpɛɛpɛ.)

Daniel 8:23

“Ke matsɛ yemi nɛ ɔmɛ a nyagbe be ɔ su ta, nɛ a yayami ɔ mi ba wa bɔ nɛ e sa kaa a gbla a tue ɔ, matsɛ ko ma ba te si. Matsɛ nɛ ɔ maa pee yiwutsotsɛ kɛ nɔ sisilɔ nɛ maa wa tue.

1 Tesalonikabi 2:16

Ma je li tete po a ke wa ko fiɛ ha mɛ, konɛ a ko he a yi wami. Lɔ ɔ he ɔ, yayami ɔ, pe a ngɛ pee kɛ ngɛ nɔ toe babauu daa ligbi. Se jehanɛ lɛɛ Mawu kɛ e mi mi fumi ɔ kple a nɔ!

Mose II, 12:40

Be nɛ Israel bi ɔmɛ ye ngɛ Egipt zugba a nɔ ji jeha lafa eywiɛ kɛ nyingmi etɛ.

Mose I, 15:13

Kɛkɛ nɛ Yawɛ de lɛ ke, “I ngɛ mo dee anɔkuale mi kaa o nina ma ya pee nibwɔhi ngɛ zugba kpa nɔ; a maa pee nyɔguɛhi ngɛ lejɛ ɔ, nɛ a maa wa mɛ yi mi jeha lafa eywiɛ.

Mose III, 18:24

“Je ma amɛ nɛ i ngɛ fiee kɛ ngɛ nyɛ blɔ mi jee ɔ, níhi nɛ a pee nɛ a kɛ ble a he,

Matsɛmɛ II, 21:11

“Yuda matsɛ, Manase tsu musu ní; e pee yayami nɛ nya wa kulaa pe níhi tsuo nɛ Kanaan bi ɔmɛ pee ɔ. Jehanɛ se hu, e ha nɛ Yuda ya ja amaga, nɛ a pee yayami.

Mose I, 10:16

Kanaan nina ji Yebus bi, Amor bi, Girgash bi,

Mose I, 48:21

Kɛkɛ nɛ Yakob de Yosef ke, “Kaa bɔ nɛ o ngɛ hyɛe ɔ, i miɔ nɛ ma gbo. Mawu kɛ nyɛ maa hi si, nɛ e maa kpale nyɛ kɛ ya nyɛ nɛmɛ a zugba a nɔ.

Mose I, 50:24

Yosef de e nyɛmimɛ ɔmɛ ke, “E be kɛe nɛ ma gbo. Se Mawu maa hyɛ nyɛ nɔ kɛ̃, nɛ e ma kpaka nyɛ kɛ je zugba nɛ ɔ nɔ kɛ ya zugba a nɛ e wo Abraham, kɛ Isak, kɛ Yakob he si ɔ nɔ.”

Mose II, 13:3

Mose de ma a ke, “Nyɛ kai kikɛmɛ a ligbi nɛ ɔ nɛ nyɛ hia kɛ je Egipt, kɛ je nyɔguɛ yemi sisi ɔ. Ligbi nɛ ɔ nɛ Yawɛ kɛ he wami kpetekpleenyɛ je nyɛ kɛ je lejɛ ɔ nɛ. Nyɛ ko ye masa ní ngɛ ligbi nɛ ɔ nɔ.

Mose II, 13:4

Mwɔnɛ ligbi nɛ ɔ, nyɛ ngɛ hiae kɛ ngɛ Egipt jee ngɛ kekleekle nyɔhiɔ, Abib ɔ mi.

Mose V, 9:4

“Ke Yawɛ, nyɛ Mawu ɔ fie mɛ ha nyɛ ɔ, nyɛ ko susu nɛ nyɛ de nyɛ he ke, ‘Wa dami nɛ wa da he je nɛ Yawɛ kɛ wɔ ba nɛ wa ba ngɔ zugba nɛ ɔ.’ Pi ja, se mohu je ma nɛ ɔmɛ a yi mi nɛ wa a he je nɛ Yawɛ ngɛ mɛ fiee ha nyɛ ɔ nɛ.

Mose V, 9:5

Pi kaa nyɛ hi, loo nyɛ peeɔ nɔ́ nɛ da he je nɛ Yawɛ ha nyɛ yaa ngɔ a zugba a. Mohu ɔ, a yi mi nɛ wa a he je nɛ Yawɛ, nyɛ Mawu ɔ ngɛ mɛ fiee ha nyɛ ɔ nɛ. Jehanɛ hu, Yawɛ pee ja, bɔ nɛ pee nɛ e ye si nɛ e wo nyɛ nɛmɛ, Abraham, Isak, kɛ Yakob ɔ nɔ.

La 105:43

Kɛkɛ nɛ e kpaka e ma nɛ e hla a kɛ je; a la, nɛ a hwɔ lele.