Mose I, 14:8 - BAIBLO ALOO NGMAMI KLƆUKLƆU Ɔ

⁸ Kɛkɛ nɛ Sodom, Gomora, Adma, Zeboiim, kɛ Bela matsɛmɛ ɔmɛ ya bua a ta buli ɔmɛ a nya ngɛ Sidim Kɔ̃ ɔ mi,

Mose I, 14:8 ပူးပေါင်းရင်းမြစ်များ

Mose I, 19:22

Tuu fo kɛ ya lejɛ ɔ esɔ! I be nɔ́ ko pee kaa ja o ya su lejɛ ɔ lolo.” Akɛnɛ Lot de ke ma bɔbɔyoo ji ma a he je ɔ, a wo ma a biɛ ke Zoar.

Mose I, 19:20

O nɛ, ma bɔbɔyoo ko ji nɛ ɔ nɛ, e kɛ hiɛ ɔ kɛ we kulaa. Ha ma tu fo ya sa we ngɛ lejɛ ɔ. E ji ma bɔbɔyoo kɛkɛ, nɛ ye yi ma na wami ngɛ lejɛ ɔ.”

Mose I, 13:10

Lot hyɛ zugba a tsuo kɛ kpe, nɛ e na kaa nyu ngɛ Yordan kɔ̃ ɔ mi tsuo babauu kaa bɔ nɛ Yawɛ Ngmɔ ɔ ngɛ ɔ, aloo kaa bɔ nɛ Egipt zugba a ngɛ kɛ ma Zoar blɔ ɔ. Sane nɛ ɔ ba loko Yawɛ kpata Sodom kɛ Gomora hɛ mi.

Mose I, 14:10

Muɔhi nɛ amã ngɛ a mi babauu ngɛ Sidim Kɔ̃ ɔ mi, nɛ benɛ Sodom kɛ Gomora matsɛmɛ ɔmɛ ngɛ fo tue ngɛ ta a nya a, a nɔɔ muɔ ɔmɛ a mi; se matsɛmɛ etɛ ɔmɛ nɛ piɛ ɔ, mɛ lɛɛ a tu fo kɛ ho yoku ɔmɛ a nɔ ya.

Mose I, 10:19

Kanaan bi ɔmɛ a zugba a ngɛ kɛ je Sidon kɛ gu Gera hluu kɛ ya pi Gaza. Jehanɛ, zugba a ya gu Sodom, Gomora, Adma, kɛ Zeboiim blɔ, kɛ ya pi Lasha.

Mose I, 14:9

nɛ a gba ta wo Elam matsɛ, Kedorlaomer; Goim matsɛ, Tidal; Babilonia matsɛ, Amrafel; kɛ Elasar matsɛ, Ariok. Matsɛmɛ enuɔ ɔmɛ, kɛ matsɛmɛ eywiɛ ɔmɛ hwu ta.

Hosea 11:8

“Israel ma, kɛ maa pee kɛɛ nɛ ma ngmɛɛ nyɛ he? Kɛ maa pee kɛɛ nɛ ma kua nyɛ? Kɛ maa pee kɛɛ nɛ ma kpata nyɛ hɛ mi kaa bɔ nɛ i pee Adma a? Kɛ maa pee kɛɛ nɛ ma wa nyɛ yi mi kaa bɔ nɛ i pee Zeboyim ɔ? Ye tsui be mi blɔ ngmɛe kaa ma pee jã! Suɔmi nɛ i ngɛ kɛ ha nyɛ ɔ nya wa tsɔ!