Mose I, 14:6 - BAIBLO ALOO NGMAMI KLƆUKLƆU Ɔ

⁶ Jehanɛ, a gbe Hor bi ɔmɛ hu ngɛ Edom yo ɔmɛ a nɔ, nɛ a nyɛɛ a se hluu kɛ ya si Elparan ngɛ nga a nya.

Mose I, 14:6 ပူးပေါင်းရင်းမြစ်များ

Mose V, 2:22

Yawɛ pee Edom bi ɔmɛ nɛ ji Esau nina a jã nɔuu. E kpata Hor bi ɔmɛ a hɛ mi, nɛ Edom bi ɔmɛ ya ngɔ a zugba a, nɛ a hi lejɛ ɔ. A ngɛ lejɛ ɔ kɛ mwɔɔ.

Mose V, 2:12

Hor bi ɔmɛ hu hi Edom sa a; se Esau nina a ba fie mɛ, nɛ a kpata a hɛ mi, nɛ mɛ nitsɛmɛ a hi lejɛ ɔ, kaa bɔ nɛ Israel bi ɔmɛ hu ba fie a he nyɛli ɔmɛ kɛ je zugba nɛ ji weto ní nɛ Yawɛ ngɔ ha mɛ ɔ nɔ ɔ.

Mose IV, 13:3

Mose tsɔ Israel ma nimeli ɔmɛ kɛ je Paran nga a nɔ kaa bɔ nɛ Yawɛ fa lɛ ɔ. A biɛhi, kɛ wɛtsohi nɛ a je mi ɔ ji nɛ ɔmɛ nɛ: WƐTSO WƐTSO NƆKƆTƆMA Ruben Shamua, Zakur bi ɔ Simeon Shafat, Hori bi ɔ Yuda Kaleb, Yefune bi ɔ Isakar Igal, Yosef bi ɔ Efraim Hoshea, Nun bi ɔ Benyamin Palti, Rafu bi ɔ Zebulun Gadiel, Sodi bi ɔ Manase Gadi, Susi bi ɔ Dan Amiel, Gemali bi ɔ Asher Setur, Mikael bi ɔ Naftali Nabi, Vofsi bi ɔ Gad Geuel, Maki bi ɔ.

Mose IV, 12:16

Lɔ ɔ se ɔ, ma a hia kɛ je Hazerot, nɛ a ya to si ngɛ Paran nga a nɔ.

Habakuk 3:3

Mawu je Edom kɛ ma ekohu; Mawu Klɔuklɔu ɔ ngɛ si kplee ngɛ Paran yo ɔmɛ a nɔ kɛ ma. E hɛ mi nyami ɔ ha hiɔwe ɔ tsuo; nɛ a ngɛ e yi jee ngɛ je ɔ mi he tsuaa he.

Mose IV, 10:12

Kɛkɛ nɛ Israel bi ɔmɛ hia kɛ je Sinai nga a nɔ, nɛ a tsa a nyɛɛmi ɔ nɔ hluu kɛ ya si bɔku ɔ ya da si ngɛ Paran nga a nɔ.

Mose I, 36:8

Enɛ ɔ he je ɔ, Esau hia kɛ ya hi Edom yo ɔ nɔ.

Mose I, 16:7

Yawɛ bɔfo ɔ kɛ Hagar kpe ngɛ pa ko nya, ngɛ Shur blɔ ɔ nɔ,

Mose I, 32:3

Yakob tsɔ nihi kɛ sɛ e hlami kɛ ho e nyɛmi Esau ngɔ ya ngɛ Edom zugba a nɔ.

Matsɛmɛ I, 11:18

A je Midian kɛ ho Paran ya; nɛ benɛ a ya su lejɛ ɔ, nyumuhi kpa komɛ ba piɛ a he. Nɛ́ a je lejɛ ɔ, a pue nɔ kɛ ho Egipt ya, nɛ a ya na Egipt matsɛ ɔ. Farao ɔ ha Hadad zugba, kɛ we, kɛ niye ní.